ಪ್ರೀತಿಯಲ್ಲಿದ್ದಾರಾ ಅದಿತಿ-ಸಿದ್ದಾರ್ಥ್ ?

•   Wed, Mar 01 2023 04:58:45 PM



• ಮುಂಬೈ, ಮಾ 01 (DaijiworldNews/MS): ತಮಿಳು, ತೆಲುಗು ಚಿತ್ರರಂಗದ 'ಚಾಕೋಲೇಟ್ ಬಾಯ್' ಸಿದ್ದಾರ್ಥ್ ಸದ್ಯ ನಟಿ ಅದಿತಿ ರಾವ್ ಹೈದರಿ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎನ್ನಲಾಗಿದೆ. ಇದಕ್ಕೆ ಪುಷ್ಟಿ ನೀಡುವಂತೆ ಹಾಡೊಂದಕ್ಕೆ ಇಬ್ಬರು ಒಟ್ಟಿಗೆ ಹೆಜ್ಜೆ ಹಾಕಿದ್ದಾರೆ.

  ಸಿದ್ಧಾರ್ಥ್‌ ಹಾಗೂ ನಟಿ ಅದಿತಿ ರಾಮ್‌ ಹೈದರಿ ಸೋಶಿಯಲ್‌ ಮಿಡಿಯಾದಲ್ಲಿ ಸೆನ್ಸೇಷನ್‌ ಸೃಷ್ಟಿಸಿರುವ ಟಮ್‌ ಟಮ್‌ ಹಾಡಿಗೆ ಒಟ್ಟಿಗೆ ಹೆಜ್ಜೆ ಹಾಕಿದ್ದಾರೆ. ಅಲ್ಲದೇ ಈ ವಿಡಿಯೊವನ್ನು ಇಬ್ಬರೂ ಜಂಟಿಯಾಗಿ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಹಾಡಿನ ವಿಡಿಯೊದಲ್ಲಿ ಸಿದ್ಧಾರ್ಥ್‌ ಕಪ್ಪು ಬಣ್ಣ ಶರ್ಟ್‌ ಹಾಗೂ ಜೀನ್ಸ್‌ ಧರಿಸಿದ್ದು, ಅದಿತಿ ಹೂವಿನ ಚಿತ್ತಾರವಿರುವ, ಪಾದದವರೆಗೆ ಇರುವ ಕಪ್ಪು ಬಣ್ಣದ ಮ್ಯಾಕ್ಸಿ ಡ್ರೆಸ್‌ ಧರಿಸಿದ್ದಾರೆ.

  ಸೋಶಿಯಲ್​ ಮೀಡಿಯಾದಲ್ಲಿ ಇವರ ರೀಲ್ಸ್ ವೈರಲ್​ ಆಗಿದೆ. ದಿಯಾ ಮಿರ್ಜಾ, ಫರ್ಹಾ ಖಾನ್​ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಕಮೆಂಟ್​ ಮಾಡುವ ಮೂಲಕ ಮೆಚ್ಚುಗೆ ಸೂಚಿಸಿದ್ದಾರೆ.