ಜಯಲಲಿತಾ ಬಯೋಪಿಕ್‌ ನಲ್ಲಿ ಬಾಲಿವುಡ್ ಕ್ವೀನ್ ಕಂಗನಾ ರಾಣಾವತ್

•   Sat, Mar 23 2019 04:30:36 PM



• ಚೆನ್ನೈ,ಮಾ 23(MSP): ತಮಿಳುನಾಡಿನ ಮುಖ್ಯಮಂತ್ರಿಯಾಗಿದ್ದ ದಿ.ಜಯಲಲಿತಾ ಅವರ ಬಯೋಪಿಕ್‌ ಸಿನಿಮಾದಲ್ಲಿ ಬಾಲಿವುಡ್ ಕ್ವೀನ್ ಕಂಗನಾ ರಾಣಾವತ್ ಕಾಣಿಸಿಕೊಳ್ಳಲಿದ್ದಾರೆ. ತಮ್ಮ ಹುಟ್ಟುಹಬ್ಬದ ದಿನವಾದ ಶನಿವಾರ ಈ ವಿಚಾರವನ್ನು ಕಂಗನಾ ಹಂಚಿಕೊಂಡಿದ್ದು, ಯಶಸ್ವಿ ನಟಿಯಾಗಿ ಜಯಲಲಿತಾ ಅವರ ಸಿನಿಮಾ ಬದುಕು ಮತ್ತು ಮುತ್ಸದ್ಧಿ ರಾಜಕಾರಣಿಯಾಗಿ ಬದುಕಿದ್ದ ಅವರ ರಾಜಕೀಯ ಬದುಕಿನ ವಿವಿಧ ಆಯಾಮಗಳನ್ನು ಸಿನಿಮಾ ರೂಪಕ್ಕೆ ತರುವ ಪ್ರಯತ್ನಗಳು ನಡೆದಿದ್ದು, ಇದರಲ್ಲಿ ತಾವು ನಟಿಸುವುದಾಗಿ ಹೇಳಿಕೊಂಡಿದ್ದಾರೆ.

  

  ಈ ಚಿತ್ರ ತ್ರಿಭಾಷೆಯಲ್ಲಿ ಮೂಡಿಬರಲಿದ್ದು, ತಮಿಳಿನಲ್ಲಿ ತಲೈವಿ ಎಂದು ಹೆಸರಿಟ್ಟರೆ ಹಿಂದಿ ಹಾಗೂ ತೆಲುಗಿನಲ್ಲಿ ಜಯಾ ಎಂದು ಹೆಸರಿಡಲಾಗಿದೆ. ಮದ್ರಾಸಪಟ್ಟಿನಂ ಹಾಗೂ ದೀವಿಯಾ ತಿರುಮಗಲ್ ಖ್ಯಾತಿಯ ನಿರ್ದೇಶಕ ಎ ಎಲ್ ವಿಜಯ್ ನಿರ್ದೇಶನ ಮಾಡುತ್ತಿದ್ದಾರೆ. ಪ್ರಸ್ತಿದ್ಧ ಬಾಹುಬಲಿ ಹಾಗೂ ಮಣಿಕರ್ಣಿಕಾ ಚಿತ್ರಗಳಿಗೆ ಕಥೆ ಬರೆದಿರುವ ವಿಜಯೇಂದರ್ ಪ್ರಸಾದ್‌ ಈ ಸಿನಿಮಾಕ್ಕೂಕಥೆ ಬರೆದಿದ್ದಾರೆ. ಜಯಲಲಿತಾ ಪಾತ್ರದಲ್ಲಿ ನಾನು ಕಾಣಿಸಿಕೊಳ್ಳುತ್ತಿರುವುದು ಖುಷಿಯ ವಿಚಾರ ಎಂದು ಕಂಗನಾ ರಾಣಾವತ್ ಹೇಳಿದ್ದಾರೆ.

  ಇನ್ನೊಂದೆಡೆ ನಟಿ ನಿತ್ಯಾ ಮೆನನ್‌ ಅಭಿನಯದ ಜಯಲಲಿತಾ ಬಯೋಪಿಕ್‌ ಆಧಾರಿತ ’ದಿ ಐರನ್‌ ಲೇಡಿ’ ಸಿನಿಮಾ ಕೂಡಾ ಸೆಟ್ಟೇರಿದೆ.