ಒಟಿಟಿಯತ್ತ ಮುಖ ಮಾಡಿದ ಸೌತ್ ಬೆಡಗಿ ಕೀರ್ತಿ ಸುರೇಶ್

•   Wed, Nov 29 2023 07:38:00 PM



• ಮುಂಬೈ, ನ 29(DaijiworldNews/SK): ಸೌತ್ ಸಿನಿಮಾದ ಬೆಡಗಿ ನಟಿ ಕೀರ್ತಿ ಸುರೇಶ್ ಅವರು ‘ಭೋಲಾ ಶಂಕರ್’ಸಿನಿಮಾದ ಸೋಲಿನ ಬಳಿಕ ಒಟಿಟಿಯಲ್ಲಿ ಮೂಡಿ ಬರಲಿರುವ ಪ್ಯಾನ್ ಇಂಡಿಯಾ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ಕೊಡುವ ಮೂಲಕ ಸಿನಿಮಾರಂಗಕ್ಕೆ ಮತ್ತೆ ಕಮ್ ಬ್ಯಾಕ್ ಆಗಿದ್ದಾರೆ.

   

  ಆ.11 ರಂದು ‘ಭೋಲಾ ಶಂಕರ್’ಚಿತ್ರ ಬಿಡುಗಡೆಯಾಯಿತು. ಈ ಚಿತ್ರದಲ್ಲಿ ಮೆಗಾಸ್ಟಾರ್ ಚಿರಂಜೀವಿಗೆ ಕೀರ್ತಿ ಸುರೇಶ್ ತಂಗಿಯಾಗಿ ನಟಿಸಿದ್ದರು. ಇದರ ನಡುವೆ ಈ ಸಿನಿಮಾದಲ್ಲಿ ಸಹೋದರಿ ಪಾತ್ರದಲ್ಲಿ ಕಾಣಿಸಿಕೊಂಡ ಕಾರಣ ಅವಕಾಶಗಳು ಕಮ್ಮಿಯಾಗ್ತಿದ್ಯಾ ಎಂಬ ಸುದ್ದಿಯು ಎಲ್ಲೆಡೆ ಹರಿದಾಡುತ್ತಿತ್ತು.

  ಇದಲ್ಲದೆ ಕೀರ್ತಿ ನಟಿಸಿರುವ ಹಲವು ಸಿನಿಮಾ ಕೂಡ ಹೆಚ್ಚು ಹಿಟ್ ಆಗಿಲ್ಲ. ಈ ಕಾರಣದಿಂದ ಒಟಿಟಿಯತ್ತ ಮುಖ ಮಾಡಿದ್ರಾ? ಎಂಬ ಪ್ರಶ್ನೆ ಎದ್ದಿದೆ.

  ಇದೀಗಾ ಹಿಂದಿ ನಿರ್ಮಾಪಕ ಆದಿತ್ಯ ಚೋಪ್ರಾ ನಿರ್ಮಾಣದ ವೆಬ್ ಸಿರೀಸ್‌ನಲ್ಲಿ ಕೀರ್ತಿ ಸುರೇಶ್ ಮತ್ತು ರಾಧಿಕಾ ಅಪ್ಟೆ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದು, ಇದು ಸಿನಿಪ್ರಿಯರಲ್ಲಿ ಕುತೂಹಲವನ್ನು ಸೃಷ್ಟಿಸಿದೆ.