ಸಿನಿರಂಗಕ್ಕೆ ಎಂಟ್ರಿ ಕೊಟ್ಟ ನಟ ಅಲ್ಲು ಅರ್ಜುನ್ ಪುತ್ರ

•   Mon, Feb 26 2024 06:03:02 PM



• ಹೈದರಾಬಾದ್, ಫೆ 26(DaijiworldNews/AA): ಟಾಲಿವುಡ್ ನ ಸ್ಟಾರ್ ನಟ ಅಲ್ಲು ಅರ್ಜುನ್ ಪುತ್ರ ಅಲ್ಲು ಅಯಾನ್ ಪುಷ್ಪ 2 ಸಿನಿಮಾದ ಮೂಲಕ ನಟನಾ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಲಿದ್ದಾರೆ. ತಂದೆ ನಟಿಸುತ್ತಿರುವ ಪುಷ್ಪ ಪಾತ್ರದ ಹುಡುಗನ ಪಾತ್ರದಲ್ಲಿ ಅಯಾನ್ ತೆರೆಯ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.

  ಪುಷ್ಪ ಸಿನಿಮಾದಲ್ಲಿ ಮಗನ ನಟನೆಯಿಂದಾಗಿ ಮಗನ ಸಿನಿ ಪಯಣಕ್ಕೆ ದೊಡ್ಡ ಬ್ರೇಕ್ ಸಿಗಲಿದೆ ಎಂದು ಸ್ವತಃ ಅಲ್ಲು ಅರ್ಜುನ್ ಅವರೇ ಹೇಳಿದ್ದಾರಂತೆ. ಈ ಮೂಲಕ ಮಗನ ಸಿನಿಮಾ ಎಂಟ್ರಿ ಬಗ್ಗೆ ಅಲ್ಲು ಮಾಹಿತಿ ನೀಡಿದ್ದಾರೆ.

  ಈ ಹಿಂದೆ ಕೂಡ ಪುಷ್ಪ 2 ಸಿನಿಮಾ ಕುರಿತಂತೆ ಅನೇಕ ಸಂಗತಿಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು. ಇದೀಗ ಸಿನಿಮಾ ನಿರ್ದೇಶಕ ಸುಕುಮಾರನ್ ಅವರೇ ಪುಷ್ಪ 2 ಕುರಿತಂತೆ ಕುತೂಹಲಕಾರಿ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ. ಸಿನಿಮಾದ ಬಜೆಟ್ ಗೆ ಸಂಬಂಧಪಟ್ಟಂತೆ ಮಾತನಾಡಿದ ಅವರು, ಪುಷ್ಪ 2 ಚಿತ್ರದ ಬಜೆಟ್ ಡಬಲ್ ಆಗಿದೆ. ಸಿನಿಮಾ ತುಂಬಾ ರಿಚ್ ಆಗಿ ಮೂಡಿಬರಲಿದೆ ಎಂದಿದ್ದಾರೆ.

  ಇನ್ನು ಅಲ್ಲು ಅರ್ಜುನ್ ಮತ್ತು ಫಹಾದ್ ಫಾಸಿಲ್ ಇವರಿಬ್ಬರ ನಡುವಿನ ದೃಶ್ಯ ಬೇರೆ ಲೆವೆಲ್ ನಲ್ಲಿದೆ. ಜೊತೆಗೆ ಈ ಇಬ್ಬರು ನಟರು ಇಡೀ ಸಿನಿಮಾದ ಕಥೆಯನ್ನು ಹೇಗೆ ನಿಭಾಯಿಸಿದ್ದಾರೆ ಎಂಬುದನ್ನು ನಿರ್ದೇಶಕರು ವಿವರಿಸಿದ್ದಾರೆ.