ಯಶ್ ಹೊಸ ಚಿತ್ರಕ್ಕೆ ‘ಟಾಕ್ಸಿಕ್’ ಶೀರ್ಷಿಕೆ: ಸೂಪರ್ ಟೈಟಲ್ ಎಂದ ಫ್ಯಾನ್ಸ್

•   Fri, Dec 08 2023 02:03:16 PM



• ಬೆಂಗಳೂರು, ಡಿ 08 (DaijiworldNews/MR): ಕೆಜಿಎಫ್​ ಮೂಲಕ ಗಲ್ಲಾ ಪೆಟ್ಟಿಗೆ ಲೂಟಿ ಮಾಡಿದ ನಟ ರಾಕಿಂಗ್​ ಸ್ಟಾರ್​ ಯಶ್. ಇದೀಗ ‘ಟಾಕ್ಸಿಕ್’​ ಮೂಲಕ ಅಬ್ಬರಿಸಲು ರೆಡಿಯಾಗಿದ್ದಾರೆ. ಇಂದು ಯಶ್​ ತಮ್ಮ 19ನೇ ಸಿನಿಮಾದ ಟೈಟಲ್​ ಅನೌನ್ಸ್​ ಮಾಡಿದ್ದಾರೆ.

  ಕೆಜಿಎಫ್​-1, ಕೆಜಿಎಫ್​-2 ಸಕ್ಸಸ್ ಬಳಿಕ ಇದೀಗ​ ಕೆಜಿಎಫ್​-3 ಬರಲು ಬಾಕಿ ಉಳಿದಿದೆ. ಇದರ ನಡುವೆ ಯಶ್​ 19ನೇ ಸಿನಿಮಾದಲ್ಲಿ ಕೆಲಸ ಮಾಡುತ್ತಿರುವ ಸುದ್ದಿ ಬೆಳಕಿಗೆ ಬಂದಿತ್ತು. ಸದ್ಯದಲ್ಲೇ ಸಿನಿಮಾದ ಅನೌನ್ಸ್​ಮೆಂಟ್​ ಇರಲಿದೆ ಎಂದು ಹೇಳಲಾಗಿತ್ತು. ಅದರಂತೆಯೇ ಇಂದು ಆ ಕಾಲ ಕೂಡಿ ಬಂದಿದೆ. ಯಶ್​ ‘ಟಾಕ್ಸಿಕ್’ ಸಿನಿಮಾದ ಮೂಲಕ ಮತ್ತೆ ಅಬ್ಬರಿಸಲು ರೆಡಿಯಾಗಿದ್ದಾರೆ. ಮೇಲ್ನೋಟಕ್ಕೆ ಮತ್ತೆ ಯಶ್​​​ ಗ್ಯಾಂಗ್​ಸ್ಟರ್​ ಸಿನಿಮಾದ ಮೂಲಕ ಅಬ್ಬರಿಸಲು ರೆಡಿಯಾಗಿದ್ದಾರೆ ಎಂಬ ಸೂಚನೆ ಕಾಣುತ್ತಿದೆ.

  ‘ಟಾಕ್ಸಿಕ್’ ಎಂದರೆ ವಿಷಕಾರಿ ಎಂದರ್ಥ. ಅಂದಹಾಗೆಯೇ ಕೆಜಿಎಫ್​ ​​ಸಕ್ಸಸ್​ ಕಂಡ ಯಶ್​ ಇದೀಗ 19ನೆ ಸಿನಿಮಾದ ಮೂಲಕ ಮತ್ತೆ ಅಬ್ಬರಿಸಲು ಮುಂದಾಗಿದ್ದಾರೆ. ಇಷ್ಟರವರೆಗೆ ಕಾದು ಕುಳಿತ ಫ್ಯಾನ್ಸ್​ಗೆ ಸಂತಸ ನೀಡಿದ್ದಾರೆ. ಬೆಳ್ಳಂಬೆಳಗ್ಗೆ ಟೈಟಲ್​ ಅನೌನ್ಸ್​ ಮಾಡುವ ಮೂಲಕ ಮತ್ತೆ ಕುತೂಹಲತೆ ಹುಟ್ಟಿಸಿದ್ದಾರೆ.

  ಯಶ್ ಇಷ್ಟರವರೆಗೆ ಮಾಡಿರುವ ಸಿನಿಮಾವನ್ನು ಪುರುಷರು ಡೈರೆಕ್ಟ್​ ಮಾಡಿಕೊಂಡು ಬಂದಿದ್ದಾರೆ. ಅಷ್ಟೇ ಏಕೆ ಪ್ರಶಾಂತ್​ ನೀಲ್​ ಆ್ಯಕ್ಷನ್​ ಕಟ್ಟ್​ ಹೇಳಿದ ಕೆಜಿಎಪ್​ ಸರಣಿಗಳು ಧೂಳೆಬ್ಬಿಸಿದ್ದಲ್ಲದೆ, ಸ್ಯಾಂಡಲ್​ವುಡನ್ನ ಎಲ್ಲರು ತಿರುಗಿ ನೋಡುವಂತೆ ಮಾಡಿದ್ದರು. ಆದರೀಗ ಯಶ್​ 19ನೇ ಸಿನಿಮಾ ‘ಟಾಕ್ಸಿಕ್’ ಅನ್ನು ಮಹಿಳಾ ಮಣಿಯೊಬ್ಬರು ನಿರ್ದೇಶಿಸುತ್ತಿದ್ದಾರೆ. ​ಗೀತು ಮೋಹನ್ ಎಂಬ ಮಲಯಾಳಂ ನಟಿ, ನಿರ್ದೇಶಕಿ ಈ ಸಿನಿಮಾ ಡೈರೆಕ್ಟ್​ ಮಾಡುತ್ತಿದ್ದಾರೆ.

  'What you seek is seeking you' - Rumi
  A Fairy Tale for Grown-ups
  #TOXIChttps://t.co/0G03Qjb3zc@KvnProductions #GeetuMohandas

  — Yash (@TheNameIsYash) December 8, 2023

  ರಾಕಿ ಭಾಯ್​ ಈ ಸಿನಿಮಾವನ್ನ ಏಪ್ರಿಲ್​ 10ರಂದು ರಿಲೀಸ್​ ಮಾಡುತ್ತಿದ್ದಾರೆ. ಅಂದಹಾಗೆಯೇ ಈ ಸಿನಿಮಾ ಮುಂದಿನ ವರ್ಷ ರಿಲೀಸ್​ ಆಗುತ್ತಿಲ್ಲ. ಸದ್ಯ ಹೊರಬಿದ್ದ ಮಾಹಿತಿ ಪ್ರಕಾರ 2025ರ ಏಪ್ರಿಲ್​ 10ನೇ ತಾರೀಖು ರಿಲೀಸ್​ ಆಗಲಿದೆ ಎಂದು ಹೇಳಲಾಗುತ್ತಿದೆ. ಯಶ್​19ನೇ ಸಿನಿಮಾದ ಕೆವಿಎನ್​ ಪ್ರೊಡಕ್ಷನ್​ ಸಾಥ್​ ನೀಡಿದೆ. ಹೊಂಬಾಳೆ ಸಿನಿಮಾದ ಬಳಿಕ ಕೆವಿಎನ್​ ಜೊತೆ ಕೈ ಜೋಡಿಸಿದ ಯಶ್​ ಟಾಕ್ಸಿಕ್​ ಮೂಲಕ ಮತ್ತೆ ಅಬ್ಬರಿಸಲಿದ್ದಾರೆ.

  ಕೆಜಿಎಫ್​ ರಿಲೀಸ್​ ಆದ ಕೆಲವೇ ದಿನಗಳಲ್ಲಿ ಬಾಕ್ಸ್​ ಆಫೀಸ್​​​ ಉಡೀಸ್ ಮಾಡಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಕೆಜಿಎಫ್ ಚಾಪ್ಟರ್​​ 1 ರಿಲೀಸ್​​ ಆಗಿ 4 ವರ್ಷದ ಬಳಿಕ ಕೆಜಿಎಫ್​​ ಚಾಪ್ಟರ್ 2 ಚಿತ್ರ 14 ಏಪ್ರಿಲ್​​ 2022ರಂದು ತೆರೆಗೆ ಬಂದಿತ್ತು. ಇದೀಗ ಒಂದು ವರ್ಷ 8 ತಿಂಗಳ ಬಳಿಕ ಮತ್ತೆ ರಾಕಿಂಗ್​ ಸ್ಟಾರ್​ ಯಶ್​ ನಟನೆಯ ಹೊಸ ಸಿನಿಮಾ ಹೆಸರು ಘೋಷಣೆ ಆಗಿದೆ. ಈ ಸಿನಿಮಾ ಕೆಜಿಎಫ್​ ರೀತಿ ದಾಖಲೆ ಮೀರಿಸುತ್ತಾ? ಮತ್ತೆ ಯಶ್​ಗೆ ಜಯ ತಂದುಕೊಡುತ್ತಾ? ಎಂಬ ನಿರೀಕ್ಷೆಯಂತೂ ಫ್ಯಾನ್ಸ್​ಗೆ ಕಾಡುತ್ತಿದೆ. ಇವೆಲ್ಲದಕ್ಕೆ 2025ರಲ್ಲಿ ಸಿನಿಮಾ ರಿಲಿಸ್​ ಬಳಿಕವಷ್ಟೇ ಉತ್ತರ ಸಿಗಬೇಕಿದೆ.