ಸಂಜಯ್‍ಲೀಲಾ ಬನ್ಸಾಲಿ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ?

•   Sat, Apr 27 2019 01:05:18 PM



• ಬೆಂಗಳೂರು,ಏ 27(Daijiworld News/MSP): ಟಾಲಿವುಡ್ , ಕಾಲಿವುಡ್, ಸ್ಯಾಂಡಲ್ ವುಡ್ ನಲ್ಲಿ ಬಹು ಬೇಡಿಕೆಯ ನಟಿಯಾಗಿರುವ ರಶ್ಮಿಕಾಗೆ ಬಾಲಿವುಡ್ ನಿಂದಲೂ ಆಫರ್ ಬಂದಿದೆ ಎನ್ನುವ ಮಾಹಿತಿಯೊಂದು ಹೊರಬಿದ್ದಿದೆ.

  

  ಬಿ-ಟೌನ್‍ನಲ್ಲಿ ಒಂದು ಸಣ್ಣ ಅವಕಾಶ ಸಿಕ್ಕರೂ ಸಾಕು ಅನ್ನುತ್ತಾ ಕಾಯುತ್ತಾ ಕೂರುವ ನಟ-ನಟಿಯರ ನಡುವೆ ರಶ್ಮಿಕಾ ಮಂದಣ್ಣ ಅವರಿಗೆ ಭರ್ಜರಿ ಅವಕಾಶದ ಸಿಕ್ಕಿದೆ ಎನ್ನಬಹುದು. ಯಾಕೆಂದರೆ ರಶ್ಮಿಕಾ ಅವರಿಗೆ ಆಫರ್ ಬಂದಿರೋದು ಸ್ಟಾರ್ ನಿರ್ದೇಶಕ ಸಂಜಯ್‍ಲೀಲಾ ಬನ್ಸಾಲಿ ಅವರ ಸಿನಿಮಾಕ್ಕಾಗಿ. 'ದೇವದಾಸ್', 'ಬಾಜಿರಾವ್ ಮಸ್ತಾನಿ', ರಾಮ್‍ ಲೀಲಾ'ದಂತಹ ಅಧ್ಬುತ ದೃಶ್ಯಕಾವ್ಯವನ್ನು ತೆರೆ ಮೇಲೆ ತಂದು ಸಿನಿ ರಸಿಕರಲ್ಲಿ ಸಂಚಲನ ಮೂಡಿಸಿದ್ದ ಸಂಜಯ್‍ಲೀಲಾ ಬನ್ಸಾಲಿ ಅವರ ಚಿತ್ರಕ್ಕಾಗಿ ಅವಕಾಶ ಬಂದಿದೆ ಎಂದರೆ ಸಾಮಾನ್ಯ ಸಂಗತಿಯಲ್ಲ.

  ಈಗಾಗಲೇ ರಶ್ಮಿಕಾ ಕೈಗೆ ಬನ್ಸಾಲಿ ಅವರ ಮುಂದಿನ ಸಿನಿಮಾದ ಕಥೆ ಬಂದಿದ್ದು, ನಿರ್ದೇಶಕರ ಜತೆಗೆ ಮಾತುಕತೆಯೂ ನಡೆದಿದ್ದೂ, ತಮ್ಮ ಪಾತ್ರ ಇಷ್ಟವಾದರೆ ರಶ್ಮಿಕಾ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ನೀಡಲಿದ್ದಾರೆ.

  ಇನ್ನು ಸದ್ಯ ರಶ್ಮಿಕಾ ಮಂದಣ್ಣ ಕನ್ನಡದ 'ಪೊಗರು' ಚಿತ್ರದ ಶೂಟಿಂಗ್‍ನಲ್ಲಿ ನಟಿಸುತ್ತಿದ್ದು ಇದರೊಂದಿಗೆ ತೆಲುಗಿನ 'ಡಿಯರ್ ಕಾಮ್ರೆಡ್​' ರಿಲೀಸ್‍ಗೆ ಬಂದು ನಿಂತಿದೆ. ಜತೆಗೆ ಕಾರ್ತಿಗೆ ಜೋಡಿಯಾಗಿ ಕಾಲಿವುಡ್‍ಗೂ ಎಂಟ್ರಿ ಕೊಟ್ಟಿದ್ದಾರೆ. ಒಂದು ವೇಳೆ ಸಂಜಯ್ ಲೀಲಾ ಬಲ್ಸಾಲಿ ಅವರ ಚಿತ್ರಕ್ಕೆ ರಶ್ಮಿಕಾ ಒಕೆ ಅಂದರೆ ಐಶ್ವರ್ಯಾ, ದೀಪಿಕಾರಂತೆ ಬಾಲಿವುಡ್‍ನಲ್ಲಿ ಸ್ಟಾರ್ ನಟಿಯಾಗುವುದಂತು ಖಂಡಿತಾ.