ರೂಪೇಶ್ ಶೆಟ್ಟಿ ನಿರ್ದೇಶನದ ತುಳು 'ಸರ್ಕಸ್' ಸಿನಿಮಾದ ಪ್ರೀಮಿಯರ್ ಶೋ - ಭರ್ಜರಿ ರೆಸ್ಪಾನ್ಸ್

•   Sun, Jun 18 2023 06:02:59 PM



• ಮಂಗಳೂರು, ಜೂ 18 (DaijworldNews/HR): ರೂಪೇಶ್ ಶೆಟ್ಟಿ ನಟಿಸಿ ನಿರ್ದೇಶಿಸಿರುವ ಬಹು ನಿರೀಕ್ಷಿತ ತುಳು ಸಿನಿಮಾ ‘ಸರ್ಕಸ್’ ಪ್ರೀಮಿಯರ್ ಶೋ ಜೂನ್ 18 ರಂದು ಭಾರತ್ ಸಿನಿಮಾಸ್ ಥೀಯೇಟರ್ ನಲ್ಲಿ ನಡೆಯಿತು.

  

  

  

  

  

  

  

  

  

  

  

  

  

  

  

  

  

  

  

  

  

  

  ಬಿಗ್ ಬಾಸ್ ಕನ್ನಡ 9’ ಕಾರ್ಯಕ್ರಮದಲ್ಲಿ ಗೆಲುವಿನ ನಗೆ ಬೀರಿದವರು ತುಳು ಚಿತ್ರರಂಗದ ನಟ ರೂಪೇಶ್ ಶೆಟ್ಟಿ ಅವರ ನಿರ್ದೇಶನದ ಎರಡನೇ ಸಿನಿಮಾ ಇದಾಗಿದೆ. ಈ ಹಿಂದೆ ‘ಗಿರ್‌ಗಿಟ್’ ಎಂಬ ಬ್ಲಾಕ್ ಬಸ್ಟರ್ ತುಳು ಸಿನಿಮಾದ ಮೂಲಕ ಯಶಸ್ಸು ಗಳಿಸಿದ್ದರು.

  ಮಂಗಳೂರಿನಲ್ಲಿ ನಡೆದ ಪ್ರೀಮಿಯರ್ ಶೋ ಅನ್ನು ಡೈಜಿವರ್ಲ್ಡ್ ಸಂಸ್ಥಾಪಕ ವಾಲ್ಟರ್ ನಂದಳಿಕೆ, ಪತ್ರಕರ್ತ ಜಗನ್ನಾಥ ಶೆಟ್ಟಿ, ನಿರ್ದೇಶಕ ರೂಪೇಶ್ ಶೆಟ್ಟಿ, ನಟಿಯರಾದ ರಚನಾ ರೈ ಮತ್ತು ರೂಪ ವರ್ಕಾಡಿ, ಸಂಗೀತ ನಿರ್ದೇಶಕ ಲಾಯ್ ವ್ಯಾಲೆಂಟೈನ್ ಸಲ್ಡಾನ್ಹಾ, ಸಂಪಾದಕ ರಾಹುಲ್ ವಶಿಷ್ಟ ಉದ್ಘಾಟಿಸಿದರು.

  ಈ ಸಂದರ್ಭದಲ್ಲಿ ಮಾತನಾಡಿದ ವಾಲ್ಟರ್ ನಂದಳಿಕೆ, "ಸರ್ಕಸ್ ಸಿನಿಮಾವು ಪ್ರೀಮಿಯರ್‌ನಲ್ಲಿ ಹೌಸ್‌ಫುಲ್ ಪ್ರದರ್ಶನಗಳನ್ನು ಕಂಡಿದ್ದು, ಸರ್ಕಸ್ ಚಲನಚಿತ್ರವು ಯಶಸ್ಸಿನ ಭರವಸೆಯಾಗಲಿದೆ. ಇಂದಿನ ಬಿಗ್ ಸಿನಿಮಾಸ್ ನಲ್ಲಿ ನಡೆದ ಪ್ರೀಮಿಯರ್ ಶೋನಲ್ಲಿ 4000 ಕ್ಕೂ ಹೆಚ್ಚು ಜನರು ಚಲನಚಿತ್ರವನ್ನು ವೀಕ್ಷಿಸುತ್ತಿರುವುದು ದಾಖಲೆಯಾಗಿದೆ. ಮಂಗಳೂರು ಪ್ರೀಮಿಯರ್ ಶೋನಲ್ಲಿ ಸರ್ಕಸ್ ಚಿತ್ರದ 12 ಶೋಗಳು ಪ್ರದರ್ಶನಗೊಳ್ಳಲಿವೆ. ಪುಣೆಯ ಭಾರತೀಯ ಚಿತ್ರಮಂದಿರಗಳಲ್ಲಿ ಮತ್ತು ದುಬೈ, ಯುಎಇ, ಆಸ್ಟ್ರೇಲಿಯಾ, ಯುಎಸ್ಎ, ಅಬುಧಾಬಿ, ಮಸ್ಕತ್, ಕತಾರ್ ಮತ್ತು ಬಹ್ರೇನ್‌ನ ಚಿತ್ರಮಂದಿರಗಳಲ್ಲಿ ಚಲನ ಚಿತ್ರವು ಪ್ರಥಮ ಪ್ರದರ್ಶನಗೊಂಡಿದ್ದು, ಮುಂದಿನ ದಿನಗಳಲ್ಲಿ ಕೆನಡಾ, ಯುಎಸ್ಎ, ಯುಕೆ, ಥೈಲ್ಯಾಂಡ್, ನೈಜೀರಿಯಾ, ಕುವೈತ್, ಪುತ್ತೂರು, ಮಣಿಪಾಲ್, ಮುಂಬೈ ಮತ್ತು ಯುಎಇನಲ್ಲಿ ಪ್ರದರ್ಶನಗೊಳ್ಳಲಿದೆ.

  ಶೂಲಿನ್ ಫಿಲಂಸ್, ಮುಗ್ರೋಡಿ ಫಿಲಂಸ್ ಲಾಂಛನದಡಿಯಲ್ಲಿ ಸರ್ಕಸ್ ಸಿನಿಮಾ ತಯಾರಾಗಿದ್ದು, ಅನಿಲ್ ಶೆಟ್ಟಿ, ಸುಧಾಕರ ಶೆಟ್ಟಿ, ಮಂಜುನಾಥ ಅತ್ತಾವರ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ರಾಕೇಶ್ ಕದ್ರಿ ಕ್ರಿಯೆಟಿವ್ ಹೆಡ್ ಆಗಿ ಕೆಲಸ ಮಾಡುತ್ತಿದ್ದು, ಉಳಿದಂತೆ ನವೀನ್ ಡಿ. ಪಡೀಲ್, ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ಸಾಯಿಕೃಷ್ಣ ಕುಡ್ಲ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಉಮೇಶ್ ಮಿಜಾರ್, ಚಂದ್ರಹಾಸ ಉಳ್ಳಾಲ್, ನಿತೇಶ್ ಶೆಟ್ಟಿ ಎಕ್ಕಾರ್, ರೂಪಾ ವರ್ಕಾಡಿ, ಪಂಚಮಿ ಭೋಜರಾಜ್, ತಾರಾಗಣದಲ್ಲಿದ್ದಾರೆ.

  ಜೂನ್ 23 ರಂದು ‘ಸರ್ಕಸ್’ ತೆರೆಗೆ ಬರಲಿದೆ.