ಮಗಳ ವಯಸ್ಸಿನ ನಟಿಯೊಂದಿಗೆ ನವಾಜುದ್ದೀನ್ ಸಿದ್ಧಿಕಿ ಲಿಪ್ ಲಾಕ್​!

•   Thu, Jun 15 2023 04:03:29 PM



• ಮುಂಬೈ, ಜೂ 15 (DaijiworldNews/HR): ಬಾಲಿವುಡ್ ನಟ ನವಾಜುದ್ದೀನ್ ಸಿದ್ಧಿಕಿ ಅವರ ನಟನೆಯ 'ಟೀಕು ವೆಡ್ಸ್​ ಶೇರು’ ಸಿನಿಮಾ ಟ್ರೇಲರ್ ಬಿಡುಗಡೆಯಾಗಿದ್ದು, ಈ ಸಿನಿಮಾ ಟ್ರೇಲರ್​ನಲ್ಲಿ ಸಿದ್ಧಿಕಿ ಅವರು 21 ವರ್ಷದ ಅವ್ನೀತ್ ಕೌರ್ ಜೊತೆ ಲಿಪ್​ ಕಿಸ್ ಮಾಡುವ ದೃಶ್ಯವಿದ್ದು, ಇದಕ್ಕೆ ಟೀಕೆ ವ್ಯಕ್ತವಾಗಿದೆ.

  'ಟೀಕು ವೆಡ್ಸ್ ಶೇರು' ಸಿನಿಮಾದ ಟ್ರೇಲರ್ ರಿಲೀಸ್ ಆಗಿದ್ದು, ಈ ಚಿತ್ರದಲ್ಲಿ ನವಾಜುದ್ದೀನ್ ಅವರು ಶೇರು ಎಂಬ ಜ್ಯೂನಿಯರ್ ಆರ್ಟಿಸ್ಟ್​ ಪಾತ್ರ ಮಾಡಿದ್ದಾರೆ.

  ಇನ್ನು ಬಾಲಿವುಡ್​ನಲ್ಲಿ ಸೆಟ್ಲ್​ ಆಗಬೇಕು ಎಂಬುದು ಶೇರು ಕನಸಾಗಿರುತ್ತದೆ. ಟೀಕು (ಅವ್ನೀತ್) ಕೂಡ ಹೀರೋಯಿನ್ ಆಗಬೇಕು ಎಂದು ಕನಸು ಕಂಡವಳು. ಶೇರುನ ಮದುವೆ ಆದರೆ ಭೋಪಾಲ್ ಬಿಟ್ಟು ಮುಂಬೈ ಸೇರಬಹುದು, ಸಿನಿಮಾ ಆಫರ್ ಪಡೆಯಬಹುದು ಎಂಬುದು ಟೀಕು ಆಲೋಚನೆ. ಈ ಕಾರಣಕ್ಕೆ ಆಕೆ ಮದುವೆಗೆ ಒಪ್ಪಿಕೊಳ್ಳುತ್ತಾಳೆ. ಇದಿಷ್ಟು ವಿಚಾರವನ್ನು ಟ್ರೇಲರ್​ನಲ್ಲಿ ತೋರಿಸಲಾಗಿದೆ.

  ನವಾಜುದ್ದೀನ್ ಅವರಿಗೆ 49 ವಯಸ್ಸಾಗಿದ್ದು, ಅವ್ನೀತ್​ಗೆ 21 ವರ್ಷ. ಮಗಳ ವಯಸ್ಸಿನ ಹುಡುಗಿಯ ಜೊತೆ ನವಾಜುದ್ದೀನ್ ಲಿಪ್ ಲಾಕ್ ಮಾಡಿದ್ದು ಎಷ್ಟು ಸರಿ ಎಂಬುದು ಅನೇಕರು ಟೀಕಿಸಿದ್ದಾರೆ.