ಹಾಲಿವುಡ್ ನಟಿಗೆ ಮುತ್ತು: ವರುಣ್ ಧವನ್‌‌ಗೆ ಕುತ್ತು- ಮೌನ ಮುರಿದ ನಟ

•   Sun, Apr 02 2023 04:54:57 PM



• ಮುಂಬೈ: ಏ 02 (DaijiworldNews/SS): ಹಾಲಿವುಡ್ ನಟಿ ಗೀಗಿ ಹದೀದ್ ಜೊತೆ ಬಾಲಿವುಡ್ ನಟ ವರುಣ್ ಧವನ್ ಹೆಜ್ಜೆ ಹಾಕಿ, ಆಕೆಯ ಕೆನ್ನೆಗೆ ಮುತ್ತು ಕೊಟ್ಟಿರುವ ಸುದ್ದಿ ಇದೀಗ ಬಿಟೌನ್‌‌ನಲ್ಲಿ ಸಖತ್ ಸದ್ದು ಮಾಡುತ್ತಿದೆ.

  ನೀತಾ ಅಂಬಾನಿ ಮತ್ತು ಮುಖೇಶ್ ಅಂಬಾನಿ, ಕಾರ್ಯಕ್ರಮವೊಂದನ್ನು ಏರ್ಪಡಿಸಿದ್ದು, ಈ ಕಾರ್ಯಕ್ರಮದಲ್ಲಿ ಬಾಲಿವುಡ್ ನಟ ವರುಣ್ ಧವನ್ ಹಾಲಿವುಡ್ ನಟಿ ಗೀಗಿ ಹದೀದ್ ಜೊತೆ ಹೆಜ್ಜೆ ಹಾಕಿದ್ದಾರೆ.

  I guess today you woke up and decided to be woke. So lemme burst ur bubble and tell u it was planned for her to be on stage so find a new Twitter cause to vent about rather then going out and doing something about things . Good morning 🙏 https://t.co/9O7Hg43y0S

  — VarunDhawan (@Varun_dvn) April 2, 2023

  ಕಲ್ಚರಲ್ ಸೆಂಟರ್ ಉದ್ಘಾಟನಾ ಸಮಾರಂಭಕ್ಕೆ ಬಾಲಿವುಡ್, ಹಾಲಿವುಡ್ ಗಣ್ಯರೆಲ್ಲ ಸೇರಿದ್ದು, ಸಲ್ಮಾನ್ ಖಾನ್, ಐಶ್ವರ್ಯಾ ರೈ, ಪ್ರಿಯಾಂಕಾ ಛೋಪ್ರಾ ಸೇರಿ ಹಲವು ಬಾಲಿವುಡ್‌ ತಾರೆಯರು ಈ ಕಾರ್ಯಕ್ರಮಕ್ಕೆ ಮೆರುಗು ತಂದಿದ್ದರು. ಹಾಲಿವುಡ್ ನಟಿ ಮತ್ತು ಮಾಡೆಲ್ ಗೀಗಿ ಹದೀದ್ ಕೂಡ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಈ ವೇಳೆ ನಟ ವರುಣ್ ಧವನ್, ಅಮೆರಿಕಾದ ಮಾಡೆಲ್, ನಟಿ ಗೀಗಿ ಹದೀದ್ ಅವರನ್ನು ಎತ್ತಿಕೊಂಡು ಸ್ಟೆಪ್ ಹಾಕಿ ಆಕೆಯ ಕೆನ್ನೆಗೆ ಮುತ್ತು ಕೊಟ್ಟಿರುವ ವಿಡಿಯೋ ವೈರಲ್ ಆಗಿದೆ.

  ಈ ವೀಡಿಯೋ ಟ್ವಿಟರ್‌ನಲ್ಲಿ ಟ್ರೋಲ್ ಆಗುತ್ತಿದ್ದು ಇದಕ್ಕೆ ಪ್ರತಿಕ್ರಿಯಿಸಿರುವ ವರುಣ್, ಇದು ಮೊದಲೇ ಯೋಜಿತವಾಗಿದ್ದ ಕಾರ್ಯಕ್ರಮವಾಗಿತ್ತು. ಆದರೆ ಇಂದು ನೀವು ಎಚ್ಚರಗೊಂಡಿದ್ದೀರಿ. ಟ್ರೋಲ್ ಮಾಡಲು ನೀವು ಯಾವುದಾದರೂ ಹೊಸ ವಿಷಯವನ್ನು ಹುಡುಕಿಕೊಳ್ಳಿ ಎಂದು ಹೇಳಿದ್ದಾರೆ.