ತಲಾಖ್ ನೀಡಿದ್ದ ದುಬೈ ರಾಜಕುಮಾರಿಯಿಂದ 'ಡಿವೋರ್ಸ್' ಪರ್ಫ್ಯೂಮ್ ಬಿಡುಗಡೆ

•   Wed, Sep 11 2024 01:24:21 PM



• ಅಬುಧಾಬಿ, ಸೆ.11(DaijiworldNews/AA): ಪತಿಗೆ ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಂನಲ್ಲೇ ತಲಾಖ್ ನೀಡಿದ್ದ ದುಬೈ ರಾಜಕುಮಾರಿ ಶೇಖ್ ಮಹ್ರಾ ಅಲ್ಮ್ ಮಕ್ತೌಮ್ ಇದೀಗ 'ಡಿವೋರ್ಸ್' ಎಂದು ಪರ್ಫ್ಯೂಮ್ ಬಿಡುಗಡೆ ಮಾಡಿದ್ದಾರೆ.

  ದುಬೈ ರಾಜಕುಮಾರಿ ಶೇಖ್ ಮಹ್ರಾ ತನ್ನ ಗಂಡ ಶೇಖ್ ಮನ ಅಲ್ ಮಕ್ತೌಮ್ ಅವರಿಗೆ ಕೆಲ ದಿನಗಳ ಹಿಂದೆ ಇನ್‌ಸ್ಟಾದಲ್ಲಿ ತ್ರಿವಳಿ ತಲಾಖ್ ಹೇಳಿದ್ದರು. ಗಂಡನ ದಾಂಪತ್ಯ ದ್ರೋಹವೇ ವಿಚ್ಛೇದನ ನೀಡಲು ಕಾರಣ ಎಂದು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದರು.

  ಅವರು ಮಾಡಿದ್ದ ಪೋಸ್ಟ್ ನಲ್ಲಿ, 'ಆತ್ಮೀಯ ಪತಿ, ನೀವು ಬೇರೆ ಸಂಬಂಧ ಹೊಂದಿರುವುದರಿಂದ ನಾನು ನಿಮಗೆ ವಿಚ್ಛೇದನ ನೀಡುತ್ತಿದ್ದೇನೆ. ಇಂತಿ ನಿಮ್ಮ ಮಾಜಿ ಹೆಂಡತಿ ಎಂದು ಬರೆದುಕೊಂಡಿದ್ದರು.'

  ಇದೀಗ ರಾಜಕುಮಾರಿ 'ಡಿವೋರ್ಸ್' ಹೆಸರಿನ ಹೊಸ ಪರ್ಫ್ಯೂಮ್ ಒಂದನ್ನು ಬಿಡುಗಡೆ ಮಾಡಿದ್ದಾರೆ. ಆ ಸುಗಂಧ ದ್ರವ್ಯ ಬಾಟಲಿಯ ಚಿತ್ರ ಹಾಕಿ ವಿಡಿಯೋ ಹಂಚಿಕೊಂಡಿದ್ದಾರೆ.