ಕುತೂಹಲ ಹುಟ್ಟುಹಾಕಿದ ‘ಕಳಂಕ್‌’ ಟೀಸರ್

•   Mon, Mar 18 2019 05:38:51 PM



• ಮುಂಬೈ ಮಾ 18 (MSP): ಕರಣ್ ಜೋಹರ್ ಅವರ ತಂದೆಯ ಕನಸಿನ ಕೂಸಾದ ’ಕಳಂಕ್’ ಚಿತ್ರ ಏ.17 ರಂದು ದೇಶಾದ್ಯಂತ ತೆರೆ ಕಾಣಲಿದ್ದು, ಚಿತ್ರದ ಟೀಸರ್ ಹಲವು ಕುತೂಹಲವನ್ನು ಹುಟ್ಟಿಹಾಕಿದೆ. ತಂದೆ ಕೈಗೆತ್ತಿಕೊಂಡಿದ್ದ ಕಡೆಯ ಚಿತ್ರವನ್ನು ತಮ್ಮ ಕನಸಾಗಿಸಿಕೊಂಡು ಕರಣ್‌, ‘ಕಳಂಕ್‌’ ಚಿತ್ರವನ್ನು ನಿರ್ಮಿಸಿದ್ದಾರೆ.

  

  ಕಳಂಕ್ ಚಿತ್ರದಲ್ಲಿ ನಲವತ್ತರ ದಶಕದ ಐತಿಹಾಸಿಕ ಕಥೆಯನ್ನು ಹೆಣೆಯಲಾಗಿದ್ದು. ಭಾರತಕ್ಕೆ ಸ್ವಾತಂತ್ರ್ಯ ಸಿಗುವುದಕ್ಕೂ ಮುನ್ನ ನಡೆದ ಕಥೆಯನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ. ಯುವರಾಣಿ ಹಾಗೂ ಸಾಮಾನ್ಯ ವ್ಯಕ್ತಿಯ ನಡುವಿನ ಪ್ರೇಮವೇ ಚಿತ್ರದ ಕಥಾವಸ್ತುವಾಗಿದೆ.

  

  ರೂಪ್ ಎಂಬ ಯುವರಾಣಿ ಪಾತ್ರದಲ್ಲಿ ಆಲಿಯಾ ಭಟ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದು ಒಬ್ಬನನ್ನು ಪ್ರೀತಿಸಿ ಬೇರೆಯವನನ್ನು ವರಿಸುವ ಕಥಾನಕದ ಪಾತ್ರವಿದೆ.ಟೀಸರ್ ನಲ್ಲಿ ಅಲಿಯಾ ಅವರ ದಿರಿಸು ರಾಜಮನೆತನದ ಪೋಷಾಕುವಿನಂತೆ ಸುಂದರವಾಗಿ ಮೂಡಿಬಂದಿದೆ.

  

  ಚಿತ್ರಕ್ಕಾಗಿ ಹಳೆ ದೆಹಲಿಯ ಸೆಟ್ ನಿರ್ಮಿಸಲು ಬರೋಬ್ಬರಿ 17 ಕೋಟಿ ಖರ್ಚು ಮಾಡಲಾಗಿದ್ದು ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ನಟ ಸಂಜಯ್ ದತ್, ಮಾಧುರಿ ದೀಕ್ಷಿತ್, ವರುಣ್ ಧವನ್, , ಆದಿತ್ಯ ರಾಯ್ ಕಪೂರ್, ಸೋನಾಕ್ಷಿ ಸಿನ್ಹಾ ಕಾಣಿಸಿಕೊಂಡಿದ್ದಾರೆ.