ಬಾಕ್ಸ್ ಆಫೀಸ್ ಬ್ರೇಕ್ ಮಾಡಿದ ಮಹರ್ಷಿ-ಮೊದಲ ದಿನವೇ 45 ಕೋಟಿ ರೂ.ಗಳಿಕೆ

•   Sat, May 11 2019 09:57:20 AM



• ಆಂಧ್ರ ಪ್ರದೇಶ,ಮೇ11(DaijiworldNews/AZM):ತೆಲುಗು ಚಿತ್ರರಂಗದ ಮಹೇಶ್ ಬಾಬು ಅಭಿನಯದ ಬಹು ನಿರೀಕ್ಷಿತ ಚಿತ್ರ 'ಮಹರ್ಷಿ' ಭರ್ಜರಿ ಪ್ರದರ್ಶನ ಕಾಣುತ್ತಿದ್ದು, ಮೊದಲ ದಿನವೇ 45 ಕೋಟಿ ರೂ. ಗಳಿಸಿ ದಾಖಲೆ ಬರೆದಿದೆ.

  

  ಚಿತ್ರದಲ್ಲಿ ಮಹೇಶ್ ಬಾಬು ಕಾರ್ಪೊರೇಟ್ ಕಂಪನಿಯ ಸಿಇಒ ಆಗಿ ಪ್ರೇಕ್ಷಕರ ಗಮನ ಸೆಳೆದಿದ್ದಾರೆ. ಚಿತ್ರದಲ್ಲಿ ಮಹೇಶ್ ಬಾಬು ನಾಯಕಿಯಾಗಿ ಪೂಜಾ ಹೆಗಡೆ ನಟಿಸುತ್ತಿದ್ದಾರೆ. ವಂಶಿ ನಿರ್ದೇಶನದ ಈ ಚಿತ್ರವನ್ನು ವೈಜಯಂತಿ ಮೂವೀಸ್, ಶ್ರೀ ವೆಂಕಟೇಶ್ವರ ಕ್ರಿಯೇಶನ್ಸ್ ಹಾಗೂ ಪಿವಿಪಿ ಜಂಟಿಯಾಗಿ ನಿರ್ಮಾಣ ಮಾಡಿವೆ.

  ಖ್ಯಾತ ಸಿನಿ ವಿಶ್ಲೇಷಕ ರಮೇಶ್ ಬಾಲಾ ಚಿತ್ರದ ಗಳಿಕೆ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ನಿಜಾಮ್ ನಲ್ಲಿ 6.38 ಕೋಟಿ ರೂ., ಗುಂಟೂರಿನಲ್ಲಿ 4.4 ಕೋಟಿ ರೂ. ಗಳಿಸಿರುವ 'ಮಹರ್ಷಿ' ಎಲ್ಲೆಡೆ ಕಮಾಲ್ ಮಾಡಿದೆ. ಮೊದಲ ದಿನವೇ ಹೌಸ್ ಫುಲ್ ಆಗಿರುವ ಈ ಚಿತ್ರ ದಿನ ಬಾಕ್ಸಾಫೀಸ್ ಬ್ರೇಕ್ ಮಾಡಿದೆ.

  ಈ ಚಿತ್ರ ಮಹೇಶ್ ಬಾಬು ಸಿನಿ ಕೆರಿಯರ್ ನಲ್ಲೇ ಅತೀ ಹೆಚ್ಚು ಗಳಿಕೆ ಕಂಡು ಬಂದ ಚಿತ್ರ ಎನ್ನಲಾಗಿದೆ.