ಹದಿನೈದೇ ದಿನದಲ್ಲಿ ಟೊಮ್ಯಾಟೋ ಬೆಳೆಯಲು ಕಲಿಸಿದ ರಾಖಿ ಸಾವಂತ್ - ಪೋಟೊ ವೈರಲ್

•   Thu, Jul 13 2023 07:45:20 PM



• ಮುಂಬೈ, ಜು 13 (DaijiworldNews/AK) ಕಳೆದ ಕೆಲವು ದಿನಗಳಿಂದ ಟೊಮೇಟೋ ದರ ಗಗನಕ್ಕೇರಿದೆ. ಟೊಮೇಟೋ ದರ ಗ್ರಾಹಕರ ಕೈ ಸುಡುತ್ತಿದೆ. ಈ ಮಧ್ಯೆ ಟೊಮೇಟೋ ಕುರಿತು ಸಾಕಷ್ಟು ಜೋಕ್ ಗಳು ವೈರಲ್‌ ಆಗುತ್ತಿದೆ.. ಟೊಮೊಟೋ ಕಾಯಲು ಪೊಲೀಸ್‌ ಭದ್ರತೆಯಿಂದ ಹಿಡಿದು ಸಿಸಿಟಿವಿ ಕ್ಯಾಮೆರಾ ಅಳವಡಿಕೆ, ಬೌನ್ಸರ್ ಹಾಕಿ ಕಾಯುವಲ್ಲಿಗೆ ವಿಡಿಯೋಗಳು ಎಲ್ಲೆಡೆ ಹರಿದಾಡುತ್ತಿದೆ. ಆದರೆ ದೇಶದ ಜನತೆ ಟೊಮೇಟೋ ದರ ಏರಿಕೆ ಬಗ್ಗೆ ತಲೆಕೆಡಸಿಕೊಂಡ್ರೆ ನಮ್ಮ ಬಾಲಿವುಡ್ ನಟಿ ರಾಖಿ ಸಾವಂತ್ ಇದ್ಯಾವುದಕ್ಕೂ ತಲೆ ಕೆಡಿಸಿಕೊಂಡಿಲ್ಲ.

  ರಾಖಿ ಸಾವಂತ್ ಕೇವಲ ಹದಿನೈದೇ ದಿನದಲ್ಲಿ ಟೊಮ್ಯಾಟೋ ಬೆಳೆಯುವುದು ಹೇಗೆ ಎನ್ನುವುದನ್ನು ತಿಳಿಸಿ ಕೊಟ್ಟ ವಿಡಿಯೋ ವೈರಲ್‌ ಆಗಿದೆ. ಮೊದಲು ಪುಟ್ಟದೊಂದು ಪಾಟ್ ತಗೆದುಕೊಂಡು ಅದರಲ್ಲಿ ಕಾಲು ಭಾಗ ಮಣ್ಣು ತುಂಬಿದ್ದಾರೆ. ಆ ಮಣ್ಣಿನಲ್ಲಿ ನಾಲ್ಕೈದು ಟೊಮ್ಯಾಟೋ ಹಾಕಿ, ಅದರ ಮೇಲೆ ಟೊಮ್ಯಾಟೋ ಗಿಡ ನೆಡುತ್ತಾರೆ. ಅದು ಕೇವಲ 15 ದಿನದಲ್ಲಿ ಟೊಮ್ಯಾಟೋ ಕೊಡುತ್ತದೆ ಎಂದು ರಾಖಿ ಹೇಳುತ್ತಾರೆ. ಈ ಗಿಡವನ್ನು ಆರೈಕೆ ಮಾಡಲೆಂದು ಒಬ್ಬ ಹುಡುಗನನ್ನು ರಾಖಿ ನೇಮಿಸಿಕೊಂಡಿದ್ದಾರೆ. ಈ ವಿಡಿಯೋ ಸಖತ್ ವೈರಲ್ ಆಗಿದೆ.

  ಒಟ್ಟಾರೆ ಹದಿನೈದು ದಿನಕ್ಕೆ ಟೊಮೊಟೋ ಗಿಡದಲ್ಲಿ ಟೊಮೆಟೋ ಬರತ್ತೋ ಗೊತ್ತಿಲ್ಲ. ರಂಪಾಟದ ಬೆಡಗಿ ರಾಖಿ ಸಂವಾಂತ್‌ ಟೊಮೋಟೊ ಗಿಡ ಬೆಳೆಯುವ ವಿಧಾನವನ್ನು ತಮಾಷೆಯಾಗಿ ತೆಗೆದುಕೊಂಡಿದ್ದಾರೆ.