ಉಡುಪಿ: ಕನ್ನಡದ ಮೊದಲ ಹೈಪರ್ಲಿಂಕ್ ರಾಮ್ ಕಾಮ್ ಚಲನಚಿತ್ರ 'ಚೌ ಚೌ ಬಾತ್' ಮಾ.15ಕ್ಕೆ ಬಿಡುಗಡೆ

•   Tue, Mar 12 2024 08:40:01 PM



• ಉಡುಪಿ, ಮಾ 12(DaijiworldNews/AA): ಕನ್ನಡದ ಮೊದಲ ಹೈಪರ್ಲಿಂಕ್ ರಾಮ್ ಕಾಮ್ ಚಲನಚಿತ್ರ 'ಚೌಚೌ ಬಾತ್' ಮಾರ್ಚ್ 15 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ ಎಂದು ಚಿತ್ರದ ನಿರ್ಮಾಪಕರಾದ ಸತೀಶ್ ಎಸ್.ಪಿ ತಿಳಿಸಿದ್ದಾರೆ.

  

  

  

   

  ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ಅವರು, ಸನಾಯತ್ ಪಿಕ್ಚರ್ಸ್ ಮತ್ತು ಕಾಮಧೇನು ಫಿಲಂಸ್ ಬ್ಯಾನರ್ ಅಡಿಯಲ್ಲಿ 'ಚೌಚೌ ಬಾತ್' ನಿರ್ಮಾಣವಾಗಿದೆ. ಈ ಚಿತ್ರದ ಟ್ರೈಲರ್ ಮತ್ತು ಹಾಡು ಈಗಾಗಲೇ ಬಿಡುಗಡೆಯಾಗಿದ್ದು, ಜನರ ಗಮನ ಸೆಳೆದಿದ್ದಲ್ಲದೇ ಬೆಂಗಳೂರು ಅಂತರಾಷ್ಟ್ರೀಯ ಚಲನ ಚಿತ್ರೋತ್ಸವಕ್ಕೆ ಆಯ್ಕೆಯಾಗಿ ಹೌಸ್ ಫುಲ್ ಶೋ ಕಂಡಿದೆ ಎಂದರು.

  ಕೇಂಜ ಚೇತನ್ ಕುಮಾರ್ ನಿರ್ದೇಶನದ ಚಿತ್ರದಲ್ಲಿ ಹೇಮಂತ್ ಜೋಯಿಸ್ ಸಂಗೀತ ನಿರ್ದೇಶನ ಮಾಡಿದ್ದು, ರುದ್ರಮೂರ್ತಿ ಬೆಳಗೆರೆ ಅವರು ಚಾಯಾಚಿತ್ರಗ್ರಹಣವನ್ನು ಮಾಡಿದ್ದಾರೆ. ಪ್ರಮೋದ್ ಮರವಂತೆ ಗೀತಾ ಸಾಹಿತ್ಯ ರಚಿಸಿದ್ದಾರೆ. ಧನುಷ್ ಎಸ್ ಬೈಕಂಪಾಡಿ, ಗೀತಾ ಲಕ್ಷ್ಮೀ ಬಂಗೇರ, ಸಾಗರ್ ಗೌಡ, ಸಂಕಲ್ಪ ಶರ್ಮಾ, ಅರುಣ್ ಬಾಲರಾಜ್, ಸುಶ್ಮಿತಾ ಭಟ್, ಪ್ರಕರ್ಷ ಶಾಸ್ತ್ರೀ, ಹರ್ಷವರ್ಧನ್ ಪ್ರಸಾದ್ ಮತ್ತು ನಿಶಾನ್ ಶೆಟ್ಟಿ ಅವರು ಪ್ರಮುಖ ತಾರಾಂಗಣದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಂಕಲ್ಸ್ ಶರ್ಮಾ, ಪೂರ್ಣಚಂದ್ರ ಜೋಯಿಸ್ ಪ್ರಾಜೆಕ್ಟ್, ಅಶೋಕ ಬಿ. ಶೆಟ್ಟಿ, ಓಂ ಸ್ಟುಡಿಯೋ ಚಿತ್ರ ನಿರ್ಮಿಸಿದ್ದಾರೆ ಎಂದು ಹೇಳಿದರು.

  ಪತ್ರಿಕಾಗೋಷ್ಠಿಯಲ್ಲಿ ಚಿತ್ರದ ನಿರ್ಮಾಪಕರಾದ ಸತೀಶ್ ಎಸ್. ಪಿ, ನಾಯಕ ನಟ ಧನುಷ್ ಎಸ್ ಬೈಕಂಪಾಡಿ, ನಾಯಕಿ ಗೀತಾ ಲಕ್ಷ್ಮೀ ಬಂಗೇರ, ಶಮಿತ್ ಸುವರ್ಣ ಮತ್ತು ರಾಧಕೃಷ್ಣ ಶೆಟ್ಟಿ ಮತ್ತಿತರು ಉಪಸ್ಥಿತರಿದ್ದರು.