ಅಮೆರಿಕಾಕ್ಕೆ ಹಾರಿದ ಸಿಂಪಲ್‌ ಸ್ಟಾರ್ ರಕ್ಷಿತ್ ಶೆಟ್ಟಿ

•   Thu, May 11 2023 05:25:59 PM



• ಉಡುಪಿ,ಮೇ 11(DaijiworldNews/KH):ನಮ್ ಏರಿಯಾಲ್ ಒಂದು ದಿನ ಸಿನಿಮಾ ಮೂಲಕ ಚಿತ್ರ ರಂಗಕ್ಕೆ ಬಂದ ರಕ್ಷಿತ್ ಶೆಟ್ಟಿ ಈಗ ಕನ್ನಡ ಚಿತ್ರರಂಗದ ಸ್ಟಾರ್ ನಟರಲ್ಲಿ ಒಬ್ಬರಾಗಿದ್ದಾರೆ.

  ಸದ್ಯ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ ಸ್ಯಾಂಡಲ್ ವುಡ್ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ನಟನೆ ಜೊತೆಗೆ ರಕ್ಷಿತ್ ಶೆಟ್ಟಿ ಮತ್ತೆ ನಿರ್ದೇಶನಕ್ಕೂ ಮರಳಿದ್ದಾರೆ. 777 ಚಾರ್ಲಿ ಬಳಿಕ ರಕ್ಷಿತ್ ಮತ್ತೆ ತೆರೆಮೇಲೆ ಕಾಣಿಸಿಕೊಳ್ಳಲೇ ಇಲ್ಲ . ಹೀಗಾಗಿ ಅಭಿಮಾನಿಗಳು ಸಿಂಪಲ್ ಸ್ಟಾರ್ ಸಿನಿಮಾ ಬರುವಿಕೆಗಾಗಿ ಕಾತರದಿಂದ ಕಾಯುತ್ತಿದ್ದಾರೆ.

  ಈ ನಡುವೆ ತಾವು ಅಮೆರಿಕಕ್ಕೆ ಹೋಗುವುದಾಗಿ ರಕ್ಷಿತ್ ಬಹಿರಂಗ ಪಡಿಸಿದ್ದಾರೆ. ತಮ್ಮ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಚಿತ್ರ ದ ಕೆಲಸಕ್ಕಾಗಿ ಅಮೆರಿಕಕ್ಕೆ ಹೋಗುವುದಾಗಿ ಕಾರಣ ನೀಡಿದ್ದಾರೆ.ಸ್ಕ್ರಿಪ್ಟ್‌ಗೆ ಫೈನಲ್‌ ಟಚ್‌ ನೀಡುವ ಹೊತ್ತಿಗೆ ಫೋನ್‌ ಕರೆಗಳು ಸೇರಿದಂತೆ ಯಾವುದೇ ಡಿಸ್ಟರ್ಬೆನ್ಸ್‌ ಇರಬಾರದು ಎಂಬ ಕಾರಣಕ್ಕೆ ಅಮೆರಿಕಾಗೆ ಹೋಗುತ್ತಿದ್ದೇನೆ ಎಂದು ಹೇಳಿದ್ದಾರೆ.

  'ರಿಚರ್ಡ್‌ ಆ್ಯಂಟನಿ’ ಸಿನಿಮಾದ ಸ್ಕಿಪ್ಟ್‌ ಕೆಲಸ ಇನ್ನು ಸ್ವಲ್ಪವಷ್ಟೇ ಬಾಕಿ ಉಳಿದಿದ್ದು, ಅಮೆರಿಕದಲ್ಲಿ ಹಗಲು ಇದ್ದರೆ ಭಾರತದಲ್ಲಿ ರಾತ್ರಿ, ಇಲ್ಲಿ ರಾತ್ರಿಯಾಗಿದ್ದರೆ ಅಮೆರಿಕದಲ್ಲಿ ಹಗಲು ಇರುತ್ತದೆ ಹೀಗಾಗಿ ಯಾವುದೇ ಫೋನ್ ಕರೆಗಳ ತೊಂದರೆಯು ಬರುವುದಿಲ್ಲ ಎಂದು ತಿಳಿಸಿದ್ದರು.

  ಸ್ವತ: ರಕ್ಷಿತ್‌ ಶೆಟ್ಟಿ ಅವರೇ ನಿರ್ದೇಶಿಸಿ ನಾಯಕನಾಗಿ ನಟಿಸುತ್ತಿರುವ ಸಿನಿಮಾ 'ರಿಚರ್ಡ್‌ ಆ್ಯಂಟನಿ’. ಇತ್ತೀಚೆಗೆ ರಕ್ಷಿತ್‌ ಶೆಟ್ಟಿ ಅಭಿನಯ ಮತ್ತೊಂದು ಸಿನಿಮಾ ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾದ ಶೂಟಿಂಗ್‌ ಮುಗಿದು ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳು ನಡೆಯುತ್ತಿವೆ. ಇನ್ನು ಕೆಲವೇ ದಿನಗಳಲ್ಲಿ 'ರಿಚರ್ಡ್‌ ಆ್ಯಂಟನಿ’ ಚಿತ್ರೀಕರಣ ಆರಂಭವಾಗಲಿದೆ.