ಸಲ್ಮಾನ್ ಸಿನಿಮಾ ಪ್ರೇಮ್ ನಿರ್ದೇಶಿಸಲಿದ್ದಾರೆ-ಸುದೀಪ್ ಪ್ರತಿಕ್ರಿಯೆ ಏನು?

•   Thu, May 09 2019 02:37:15 PM



• ಮುಂಬೈ,ಮೇ09(DaijiworldNews/AZM):ಸಲ್ಮಾನ್ ಖಾನ್ ಅವರ ಹೊಸ ಸಿನಿಮಾವನ್ನು ಪ್ರೇಮ್ ಅವರು ನಿರ್ದೇಶಿಸಲಿದ್ದಾರೆ ಎಂಬ ಸುದ್ದಿ ಇದೀಗ ಸುಳ್ಳಾಗಿದ್ದು, ಈ ಕುರಿತು ಕಿಚ್ಚ ಸುದೀಪ್ ಸ್ಪಷ್ಟನೆ ನೀಡಿದ್ದಾರೆ.

  

  ಸಲ್ಮಾನ್ ಖಾನ್ ಅವರ ದಬಾಂಗ್ 3 ಸಿನಿಮಾದಲ್ಲಿ ಸುದೀಪ್ ಅವರು ಅಭಿನಯಿಸುತ್ತಿದ್ದು, ಸದ್ಯ ಮುಂಬೈನಲ್ಲಿ ಇದ್ದಾರೆ. ಇದೇ ವೇಳೆ ಸುದೀಪ್ ಆಹ್ವಾನದ ಮೇರೆಗೆ ಕನ್ನಡ ನಿರ್ದೇಶಕ ಪ್ರೇಮ್ 'ದಬಾಂಗ್‌ 3' ಸಿನಿಮಾ ಸೆಟ್ ಗೆ ಹೋಗಿದ್ದಾರೆ. ಹೀಗಾಗಿ ಪ್ರೇಮ್‌, ಸಲ್ಮಾನ್‌ ಖಾನ್ ಅವರ ಸಿನಿಮಾಕ್ಕೆ ಆಕ್ಷನ್‌ ಕಟ್‌ ಹೇಳ್ತಾರೆ ಅನ್ನೊ ಮಾತು ಕೇಳಿ ಬಂದಿದ್ದು, ಈ ಸುಳ್ಳು ಸುದ್ದಿಗೆ ಸುದೀಪ್ ಅವರು ಸ್ಪಷ್ಟನೆ ನೀಡಿದ್ದಾರೆ.

  

  ನಾನು ಮತ್ತು ಕೆ ಮಂಜು ನಿರ್ಮಾಣದಲ್ಲಿ ಸಲ್ಮಾನ್ ಖಾನ್ ಹೀರೋ ಆಗಿ ಪ್ರೇಮ್ ಹೊಸ ಸಿನಿಮಾವೊಂದನ್ನು ನಿರ್ದೇಶಿಸುತ್ತಾರೆ ಎಂಬ ಸುದ್ದಿ ಹರಿದಾಡುತ್ತಿರುವುದು ಶುದ್ಧ ಸುಳ್ಳು. ಇಂತಹ ಸುದ್ದಿಗಳನ್ನು ದಯವಿಟ್ಟು ಹರಡಬೇಡಿ. ಪ್ರೇಮ್ ಕೇವಲ ನಮ್ಮ ಶೂಟಿಂಗ್‌ ಸೆಟ್‌ಗೆ ಬಂದಿದ್ದರಷ್ಟೇ ಅಂತ ಸ್ಪಷ್ಟಪಡಿಸಿದ್ದಾರೆ.