ಮಗಧೀರನಿಗೆ ನಾಯಕಿಯಾಗಲಿದ್ದಾರೆ ಬಿಟೌನ್ ಬೆಡಗಿ ಜಾಹ್ನವಿ

•   Wed, Mar 06 2024 01:36:20 PM



• ಹೈದರಾಬಾದ್, ಮಾ06(DaijiworldNews/AA): ಬಾಲಿವುಡ್ ಖ್ಯಾತ ನಟಿ ಶ್ರೀದೇವಿ ಅವರ ಪುತ್ರಿ ಜಾಹ್ನವಿ ಕಪೂರ್ ಅವರು ಈಗಾಗಲೆ ಸೌತ್ ನ ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದಾರೆ. ಇದೀಗ ಮತ್ತೆ ಸೌತ್ ನ ಮತ್ತೊಂದು ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿರುವ ಜಾಹ್ನವಿ ನಟ ರಾಮ್‌ಚರಣ್‌ ಅವರೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ.

  ಜಾಹ್ನವಿ ಅವರು ಜೂನಿಯರ್ ಎನ್.ಟಿ ಆರ್ ನಟನೆಯ 'ದೇವರ' ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದು ಜಾಹ್ನವಿ ಅವರ ಮೊದಲ ಸೌತ್ ಸಿನಿಮಾ ಆಗಿದ್ದು, ಈ ಮಧ್ಯೆ ಸೌತ್ ನ ಮತ್ತೊಬ್ಬ ಸ್ಟಾರ್ ನಟ ರಾಮ್‌ಚರಣ್‌ ಅವರಿಗೆ ನಾಯಕಿಯಾಗಲಿದ್ದಾರೆ.

  ನಟ ರಾಮ್‌ಚರಣ್‌ ಅವರ 16ನೇ ಸಿನಿಮಾದಲ್ಲಿ ಜಾಹ್ನವಿ ನಟಿಸುತ್ತಿದ್ದು, ಈ ಸಿನಿಮಾವನ್ನು ಬುಚ್ಚಿ ಬಾಬು ಸನಾ ಅವರು ನಿರ್ದೇಶಿಸಲಿದ್ದಾರೆ. ಇಂದು ಜಾಹ್ನವಿ ಅವರ ಹುಟ್ಟುಹಬ್ಬವಾಗಿರುವ ಹಿನ್ನಲೆ 'ಮೈತ್ರಿ ಮೂವಿ ಮೇಕರ್ಸ್‌', ನಟಿಯನ್ನು ಪೋಸ್ಟರ್‌ ಹಂಚಿಕೊಳ್ಳುವ ಮೂಲಕ ವೆಲ್‌ ಕಮ್‌ ಮಾಡಿ ಶುಭಾಶಯ ಕೋರಿದೆ. ಜೊತೆಗೆ ರಾಮ್‌ಚರಣ್‌ ಅವರು ಕೂಡ ಜಾಹ್ನವಿ ಹುಟ್ಟುಹಬ್ಬಕ್ಕೆ ಶುಭಾಶಯ ಕೋರಿ, ನಿಮ್ಮೊಂದಿಗೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆ ಎಂದು ಹೇಳಿದ್ದಾರೆ.