ಗಂಡು ಮಗುವಿಗೆ ಜನ್ಮವಿತ್ತ ಇಲಿಯಾನ- ತಂದೆ ಯಾರೆಂದು ರಿವೀಲ್‌ ಮಾಡದ ನಟಿ

•   Sun, Aug 06 2023 05:50:41 PM



• ಮುಂಬೈ ಆ 06 (DaijiworldNews/AK): ಬಾಲಿವುಡ್‌ ಬೆಡಗಿ ಇಲಿಯಾನಾ ಡಿಕ್ರೂಜ್‌ ಮುದ್ದಾದ ಗಂಡು ಮಗುವಿಗೆ ಜನ್ಮ ನೀಡಿದ್ದು, ಮಗುವಿನ ಫೋಟೋ ಹೆಸರನ್ನು ಇನ್‌ಸ್ಟಾಗ್ರಾಮ್‌ ನಲ್ಲಿ ಹಂಚಿಕೊಂಡಿದ್ದಾರೆ.

  ಅದರೆ ಮದುವೆಗೂ ಮುನ್ನ ಗರ್ಭಿಣಿ ಆಗಿದ್ದ ನಟಿಯ ಬಗ್ಗೆ ಸೋಶಿಯಲ್‌ ಮೀಡಿಯಾದಲ್ಲಿ ಹಲವು ಗಾಸಿಪ್‌ ಗಳು ಹಬ್ಬಿತ್ತು. ಇತ್ತೀಚೆಗೆ ನಟಿ ಡೇಟ್‌ ನೈಟ್‌ ಎನ್ನುವ ಸ್ಟೋರಿಯನ್ನು ಹಾಕಿಕೊಂಡಿದ್ದರು. ನನ್ನ ಕೆಟ್ಟ ಘಳಿಗೆಯಲ್ಲಿ ಬೆಂಬಲವನ್ನು ನೀಡಿದ ಅದ್ಭುತ ವ್ಯಕ್ತಿಯೆಂದು ಅದರಲ್ಲಿ ಬರೆದುಕೊಂಡಿದ್ದರು. ಆದರೆ ಅದು ಅವರ ಪ್ರಿಯಕರ ಎನ್ನುವುದನ್ನು ರಿವೀಲ್‌ ಮಾಡಿಲ್ಲ.

  ಇದೇ ವರ್ಷದ ಏ.18 ರಂದು ನಟಿ ಇಲಿಯಾನಾ ಡಿಕ್ರೂಜ್‌ ಗರ್ಭಿಣಿಯಾಗಿರುವ ಕುರಿತ ವಿಚಾರವನ್ನು ಪೋಸ್ಟ್‌ ಹಾಕುವ ಮೂಲಕ ಹಂಚಿಕೊಂಡಿದ್ದರು. ಇಲಿಯಾನಾ ಮಗುವಿಗೆ ಹಾಕುವ ಬಟ್ಟೆಯೊಂದನ್ನು ಹಾಕಿ ಅದರಲ್ಲಿ ʼಅಡ್ವೆಂಚರ್‌ ಬೀಗೆನ್ಸ್‌ʼ ಎಂದು ಬರೆದುಕೊಂಡಿದ್ದು, ಇನ್ನೊಂದು ಫೋಟೋದಲ್ಲಿ ಕುತ್ತಿಗೆಗೆ ಹಾಕಿರುವ ಪೆಂಡೆಂಟ್ ವೊಂದರಲ್ಲಿ ʼಅಮ್ಮಾʼಎಂದು ಬರೆದಿದ್ದರು. ಪೋಸ್ಟ್‌ ಕೆಳಗೆ ಮಗುವನ್ನು ನೋಡುವ ಸಂತಸದಲ್ಲಿದ್ದೇನೆ ಎಂದು ಇಲಿಯಾನಾ ಬರೆದಿಕೊಂಡಿದ್ದರು.

   ಇದೀಗ ಇಲಿಯಾನಾ ಗಂಡು ಮಗುವಿನ ಜನ್ಮ ನೀಡಿದ ಬಗ್ಗೆ ಸೋಶಿಯಲ್‌ ಮೀಡಿಯಾದಲ್ಲಿ ಸಂತಸವನ್ನು ಹಂಚಿಕೊಂಡಿದ್ದಾರೆ. ಮಗುವಿಗೆ ಕೋವಾ ಫೀನಕ್ಸ್ ಡೋಲನ್ ಎಂದು ಹೆಸರಿಟ್ಟಿದ್ದು, ಆಗಸ್ಟ್‌ 1 ರಂದು ಮಗು ಜನಿಸಿದೆ ಎಂದು ಫೋಸ್ಟ್‌ನಲ್ಲಿ ಬರೆದುಕೊಂಡಿದ್ದಾರೆ.ನಮ್ಮ ಪ್ರೀತಿಯ ಮಗನನ್ನು ಸ್ವಾಗತಿಸಲು ನಾವು ಎಷ್ಟು ಸಂತೋಷಪಡುತ್ತಿದ್ದೇವೆ ಎನ್ನುವುದನ್ನು ಪದಗಳಲ್ಲಿ ವಿವರಿಸಲು ಸಾಧ್ಯವಿಲ್ಲ ಎಂದು ಪೋಸ್ಟ್‌ ನಲ್ಲಿ ಬರೆದುಕೊಂಡಿದ್ದಾರೆ.