'ಎಂಥವಾರಲೈನ' ತೆಲುಗು ಚಿತ್ರದಲ್ಲಿ ಕರಾವಳಿಯ ಹೀರೋ ಅದ್ವೈತ್

•   Tue, May 07 2019 09:03:07 PM



• ಬೆಂಗಳೂರು, ಮೇ07(Daijiworld News/SS): ಕರಾವಳಿಯ ಅದ್ವೈತ್ ನಾಯಕನಾಗಿ ನಟಿಸಿದ ತೆಲುಗು ಚಿತ್ರರಂಗದ ಬಹುನಿರೀಕ್ಷಿತ ಮಾಸ್ ಮೂವೀ ಎಂಥವಾರಲೈನ ಭಾರೀ ಸುದ್ದಿಯಾಗಿದ್ದು, ಚಿತ್ರದ ಪ್ರಚಾರ ಕಾರ್ಯಗಳು ಭರದಿಂದ ಸಾಗುತ್ತಿದೆ. ಈ ಚಿತ್ರಕ್ಕೆ ಸುಕುಮಾರ್ ಸಂಗೀತ ಸಂಯೋಜನೆ ಮಾಡಿದ್ದು, ಅದ್ಬುತವಾಗಿ ಮೂಡಿಬಂದಿರುವ ಹಾಡುಗಳ, ಧ್ವನಿಸುರುಳಿಯನ್ನು ಈಗಾಗಲೇ ಬಿಡುಗಡೆ ಮಾಡಲಾಗಿದೆ.

  

  

  

  

  

  ಗುರುವ ರೆಡ್ಡಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಎಂಥವಾರಲೈನ ಚಿತ್ರದಲ್ಲಿ ಕ್ಯೂಟ್ ಲವ್ ಸ್ಟೋರಿ ಇದ್ದು, ಕರಾವಳಿಯ ನಾಯಕ ಅದ್ವೈತ್  ಚಿತ್ರದಲ್ಲಿ ನಾಯಕನಾಗಿ ನಟಿಸಿದ್ದಾರೆ. ಈಗಾಗಲೇ ಕನ್ನಡ, ತುಳು ಚಿತ್ರರಂಗದ ಅನೇಕ ಚಿತ್ರಗಳಲ್ಲಿ ನಟಿಸಿರುವ ಅದ್ವೈತ್ ಈ ಹಿಂದೆ ಕನ್ನಡದ ಪರಸಂಗ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು.

  ಸೀತಾ ರೆಡ್ಡಿ ನಿರ್ಮಾಣದ ಸಸ್ಪೆನ್ಸ್‌, ಥ್ರಿಲ್ಲರ್‌ ಮತ್ತು ಆ್ಯಕ್ಷನ್‌ ಕಥಾಹಂದರವಿರುವ ಈ ಚಿತ್ರದಲ್ಲಿ, ಅಲೋಕ್ ಜೈನ್, ಸ್ವಪ್ನ, ಅಭಿಲಾಷ್, ಅಲಿಶಾ ಮುಂತಾದ ಕಲಾವಿದರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಚಿತ್ರಕ್ಕೆ ಸುಕುಮಾರ್ ಸಂಗೀತ, ಮುರಳಿ ಮೋಹನ್ ರೆಡ್ಡಿ ಛಾಯಾಗ್ರಹಣ, ನಾಗಿ ರೆಡ್ಡಿ ಸಂಕಲನವಿದೆ. 

  ಎಂಥವಾರಲೈನ ಚಿತ್ರದಲ್ಲಿ ಕ್ಯೂಟ್ ಲವ್ ಸ್ಟೋರಿಯೂ ಇದೆ. ಇಡೀ ಸಿನಿಮಾದ ಕಥೆ ಎಷ್ಟು ಭಿನ್ನವಾಗಿದೆಯೋ ಈ ಪ್ರೇಮ ಕಥೆಯನ್ನೂ ಅಷ್ಟೇ ವಿಶಿಷ್ಟವಾಗಿ ರೂಪಿಸಲಾಗಿದೆಯಂತೆ. ನಾಯಕ ಅದ್ವೈತ್ ಮತ್ತು ನಾಯಕಿ ಸ್ಯಾಮ್ ಕ್ಯೂಟ್ ಜೋಡಿಗಳಾಗಿ ಎಲ್ಲರೂ ಮುದಗೊಳ್ಳುವಂತೆ ನಟಿಸಿದ್ದಾರೆ.

  ಒಟ್ಟಾರೆಯಾಗಿ ಸಸ್ಪೆನ್ಸ್ ಥ್ರಿಲ್ಲರ್, ಕಾಮಿಡಿ, ಮಾಸ್ ಮತ್ತು ಪ್ರೀತಿ ಸೇರಿದಂತೆ ಎಲ್ಲಾ ವರ್ಗದ ಪ್ರೇಕ್ಷಕರನ್ನೂ ತೃಪ್ತಿ ಪಡಿಸುವಂತೆ ಎಂಥವಾರಲೈನ ಮೂಡಿ ಬಂದಿದೆ. ಬಿಡುಗಡೆಯ ಹೊಸ್ತಿಲಲ್ಲಿರೋ ಎಂಥವಾರಲೈನ ಚಿತ್ರದಲ್ಲಿ ಹೆಸರಿಗೆ ತಕ್ಕಂತೆ ಹೇಳಿಕೊಳ್ಳಲಾಗದ ಅನೇಕ ವಿಚಾರಗಳಿವೆ. ಅದೇನೆಂಬುದು ಬಯಲಾಗಲು ದಿನಗಳಷ್ಟೇ ಬಾಕಿ ಉಳಿದಿವೆ.