ನೇಪಾಳದ ಹೂಡಿಕೆ ಮಂಡಳಿಯ ಸಿಇಒ ಆಗಿ ಸುಶೀಲ್ ಗ್ಯಾವಾಲಿ ನೇಮಕ

•   Fri, Sep 13 2024 02:07:30 PM



• ಕಠ್ಮಂಡು, ಸೆ.13 (DaijiworldNews/TA):ನೇಪಾಳದ ಹೂಡಿಕೆ ಮಂಡಳಿಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ (ಸಿಇಒ) ಸುಶೀಲ್ ಗ್ಯಾವಾಲಿ ಅವರನ್ನು ಸರ್ಕಾರ ನೇಮಿಸಿದೆ.

  

  ಗುರುವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಗ್ಯಾವಲಿ ಅವರನ್ನು ಸಿಇಒ ಆಗಿ ನೇಮಕ ಮಾಡಲಾಗಿದೆ ಎಂದು ವರದಿಯಾಗಿದೆ. ಪ್ರಧಾನಿ ಕೆಪಿ ಶರ್ಮಾ ಒಲಿ ನೇಪಾಳದ ಹೂಡಿಕೆ ಮಂಡಳಿಯ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದರೆ, ಹಣಕಾಸು ಸಚಿವ ಬಿಷ್ಣು ಪೌಡೆಲ್ ಉಪಾಧ್ಯಕ್ಷ ಸ್ಥಾನವನ್ನು ಹೊಂದಿದ್ದಾರೆ.

  ಶಿಫಾರಸು ಸಮಿತಿಯು ಆಯ್ಕೆ ಮಾಡಿದ 5 ಅಭ್ಯರ್ಥಿಗಳ ಪೈಕಿ ಗ್ಯಾವಾಲಿಯನ್ನು ಸಿಇಒ ಆಗಿ ನೇಮಿಸಲಾಗಿದೆ. ಗ್ಯಾವಲಿ ಅವರು ಈ ಹಿಂದೆ ರಾಷ್ಟ್ರೀಯ ಪುನರ್ನಿರ್ಮಾಣ ಪ್ರಾಧಿಕಾರದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿದ್ದರು. ಅದೇ ರೀತಿ ಆಡಳಿತ ವಲಯದ 51 ಜಂಟಿ ಕಾರ್ಯದರ್ಶಿಗಳನ್ನು ವರ್ಗಾವಣೆ ಮಾಡಲು ಸರ್ಕಾರ ನಿರ್ಧರಿಸಿದೆ.