ದರ್ಶನ್ ಹುಟ್ಟುಹಬ್ಬಕ್ಕೆ ಭರ್ಜರಿ ಗಿಫ್ಟ್ ನೀಡಲು ಸಜ್ಜಾದ ಅಭಿಮಾನಿ

•   Thu, Feb 15 2024 07:11:36 PM



• ಬೆಂಗಳೂರು, ಫೆ 15(DaijiworldNews/SK): ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸ್ಯಾಂಡಲ್ವುಡ್ನ ಬಾಕ್ಸಾಫಿಸ್ ಸುಲ್ತಾನ್. ಕನ್ನಡ ನೆಲದಲ್ಲಿ ಇವರನ್ನು ಹೃದಯದಲ್ಲಿಟ್ಟು ಪೂಜಿಸೋ ಅಭಿಮಾನಿಗಳು ಲಕ್ಷಾಂತರ ಜನ ಇದ್ದು, ಈ ಬಾರಿ ದರ್ಶನ್ ಅವರ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಲು ಅಭಿಮಾನಿಗಳು ಸಜ್ಜಾಗಿದ್ದಾರೆ.

  ಫೆಬ್ರವರಿ 16ರಂದು ದರ್ಶನ್ ಅವರ ಜನ್ಮದಿನ. ಈ ಪ್ರಯುಕ್ತ ದರ್ಶನ ಅವರ ಅಪಟ್ಟ ಅಭಿಮಾನಿ ಅಭಿಷೇಕ್ ಎಂಬುವವರು ‘ಕಾಟೇರ’ ಸಿನಿಮಾದ ಪೋಸ್ಟರ್ ಅನ್ನು ಬೆನ್ನ ಮೇಲೆ ಟ್ಯಾಟು ಹಾಕಿಸಿಕೊಳ್ಳೋ ಮೂಲಕ ಅಭಿಮಾನವನ್ನು ಬಹಿರಂಗವಾಗಿಯೇ ತೋರ್ಪಡಿಸುತ್ತಿದ್ದಾರೆ.

  ಇನ್ನು ಈ ಬಗ್ಗೆ ಪ್ರತಿಕ್ರಿಯಿಸಿದ ಅಭಿಮಾನಿ ಅಭಿಷೇಕ್ ಅವರು, ದರ್ಶನ್ ಅವರು ಮಾಡುವ ದಾನ ಧರ್ಮ, ಪ್ರಾಣಿ ಪಕ್ಷಿಗಳ ಬಗ್ಗೆ ಅವರಿಗೆ ಇರುವ ಕಾಳಜಿ. ಪ್ರಾಣಿಗಳನ್ನು ದತ್ತು ಪಡೆಯಿರಿ ಅಂತ ಅವರು ನೀಡಿದ ಸಂದೇಶ. ಹೀಗೆ ಅನೇಕ ಕಾರಣಗಳಿಂದಾಗಿ ದರ್ಶನ್ ಅವರು ನನಗೆ ಇಷ್ಟ. ಅವರನ್ನು ಪ್ರತಿ ದಿನ ನೆನಪಿಸಿಕೊಳ್ಳುತ್ತೇವೆ. ನನ್ನ ಪಾಲಿಗೆ ಅವರೇ ದೇವರು’ ಎಂದು ಅಭಿಮಾನಿ ಅಭಿಷೇಕ್ ತಿಳಿಸಿದ್ದಾರೆ.