ಗರ್ಲ್‌ಫ್ರೆಂಡ್ ಸಬಾಗೆ ಐಷಾರಾಮಿ ಅಪಾರ್ಟ್‌ಮೆಂಟ್‌ ಗಿಫ್ಟ್ ಕೊಟ್ಟ ನಟ ಹೃತಿಕ್

•   Wed, May 17 2023 05:46:21 PM



• ಮುಂಬೈ,ಮೇ17(DaijiworldNews/KH):ಸಿನಿಮಾಗಿಂತ ತಮ್ಮ ಗರ್ಲ್‌ಫ್ರೆಂಡ್ ಸಬಾ ವಿಷ್ಯವಾಗಿಯೇ ಹೆಚ್ಚೆಚ್ಚು ಸುದ್ದಿಯಾಗುತ್ತಿರುವ ಬಾಲಿವುಡ್ ನಟ ಹೃತಿಕ್ ರೋಷನ್ ಗೆಳತಿ ಸಬಾ ಜೊತೆ ವಾಸಿಸಲು  ಐಷಾರಾಮಿ ಅಪಾರ್ಟ್‌ಮೆಂಟ್‌ವೊಂದನ್ನು ಮದುವೆಗೂ ಮುನ್ನವೇ  ಖರೀದಿಸಿದ್ದಾರೆ.

  2014ರಲ್ಲಿ ಸುಸೇನ್ ಖಾನ್‌ಗೆ ಡಿವೋರ್ಸ್ ನೀಡಿದ್ದು, ಅನಂತರ ಸಬಾ ಆಜಾದ್ ಜೊತೆ ಡೇಟಿಂಗ್‌ನಲ್ಲಿ ಇರೋ ಸುದ್ಧಿ ಹರಿದಾಡುತ್ತಿತ್ತು. ಇಬ್ಬರು ಲಿವಿನ್ ರಿಲೇಷನ್‌ಶಿಪ್‌ನಲ್ಲಿದ್ದಾರೆ ಎಂದು ಹೇಳಲಾಗುತ್ತಿದೆ. 

  ಇಬ್ಬರೂ ಒಟ್ಟಿಗೆ ಇರಲು ಐಷಾರಾಮಿ ಅಪಾರ್ಟ್‌ಮೆಂಟ್ ಖರೀದಿಸಿದ್ದು, ಸದ್ಯದಲ್ಲೇ   ಇಬ್ಬರೂ ಹೊಸ ಮನೆಗೆ  ಶಿಫ್ಟ್ ಆಗುತ್ತಿದ್ದಾರೆ ಎನ್ನಲಾಗಿದೆ. ಮುಂಬೈನ ಜುಹು – ವರ್ಸೋವ ರಸ್ತೆಯಲ್ಲಿ ಹೃತಿಕ್ ಮತ್ತು ಸಬಾ  3 ಫ್ಲೋರ್ ಇರುವ ಅಪಾರ್ಟ್‌ಮೆಂಟ್ ಇರೋ ಮನೆ ಇದಾಗಿದ್ದು, ಈ ಹೊಸ ಮನೆ ಬರೋಬ್ಬರಿ 100 ಕೋಟಿ ರೂಪಾಯಿ ಬೆಲೆಬಾಳುವಂತದ್ದಾಗಿದೆ.

  ಇನ್ನೂ ಈ ಮನೆ ಸಮುದ್ರದ ಅದ್ಭುತ  ತೀರದಲ್ಲಿ ಹೊಂದಿದ್ದು 15 ಮತ್ತು 16ನೇ ಫ್ಲೋರ್ ಡ್ಯುಪ್ಲೆಕ್ಸ್ ಹಾಗೂ ಮತ್ತೊಂದು ಫ್ಲೋರ್ ಇದೆಯಂತೆ. ಇಬ್ಬರೂ ಒಟ್ಟಿಗೆ ವಾಸಿಸಲು ನಿರ್ಧರಿಸಿರುವುದು ನೋಡಿದ್ರೆ ಸದ್ಯದಲ್ಲೇ ಮದುವೆ ಆಗಲಿದ್ದಾರೆ ಎನ್ನುವ ಮಾತು ಕೇಳಿ ಬರುತ್ತಿದ್ದು, ಸದ್ಯ ಹೃತಿಕ್ ರೋಷನ್ 'ಫೈಟರ್' ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ.