ಸದ್ದಿಲ್ಲದೆ ಹಸೆಮಣೆ ಏರಿದ ನಟಿ ದೀಪಿಕಾ ದಾಸ್

•   Sat, Mar 02 2024 03:08:36 PM



• ಬೆಂಗಳೂರು, ಮಾ 02(DaijiworldNews/SK): ನಾಗಿಣಿ ಹಾಗೂ ಬಿಗ್‌ಬಾಸ್‌ ಖ್ಯಾತಿಯ ನಟಿ ದೀಪಿಕಾ ದಾಸ್‌ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಇತ್ತೀಚೆಗೆ ಸಿನಿಮಾ ಹಾಗೂ ಸೀರಿಯಲ್‌ಗಳಿಂದ ದೂರ ಉಳಿದಿದ್ದ ನಟಿ, ಸದ್ದಿಲ್ಲದೆ ಹಸೆಮಣೆ ಏರಿದ್ದಾರೆ. ಈ ಮದುವೆಯ ಫೋಟೊಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.

  ನಾಗಿಣಿ ಸೀರಿಯಲ್‌ ಮೂಲಕ ಪ್ರೇಕ್ಷಕರಿಗೆ ಹತ್ತಿರವಾಗಿದ್ದ ದೀಪಿಕಾ ದಾಸ್‌ ಅವರು ಗೋವಾದಲ್ಲಿ ಡೆಸ್ಟಿನೇಷನ್ ವೆಡ್ಡಿಂಗ್ ಆಗಿದ್ದಾರೆ. ಈ ಪೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವುದರ ಜೊತೆಗೆ “ಮಿಸ್ಟರ್‌ ಆಂಡ್‌ ಮಿಸ್‌ ಡಿ, ವೆಲ್‌ಕಂ ಟು ಅಡ್ವೇಂಚರ್‌ ವರ್ಲ್ಡ್‌” ಎಂದು ಶೀರ್ಷಿಕೆಯನ್ನು ಬರೆದು ಕಾಮೆಂಟ್ ಆಫ್ ಮಾಡಿಕೊಂಡಿದ್ದಾರೆ.

  ಇನ್ನು ದೀಪಿಕಾ ಅವರನ್ನು ವರಿಸಿದ ವರ ಕರ್ನಾಟಕ ಮೂಲದ ದುಬೈ ಉದ್ಯಮಿ ಎಂದು ಹೇಳಲಾಗುತ್ತಿದ್ದು, ನಟಿ ನೀಡಿದ “ಮಿಸ್ಟರ್‌ ಆಂಡ್‌ ಮಿಸ್‌ ಡಿ ಕ್ಯಾಪ್ಷನ್‌ ಮೂಲಕ ಹುಡುಗನ ಹೆಸರು ‘ಡಿ’ ಅಕ್ಷರಿದಿಂದಲೇ ಶುರುವಾಗಲಿದೆಯಾ? ಎಂಬ ಪ್ರಶ್ನೆ ಮಾಡಿದೆ.

  ಇತ್ತೀಚೆಗೆ ಬಿಗ್‌ ಬಾಸ್‌ ವಿನ್ನರ್ ಕಾರ್ತಿಕ್ ಮಹೇಶ್‌ ಮತ್ತು ನಮ್ರತಾ ಗೌಡ ಅವರ ಮದುವೆ ಫೋಟೊಗಳು ವೈರಲ್‌ ಆಗಿದ್ದವು. ಆದರೆ, ನಂತರ ಅದು ಜ್ಯುವೆಲ್ಲರಿ ಜಾಹೀರಾತಿಗಾಗಿ ನಡೆಸಿದ ಫೋಟೊಶೂಟ್‌ ಎಂದು ತಿಳಿದುಬಂದಿತ್ತು. ಇದಾದ ಬೆನ್ನಲ್ಲೇ ನಟಿ ದೀಪಿಕಾ ದಾಸ್‌ ಅವರು ಕೂಡ ಜಾಹೀರಾತಿಗಾಗಿ ಮದುವೆ ಆಗಿರಬಹುದೇ ಎಂದು ಹೇಳಲಾಗುತ್ತಿದೆ.