ಕಾಣೆಯಾಗಿದ್ದಾರೆ ಯಶ್‌ ಬಾಸ್‌ ಹುಡುಕಿಕೊಟ್ಟವರಿಗೆ ಸೂಕ್ತ ಬಹುಮಾನ!

•   Tue, Jul 25 2023 07:08:50 PM



• ಬೆಂಗಳೂರು, ಜು 25 (DaijiworldNews/AK):ನಟ ಯಶ್ ಕಾಣೆಯಾಗಿದ್ದಾರೆ, ಹುಡುಕಿಕೊಟ್ಟವರಿಗೆ ಸೂಕ್ತ ಬಹುಮಾನ ಕೊಡಲಾಗುವುದು! ಹೀಗೊಂದು ಪೋಸ್ಟರ್ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಯಶ್​ರನ್ನು ದೊಡ್ಡ ತೆರೆಯ ಮೇಲೆ ನೋಡುವ ಆಸೆಯಿಟ್ಟುಕೊಂಡು ವರ್ಷಗಳಿಂದ ಕಾಯುತ್ತಿರುವ ಅವರ ಅಭಿಮಾನಿಗಳೇ ಕೆಲವರು ಹೀಗೋಂದು ಪೋಸ್ಟರ್ ಅನ್ನು ಹರಿಯಬಿಟ್ಟಿದ್ದು, ‘ಯಶ್ ಕಾಣೆಯಾಗಿದ್ದಾರೆ’ ಪೋಸ್ಟರ್ ಈಗ ಸದ್ದು ಮಾಡುತ್ತಿದೆ.

  ಯಶ್​ರ ಹೊಸ ಸಿನಿಮಾದ ಅಪ್​ಡೇಟ್​ಗೆ ಕಾದು, ಕಾದು, ಸುಸ್ತಾಗಿರುವ ಅವರ ಅಭಿಮಾನಿಗಳು ಈ ಪೋಸ್ಟರ್ ಅನ್ನು ವೈರಲ್ ಮಾಡುತ್ತಿದ್ದು, ಪೋಸ್ಟರ್​ನಲ್ಲಿ, ”ನಮ್ಮ ರಾಕಿಂಗ್ ಸ್ಟಾರ್ ಯಶ್ ಕನ್ನಡ ಚಿತ್ರರಂಗದ ಹೆಮ್ಮೆಯ ನಟ. ‘ಕೆಜಿಎಫ್ 2’ ಸಿನಿಮಾದ ಯಶಸ್ಸಿನ ಬಳಿಕ ಹೊಸ ಸಿನಿಮಾ ಘೋಷಣೆ ಮಾಡುತ್ತೀನಿ ಎಂದಿದ್ದರು ಆದರೆ ಘೋಷಣೆ ಮಾಡದೆ ಅಭಿಮಾನಿಗಳಲ್ಲಿ ನಿರಾಸೆ ಉಂಟು ಮಾಡಿದ್ದಾರೆ. ಕೂಡಲೇ ಅವರನ್ನು ಯಾರಾದರೂ ಸಂಪರ್ಕಿಸಿ ಬರೀ ಸಿನಿಮಾ ಅನೌನ್ಸ್ ಮಾಡೋಕೆ ಎರಡು ವರ್ಷ ತಗೊಂಡ್ರೆ ಹೇಗೆ ಸರ್, ಫ್ಯಾನ್ಸ್​ನ ಎಮೋಷನ್ ಜೊತೆ ಆಟ ಆಡ್ತಾ ಇದ್ದೀರ ಎಂದು ತಿಳಿಸಿ ಹೇಳಿ ಎಂದು ಬರೆದುಕೊಂಡಿದ್ದಾರೆ.

  ”ಎಲ್ಲರೂ ಅವರವರ ಹೀರೋಗಳ ಸಿನಿಮಾ ಅಪ್​ಡೇಟ್​ಗಳನ್ನು ತಗೊಂಡು ಎಂಜಾಯ್ ಮಾಡ್ತಾ ಇದ್ದಾರೆ. ಆದರೆ ನೀವು ಮಾತ್ರ ಇನ್ನೂ ಸಿನಿಮಾ ಅನೌನ್ಸ್ ಮಾಡಿಲ್ಲ. ಸಣ್ಣ ಸುಳಿವು ಸಹ ಕೊಟ್ಟಿಲ್ಲ. ತುಂಬಾ ಬೇಜಾರ್ ಆಗುತ್ತೆ ಬಾಸ್” ಎಂದು ಪೋಸ್ಟರ್​ನಲ್ಲಿ ಬರೆಯಲಾಗಿದೆ. ಯಾರೋ ಬಹಳ ನೊಂದ ಅಭಿಮಾನಿಯೇ ಈ ಪೋಸ್ಟರ್ ಸೃಷ್ಟಿಸಿ ಹರಿಬಿಟ್ಟಿದ್ದಾರೆ ಎಂಬುದು ಖಚಿತವಾಗಿದೆ.