ಹಸಮಣೆ ಏರಲು ಸಜ್ಜಾದ ‘ಗೂಗ್ಲಿ’ ನಟಿ ಕೃತಿ ಕರಬಂಧ

•   Tue, Feb 20 2024 05:30:23 PM



• ಬೆಂಗಳೂರು, ಫೆ 20(DaijiworldNews/SK): ಬಹುಭಾಷ ನಟಿ ಗೂಗ್ಲಿ ಖ್ಯಾತಿಯ ಕೃತಿ ಕರಬಂಧ ಇತ್ತೀಚಿಗಷ್ಟೇ ಗುಟ್ಟಾಗಿ ಎಂಗೇಜ್ಮೆಂಟ್ ಆಗಿದ್ದಾರೆ ಎಂಬ ಸುದ್ದಿ ಎಲ್ಲೆಡೆ ಹರಿದಾಡುತ್ತಿತ್ತು. ಆದರೆ ಈ ಬೆನ್ನಲ್ಲೇ ಇದೀಗ ನಟಿ ಬಹುಕಾಲದ ಗೆಳೆಯ ಪುಲ್ಕಿತ್ ಸಾಮ್ರಾಟ್ ಜೊತೆ ಮಾರ್ಚ್ 13ಕ್ಕೆ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎಂದು ತಿಳಿದು ಬಂದಿದೆ.

  ಇತ್ತೀಚೆಗೆ ಗೂಗ್ಲಿ ಬೆಡಗಿ ಕೃತಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಪುಲ್ಕಿಟ್ ಸಾಮ್ರಾಟ್ ಜೊತೆ ಇರುವ ಫೋಟೋ ಹಂಚಿಕೊಂಡು, ಈ ಪೋಟೋಗೆ ‘ಕೈಜೋಡಿಸಿ ಒಟ್ಟಾಗಿ ಸಾಗೋಣ’ ಎಂದು ಶೀರ್ಷಿಕೆ ಕೂಡ ಬರೆದುಕೊಂಡಿದ್ದರು. ಇನ್ನು ಇದರೊಂದಿಗೆ ಅವರು ಬೇಕಂತಲೇ ‘ಮಾರ್ಚ್’ ಎಂಬ ಪದವನ್ನು ಬಳಸಿ ಮದುವೆ ಬಗ್ಗೆ ಅಧಿಕೃತ ಅಪ್ಡೇಟ್ ನೀಡಿದ್ದಾರೆ.

  ಯಶ್ ಗೆ ನಾಯಕಿಯಾಗಿ ‘ಗೂಗ್ಲಿ’ ಸಿನಿಮಾ ಮೂಲಕ ಫೇಮಸ್ ಆದ ಕೃತಿ ಅವರು ನಂತರ ಬಾಲಿವುಡ್ ಗೆ ಸಿನಿಮಾ ರಂಗಕ್ಕೆ ಪ್ರವೇಶಿಸಿದರು. ಬಾಲಿವುಡ್ಗೆ ಕಾಲಿಟ್ಟ ಮೇಲೆ ಕೃತಿ ಅವರಿಗೆ ಪುಲ್ಕಿತ್ ಪರಿಚಯವಾಯ್ತು. ಆ ಪರಿಚಯ ಪ್ರೀತಿಗೆ ತಿರುಗಿ ಪುಲ್ಕಿತ್ ಜೊತೆ 5 ವರ್ಷಗಳ ಕಾಲ ಕೃತಿ ಡೇಟಿಂಗ್ ಮಾಡಿದ್ದಾರೆ. ಬಳಿಕ ಇದೀಗ ಹೊಸ ಬಾಳಿಗೆ ಕಾಲಿಡಲು ಸಜ್ಜಾಗಿದ್ದಾರೆ.