ಮುದ್ದು ಮಗಳನ್ನು 'ಬೇಬಿ ವೈ.ಆರ್' ಎಂದು ಪರಿಚಯಿಸಿದ ಯಶ್ ರಾಧಿಕಾ ದಂಪತಿ

•   Tue, May 07 2019 02:09:34 PM



• ಬೆಂಗಳೂರು,ಮೇ 7(Daijiworld News/MSP): ಸ್ಯಾಂಡಲ್‌ವುಡ್‌ನ ಸಿಂಡ್ರೆಲ್ಲಾ ರಾಧಿಕಾ ಹಾಗೂ ಅಭಿಮಾನಿಗಳ ರಾಕಿಂಗ್ ಸ್ಟಾರ್ ಯಶ್ ದಂಪತಿ ತಮ್ಮ ಮುದ್ದುಮಗಳ ಪೋಟೋವನ್ನು ರಿವೀಲ್ ಮಾಡಿದ್ದಾರೆ.

  

  ತಾರಾ ದಂಪತಿ ತಮ್ಮ ಅಧಿಕೃತ ಫೇಸ್‌ಬುಕ್ ಹಾಗೂ ಇನ್‌ಸ್ಟಾಗ್ರಾಂ ಖಾತೆಗಳಲ್ಲಿ ಮಗಳ ಫೋಟೊವನ್ನು ಪ್ರಕಟಿಸಿದ್ದಾರೆ. ಬಟ್ಟಲು ಕಂಗಳ ಮುದ್ದು ಮಗಳ ಮಗುವಿನ ಪೋಟೋದೊಂದಿಗೆ "ಇವಳು ಬರೋವರೆಗಷ್ಟೇ ನನ್ನ ಹವಾ. ಇವಳು ಬಂದ ಮೇಲೆ ಇವಳದ್ದೇ ಹವಾ!’ ಎಂದು ತಮ್ಮ ಸಿನಿಮಾ ಡೈಲಾಗ್‌ನ ಅಡಿಟಿಪ್ಪಣಿಯನ್ನೂ ಹಾಕಿದ್ದಾರೆ. ಇನ್ನೂ ಹೆಸರಿಟ್ಟಿಲ್ಲ ಸದ್ಯಕ್ಕೆ Baby YR ಅಂತಾನೇ ಕರೆಯೋಣ. ಎಂದಿನಂತೆ ನಿಮ್ಮ ಆಶೀರ್ವಾದ ಇವಳ ಮೇಲೂ ಇರಲಿ..." ಎಂದು ಅವರು ಬರೆದುಕೊಂಡಿದ್ದಾರೆ.

  ಅಕ್ಷಯ ತೃತೀಯ (ಮೇ.7) ದಿನದಂದು ತಮ್ಮ ಮಗಳ ಭಾವಚಿತ್ರವನ್ನು ತೋರಿಸುವುದಾಗಿ ರಾಧಿಕಾ ಪಂಡಿತ್ ತಮ್ಮ ಅಧಿಕೃತ ಫೇಸ್‌ಬುಕ್ ಖಾತೆಯಲ್ಲಿ ಬರೆದುಕೊಂಡಿದ್ದರು .