ಬಾಲಿವುಡ್‌ ಬ್ಯೂಟಿ ಶಿಲ್ಪಾ ಶೆಟ್ಟಿ ಸ್ಯಾಂಡಲ್‌ವುಡ್‌ಗೆ ಕಂಬ್ಯಾಕ್

•   Wed, Jul 05 2023 06:17:03 PM



• ಬೆಂಗಳೂರು, ಜು 4 (DaijiworldNews/AK): ಬಾಲಿವುಡ್‌ ಬೆಡಗಿ ಶಿಲ್ಪಾ ಶೆಟ್ಟಿ , 18 ವರ್ಷಗಳ ನಂತರ ಕನ್ನಡದ ‘ಕೆಡಿ’ ಸಿನಿಮಾದ ಮೂಲಕ ಸ್ಯಾಂಡಲ್‌ವುಡ್‌ಗೆ ಕಂಬ್ಯಾಕ್ ಆಗಿದ್ದಾರೆ.

  ಧ್ರುವ ಸರ್ಜಾ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸಿಕ್ಕಾಪಟ್ಟೆ ನಿರೀಕ್ಷೆ ಹುಟ್ಟಿಸಿದ ‘ಕೆಡಿ’ ಸಿನಿಮಾದಲ್ಲಿ ಕರಾವಳಿ ನಟಿ ಇರೋದು ಅಭಿಮಾನಿಗಳಿಗೆ ಖುಷಿ ತಂದಿದೆ. ಚಿತ್ರದ ಫಸ್ಟ್ ಲುಕ್‌ನಲ್ಲಿ ಶಿಲ್ಪಾ ಶೆಟ್ಟಿ ರೆಟ್ರೋ ಸ್ಟೈಲಿನಲ್ಲಿ ಮಿಂಚಿದ್ದಾರೆ.

  ಬಾಲಿವುಡ್ ಬ್ಯೂಟಿ, ಶಿಲ್ಪಾ ಶೆಟ್ಟಿ ಅವರು ಸಾಲು ಸಾಲು ಸಿನಿಮಾಗಳ ಜೊತೆ ರಿಯಾಲಿಟಿ ಶೋ ತೀರ್ಪುಗಾರ್ತಿಯಾಗಿ ಹೈಲೆಟ್ ಆಗ್ತಿದ್ದಾರೆ. ಸದ್ಯ ನಯಾ ಫೋಟೋಶೂಟ್‌ನಿಂದ ಕರಾವಳಿ ಚೆಲುವೆ ಮಿಂಚುತ್ತಿದ್ದಾರೆ. 48ರ ವಯಸ್ಸಿನಲ್ಲೂ ಶಿಲ್ಪಾ ಶೆಟ್ಟಿ ಬಳುಕುವ ಬಳ್ಳಿಯಂತೆ ಹಾಟ್ ಆಗಿ  ಕಾಣಿಸಿಕೊಂಡಿದ್ದಾರೆ.

  ಕನ್ನಡದ ಆಟೋ ಶಂಕರ್, ಪ್ರೀತ್ಸೋದ್ ತಪ್ಪಾ?, ಒಂದಾಗೋಣ ಬಾ ಚಿತ್ರಗಳಲ್ಲಿ ನಟಿಸಿದ ಬೆಡಗಿ ಶಿಲ್ಪಾ ಶೆಟ್ಟಿ ಅವರು ಬಾಲಿವುಡ್ ರಂಗದಲ್ಲಿ ಉತ್ತುಂಗಕ್ಕೆ ಏರಿದ್ರು. ಸ್ಟಾರ್ ನಟರಿಗೆ ನಾಯಕಿಯಾಗುವ ಮೂಲಕ ಸಾಕಷ್ಟು ಸೂಪರ್ ಹಿಟ್‌ಗಳನ್ನ ಕೊಟ್ಟಿದ್ದಾರೆ.

  48ನೇ ವಯಸ್ಸಿನಲ್ಲೂ ಸಿನಿಮಾರಂಗದಲ್ಲಿ ಶಿಲ್ಪಾ ಶೆಟ್ಟಿಗೆ ಬೇಡಿಕೆ ಕಮ್ಮಿ ಆಗಿಲ್ಲ. ಬಾಲಿವುಡ್‌ನಿಂದ ಬಂಪರ್ ಆಫರ್‌ ಬರುತ್ತಿದೆ. ಇತ್ತ ಯೋಗ, ವರ್ಕೌಟ್ ಅಂತಾ ಶಿಲ್ಪಾ ಶೆಟ್ಟಿ ತಮ್ಮ ಫಿಟ್‌ನೆಸ್ ಕಡೆ ಗಮನ ನೀಡುತ್ತಿದ್ದಾರೆ. ಯೋಗ ಶಿಲ್ಪಾ ಶೆಟ್ಟಿಯ ಬ್ಯೂಟಿ ಸೀಕ್ರೆಟ್ ಎಂದೇ ಹೇಳಬಹುದು.
  ಈಗ ರೆಡ್‌ ಕಲರ್‌ ಉಡುಗೆಯಲ್ಲಿ ಶಿಲ್ಪಾ ಶೆಟ್ಟಿ ಹಾಟ್ ಆಗಿ ಕಾಣಿಸಿಕೊಂಡಿದ್ದಾರೆ. ನಟಿಯ ಬೋಲ್ಡ್ ಲುಕ್ ನೋಡಿ, 48 ವರ್ಷ ಅಂತಾ ಅನಿಸೋದೇ ಇಲ್ಲ ಎಂದು ಹೇಳ್ತಿದ್ದಾರೆ.