ಮದುವೆ ಬಳಿಕ ಮತ್ತೆ ಬಣ್ಣ ಹಚ್ಚಿದ ನಟಿ ಹರ್ಷಿಕಾ ಪೂಣಚ್ಚ

•   Wed, Nov 01 2023 09:03:52 PM



• ಬೆಂಗಳೂರು, ನ.1 (DaijiworldNews/AA): ಸ್ಯಾಂಡಲ್‌ವುಡ್ ನಟಿ ಹರ್ಷಿಕಾ ಪೂಣಚ್ಚ ಅವರು ಮದುವೆಯ ಬಳಿಕ ಹೊಚ್ಚ ಹೊಸ ಸಿನಿಮಾವೊಂದರಲ್ಲಿ ನಟಿಸಲು ಸಜ್ಜಾಗಿದ್ದಾರೆ. ಈ ಮೂಲಕ ನಟನೆಗೆ ರೀ ಎಂಟ್ರೀ ಕೊಡುತ್ತಿದ್ದಾರೆ.

  ನಟಿ ಹರ್ಷಿಕಾ ಸ್ಯಾಂಡಲ್‌ವುಡ್ ನಟ ಭುವನ್ ಅವರೊಂದಿಗೆ ಮದುವೆಯಾಗಿದ್ದರು.ಮದುವೆ ಬಳಿಕ ಕೆಲ ದಿನಗಳ ಕಾಲ ಅಮೆರಿಕಾದಲ್ಲಿ ಪ್ರವಾಸದಲ್ಲಿದ್ದ ಹರ್ಷಿಕಾ ಇದೀಗ ಮತ್ತೆ ಬಣ್ಣ ಹಚ್ಚಲು ತಯಾರಾಗಿದ್ದಾರೆ.

  ಮದುವೆ ಬಳಿಕ ನಟನೆಯಿಂದ ಬಹಳಷ್ಟು ದೂರ ಉಳಿಯುವ ನಟಿಯರ ಪೈಕಿ ಹರ್ಷಿಕಾ ಅವರು ಮತ್ತೆ ಬಣ್ಣ ಹಚ್ಚಲು ಮುಂದೆ ಬಂದಿರುವುದು ಅಭಿಮಾನಿಗಳಿಗೆ ಖುಷಿ ವಿಷಯವಾಗಿದೆ. . ನಟಿ ಮದುವೆಯಾಗುವ ಮುನ್ನ ನಟಿಸಿದ್ದ ‘ಮಾರಕಾಸ್ತ್ರ’ ಸಿನಿಮಾ ಇತ್ತೀಚೆಗೆ ಬಿಡುಗಡೆಗೊಂಡಿತ್ತು.

  ಇದೀಗ ವಿಭಿನ್ನ ಕಥಾಹಂದರವಿರುವ ಭೋಜಪುರಿ ಚಿತ್ರವೊಂದರಲ್ಲಿ ಅವರು ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಭೋಜಪುರಿ ನಟ ರಿತೇಶ್ ಪಾಂಡೆ ಅವರಿಗೆ ಹರ್ಷಿಕಾ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದು, ಈಗಾಗಲೇ ಸಿನಿಮಾದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ.