ಮತ್ತೊಂದು ಪ್ರೇಮಲೋಕ ಸಿನಿಮಾಗೆ ಸಜ್ಜಾದ ಕ್ರೇಜಿಸ್ಟಾರ್‌

•   Mon, Feb 05 2024 07:14:53 PM



• ಹಂಪಿ, ಫೆ 5(DaijiworldNews/SK): ಕನ್ನಡ ಚಿತ್ರರಂಗದ ಕ್ರೇಜಿಸ್ಟಾರ್‌ ಖ್ಯಾತಿಯ ನಟ ರವಿಚಂದ್ರನ್ ಅಂದಾಕ್ಷಣ ಥಟ್ಟನೆ ನೆನಪಾಗುವ ಪ್ರೇಮಲೋಕ ಸಿನಿಮಾ ಸ್ಯಾಂಡಲ್ ವುಡ್ ನಲ್ಲಿ ಬಹುದೊಡ್ಡ ಯಶಸನ್ನು ಕಂಡಿತ್ತು. ಆದರೆ ಇದೀಗ ರವಿಚಂದ್ರನ್ ಅವರು ಪ್ರೇಮಲೋಕ ಪಾರ್ಟ್ 2 ಮಾಡುವ ವಿಷಯ ಬಿಚ್ಚಿಡುವ ಮೂಲಕ ಸಿನಿಪ್ರೇಮಿಗಳಲ್ಲಿ ಕುತೂಹಲ ಮೂಡಿಸಿದ್ದಾರೆ.

  ಈ ಬಗ್ಗೆ ಹಂಪಿ ಉತ್ಸವದಲ್ಲಿ ಭಾಗಿಯಾಗಿ ಮಾತನಾಡಿದ ಅವರು, ನಾನು ಕಳೆದ ಒಂದು ವರ್ಷದಿಂದ ಸುಮ್ಮನೆ ಕುಳಿತಿಲ್ಲ. ಮತ್ತೊಂದು ಪ್ರೇಮಲೋಕ ಸಿನಿಮಾ ಮಾಡುತ್ತೇನೆ. ಪ್ರತಿ ಮನೆ ಮನೆಯಲ್ಲಿ ಪ್ರೇಮಲೋಕ ವೀಕ್ಷಿಸುವಂತಹ ಸಿನಿಮಾ ಮಾಡುವೆ ಎಂದಿದ್ದಾರೆ.

  ಜೊತೆಗೆ ಈ ಸಿನಿಮಾದಲ್ಲಿ ಬರೋಬ್ಬರಿ 25 ಹಾಡುಗಳು ಇರಲಿವೆ ಎಂದು ಅಚ್ಚರಿಕೆಯ ಹೇಳಿಕೆಯನ್ನೂ ನೀಡಿದರು. 25 ಹಾಡುಗಳು ಇರಲಿವೆ ಎನ್ನುವ ಮಾತು ಕೇಳುತ್ತಿದ್ದಂತೆಯೇ ಸ್ವತಃ ಸಚಿವರಾದ ಜಮೀರ್ ಅಚ್ಚರಿ ವ್ಯಕ್ತಪಡಿಸಿದರು.

  ಇನ್ನು ಕೇವಲ ಸಿನಿಮಾ ಮಾಡುವ ಕುರಿತು ತಿಳಿಸಿದ ಕ್ರೇಜಿಸ್ಟಾರ್‌, ಯಾವಾಗ ಶುರು? ಕಥೆಯೇ ಏನು? ಕಲಾವಿದರು ಯಾರೆಲ್ಲ ಇರಲಿದ್ದಾರೆ ಎನ್ನುವ ಮಾಹಿತಿಯನ್ನು ಅವರು ಬಹಿರಂಗ ಪಡಿಸಿಲ್ಲ.