ಕಾಲಿವುಡ್‌ಗೆ ಕಾಲಿಟ್ಟ ಹಾಸ್ಯ ನಟ ಕೋಮಲ್

•   Mon, Mar 11 2024 05:57:57 PM



• ಬೆಂಗಳೂರು, ಮಾ 11 (DajiworldNews/AK):ಸ್ಯಾಂಡಲ್‌ವುಡ್ ನ ಹಾಸ್ಯ ನಟ ಕೋಮಲ್ ಇದೀಗ ಕಾಲಿವುಡ್‌ಗೆ ಕಾಲಿಟ್ಟಿದ್ದಾರೆ. ತಮಿಳಿನ ಖ್ಯಾತ ನಟನ ಜೊತೆ ಕೋಮಲ್ ತೆರೆಹಂಚಿಕೊಳ್ತಿದ್ದಾರೆ. ಈ ಕುರಿತು ಚಿತ್ರದ ಅಪ್‌ಡೇಟ್ ಶೇರ್ ಮಾಡಿ ಕೋಮಲ್ ಸಂಭ್ರಮಿಸಿದ್ದಾರೆ. ಇದೀಗ ತಮಿಳು ಸಿನಿಮಾದ ಶೂಟಿಂಗ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.

  ಹಾಸ್ಯ ನಟನಾಗಿ ಪರಿಚಿತರಾಗಿ ಇದೀಗ ನಾಯಕ ನಟನಾಗಿ ಸ್ಯಾಂಡಲ್‌ವುಡ್‌ನಲ್ಲಿ ಕೋಮಲ್ ಮೋಡಿ ಮಾಡಿದ್ರು. ಇದರ ನಡುವೆ ಕೋಮಲ್‌ಗೆ ಕಾಲಿವುಡ್ ಸಿನಿಮಾದಲ್ಲಿ ನಟಿಸುವ ಆಫರ್ ಸಿಕ್ಕಿದೆ. ತಮಿಳು ಲೆಜೆಂಡರಿ ಆ್ಯಕ್ಟರ್ ಶಿವಾಜಿ ಗಣೇಶನ್ ಪುತ್ರ ಪ್ರಭು ಜೊತೆ ಕೋಮಲ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

  ಶೂಟಿಂಗ್ ಸೆಟ್‌ನಲ್ಲಿ ನಟ ಪ್ರಭು ಜೊತೆ ಮಾತನಾಡುತ್ತಿರುವ ವಿಡಿಯೋವನ್ನು ಶೇರ್ ಮಾಡಿ ಪ್ರಭು ಜೊತೆ ತೆರೆಹಂಚಿಕೊಳ್ತಿರೋದು ಖುಷಿ ಕೊಟ್ಟಿದೆ ಎಂದು ಕೋಮಲ್ ಸಾಮಾಜಿಕ ಜಾಲತಾಣದಲ್ಲಿ ಖುಷಿ ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ಇದು ನನ್ನ ಮೊದಲ ತಮಿಳು ಸಿನಿಮಾ ಎಂದು ಹೇಳಿದ್ದಾರೆ.