ಮಂಗಳೂರು: ಜಿಎಸ್ ಬಿ ಕೊಂಕಣಿ ಸಿನಿಮಾ 'ತರ್ಪಣ' ಡಿಸೆಂಬರ್ ನಲ್ಲಿ ತೆರೆಗೆ

•   Sat, Nov 11 2023 01:08:23 PM



• ಮಂಗಳೂರು, ನ 11 (DaijiworldNews/MS): ಮಂಗಳೂರಿನ ಸಮೀಪದ ಮುಲ್ಕಿಯ ಐ.ಟಿ. ಕಂಪೆನಿಯ ಉದ್ಯೋಗಿಯಾದ ದೇವದಾಸ್ ನಾಯಕ್ ಪ್ರಾದೇಶಿಕ ಭಾಷೆ ಕೊಂಕಣಿಯಲ್ಲಿ "ತರ್ಪಣ" ಚಲನಚಿತ್ರವನ್ನು ತಯಾರಿಸಿ ಲೋಕಾರ್ಪಣೆ ಮಾಡಿದ್ದು, ಇದರ ಟ್ರೈಲರ್ ಹಲವರ ಮನಗೆದ್ದಿದೆ.

  

  

  

  

  

  ದೇವದಾಸ್ ನಾಯಕ್ಇವರು ಜಿ. ಎಸ್. ಬಿ. ಸಮಾಜದ ಮಧ್ಯಮ ವರ್ಗದ ಕುಟುಂಬದಲ್ಲಿ ನಡೆಯುವ ಒಂದು ಘಟನೆಯನ್ನು ಆದರಿಸಿ ಬರೆದು ನಿರ್ದೇಶಿಸಿದ ಈ ಚಲನಚಿತ್ರಕ್ಕೆ ಆಂಗ್ಲ ಭಾಷೆಯ ಉಪ ಶೀರ್ಷಿಕೆಯನ್ನು ನೀಡಿರುವುದರಿಂದ ಅನ್ಯ ಭಾಷಿಗರೂ ಈ ಚಿತ್ರ ವಿಕ್ಷೀಸಬಹುದಾಗಿದೆ.

  ಈಗಾಗಲೇ ರಾಷ್ಟ್ರೀಯ ಮತ್ತು ರಾಜ್ಯ ಪ್ರಶಸ್ತಿ ವಿಜೇತ "ಓಂ ಪ್ರೊಡಕ್ಷನ್" ಜೊತೆಗೆ ಈ ಕೊಂಕಣಿ ಪ್ರಾದೇಶಿಕ ಚಿತ್ರಕ್ಕೆ "ಮಾಲ್ಶಿ ಪಿಕ್ಚರ್ಸ್" ಸಾಥ್ ನೀಡಿರುವುದು ಈ ಚಲನಚಿತ್ರಕ್ಕೆ ಒಂದು ಹೆಗ್ಗಳಿಕೆಯಾಗಿದೆ. ದೇವದಾಸ್ ನಾಯಕ್ ಇವರು ಸಾಹಿತ್ಯ ರಚಿಸಿ ನಿರ್ದೇಶಿಸಿದ ಚಲನಚಿತ್ರದಲ್ಲಿ ನಾಯಕನಟರಾಗಿ ಅನುಜ್ ನಾಯಕ್, ಖ್ಯಾತ ರಂಗಕರ್ಮಿ ಸಂಜಯ್ ಸಾವ್ಕೂರ್, ಮೀರಾ ನೈಂಪಲ್ಲಿ, ಮಧುರಾ ಶೆಣೈ ಜಯಪ್ರಕಾಶ್ ಭಟ್, ಇವರುಗಳು ನಟಿಸಿದ್ದು, ಅಲ್ಲದೆ ಕೆಲವು ಹೊಸ ಕಲಾವಿದರನ್ನು ಇಲ್ಲಿ ಪರಿಚಯಿಸಲಾಗಿದೆ. ಚಿತ್ರಕ್ಕೆ ಛಾಯಾಗ್ರಹಣ ಮಹೇಶ್ ಡಿ.ಪೈ, ಸಂಗೀತ ನಿರ್ದೇಶನ ಕಾರ್ತಿಕ್ ಮುಲ್ಕಿ ಮಾಡಿದ್ದಾರೆ.

  ಸಂಕಲನ ಸಾಹಿತ್ಯ ರಚನೆ ಮತ್ತು ನಿರ್ದೇಶನ ಮಾಡಿದ ದೇವದಾಸ್ ನಾಯಕ್ ಇವರ ಕನಸಿನ ಕೂಸು ಈ ಕೊಂಕಣಿ ಭಾಷಾ "ತರ್ಪಣ" ಚಲನಚಿತ್ರವು ಸಾಹಿತ್ಯ ಕ್ಷೇತ್ರದಲ್ಲಿ ಕೊಂಕಣಿ ಭಾಷೆಗೆ ಒಂದು ಅಮೂಲ್ಯ ಕೊಡುಗೆಯಾಗಲಿದೆ ಎಂದರೆ ಅತಿಶಯೋಕ್ತಿಯಾಗಲಾರದು. ಈ ಚಲನಚಿತ್ರವು ಇದೇ ಡಿಸೆಂಬರ್ ನಲ್ಲಿ ತೆರೆ ಕಾಣಲಿದೆ