ನಟಿ ಮೃಣಾಲ್‌ಗೆ ಮದುವೆ ಪ್ರೊಪೋಸಲ್ ಮಾಡಿದ ಅಭಿಮಾನಿ!

•   Tue, Feb 28 2023 04:39:05 PM



• ಮುಂಬಯಿ, ಫೆ 28 (DaijiworldNews/DB): ಬಾಲಿವುಡ್‌ನ ಅತ್ಯಂತ ಬ್ಯುಸಿ ನಟಿಯರ ಪೈಕಿ ಮೃಣಾಲ್ ಠಾಕೂರ್ ಒಬ್ಬರು. ಕಳೆದೈದು ವರ್ಷಗಳ ಹಿಂದಷ್ಟೇ ಸಿನಿಮಾ ರಂಗಕ್ಕೆ ಕಾಲಿಟ್ಟ ಮೃಣಾಲ್‌ಗೆ ಅಭಿಮಾನಿಗಳ ದೊಡ್ಡ ಬಳಗವೇ ಇದೆ.

  ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಕ್ರಿಯಾಶೀಲವಾಗಿರುವ ಮೃಣಾಲ್ ಇತ್ತೀಚೆಗಷ್ಟೇ ತಮ್ಮ ಬಳುಕುವ ಬಳ್ಳಿಯಂತಹ ಸ್ಲೋ ಮೋಷನ್ ವೀಡಿಯೋವೊಂದನ್ನು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದರು. ಈ ವೀಡಿಯೋಗೆ ಅಭಿಮಾನಿಗಳು ನಾನಾ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಒಬ್ಬ ಅಭಿಮಾನಿಯಂತೂ ಒಂದೆಜ್ಜೆ ಮುಂದೆ ಹೋಗಿ ಮದುವೆ ಪ್ರೊಪೋಸಲ್‌ನ್ನೇ ಮಾಡಿ ಬಿಟ್ಟಿದ್ದಾನೆ. ನನ್ನ ಕಡೆಯಿಂದ ಸಂಬಂಧ ಒಪ್ಪಿಗೆ ಎಂದು ಅಭಿಮಾನಿ ಕಮೆಂಟ್ ಮಾಡಿದ್ದಾನೆ. ಅಷ್ಟೇ ಸಲೀಸಾಗಿ ನಟಿಯೂ ಅಭಿಮಾನಿಗೆ ರಿಪ್ಲೈ ಮಾಡಿದ್ದಾರೆ. ನನ್ನ ಕಡೆಯಿಂದ ಒಪ್ಪಿಗೆ ಇಲ್ಲ ಎಂಬುದಾಗಿ ನಟಿ ಅಭಿಮಾನಿಗೆ ರಿಪ್ಲೈ ಮಾಡಿದ್ದಾರೆ. ಸದ್ಯ ಮೃಣಾಲ್ ಮಾಡಿದ ಈ ರಿಪ್ಲೈ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

  ಧಾರವಾಹಿಗಳಲ್ಲಿ ಸಕ್ರಿಯರಾಗಿದ್ದ ಮೃಣಾಲ್ ಸಿನಿ ರಂಗಕ್ಕೆ ಆಗಮಿಸಿದ್ದು 2018ರಲ್ಲಿ. ಸೀತಾತಾಮಂ ಅವರಿಗೆ ಹೆಚ್ಚು ಖ್ಯಾತಿ ತಂದುಕೊಟ್ಟ ಚಿತ್ರ. ಮುಂದೆ ಇಶಾನ್ ಖಟ್ಕರ್ ಅವರ ಪಿಪ್ಪಾ, ಆದಿತ್ಯ ರಾಯ್ ಕಪೂರ್ ಅವರ ಗುಮ್ರಾಹ್ ಚಿತ್ರದಲ್ಲಿ ಮೃಣಾಲ್ ಕಾಣಿಸಿಕೊಳ್ಳಲಿದ್ದಾರೆ.