ಮನೆಯಲ್ಲಿ ಸುರಕ್ಷಿತ ಭಾವನೆಯಿಂದಿರುವುದು ಹೇಗೆ?- ಆಲಿಯಾ ಆಕ್ರೋಶ

•   Wed, Feb 22 2023 01:45:29 PM



• ಮುಂಬೈ, ಫೆ 21 (DaijiworldNews/MS): ನಟಿ ಆಲಿಯಾ ಭಟ್ ಮಂಗಳವಾರ ತನ್ನ ಮನೆಯೊಳಗೆ ಕುಳಿತಿರುವ ಫೋಟೋವನ್ನು ಪಕ್ಕದ ಕಟ್ಟಡದಲ್ಲಿ ನಿಂತು ಸೆರೆಹಿಡಿದಿರುವ ಪಾಪರಾಜಿಗಳ ಹಾಗೂ ಅದನ್ನು ಪ್ರಕಟಿಸಿದ ಮಾಧ್ಯಮದ ವಿರುದ್ದ ಬಾಲಿವುಡ್‌ ನಟಿ ಅಲಿಯಾ ಭಟ್‌ ಸಿಡಿದೆದ್ದಿದ್ದಾರೆ. ಇನ್‌ಸ್ಟಾಗ್ರಾಮ್ ಸ್ಟೋರೀಸ್‌ನಲ್ಲಿ ಮುಂಬೈ ಪೊಲೀಸರನ್ನು ಟ್ಯಾಗ್ ಮಾಡುವ ಮೂಲಕ ಈ ಕುರಿತು ಬರೆದುಕೊಂಡಿದ್ದಾರೆ.

  ಇದು ಖಂಡಿತ ಅಸಹ್ಯದ ಕೆಲಸ. ಎಲ್ಲ ಮಿತಿಗಳು ದಾಟುವ ಕೆಲಸವಾಗಿದೆ. ಸಾಮಾನ್ಯ ಮಹಿಳೆ ಅಥವಾ ಸೆಲೆಬ್ರೆಟಿ ಎಂಬುದನ್ನು ಒಂದು ಕ್ಷಣ ಪಕ್ಕಕ್ಕಿಟ್ಟು ಮಹಿಳೆಯೊಬ್ಬಳು ಅವಳದ್ದೇ ಮನೆಯಲ್ಲಿ ಸುರಕ್ಷಿತ ಭಾವನೆಯಿಂದ ಇರಲು ಸಾಧ್ಯವಿಲ್ಲ ಎಂದರೆ ಏನರ್ಥ ಎಂದು ಯೋಚಿಸಿ. ನಾನು ನನ್ನ ಮನೆಯ ಲಿವಿಂಗ್ ರೂಂ ನಲ್ಲಿ ಕುಳಿತಿದ್ದೆ. ಯಾರೋ ನನ್ನನ್ನು ಗಮನಿಸುತ್ತಿದ್ದಾರೆ ಎನಿಸಿತು. ನಾನು ತಲೆಯೆತ್ತಿ ನೋಡಿದೆ ಮತ್ತು ಪಕ್ಕದ ಕಟ್ಟಡದ ಟೆರೇಸ್‌ನಲ್ಲಿ ಇಬ್ಬರು ಪುರುಷರು ನನ್ನ ಬಳಿ ಕ್ಯಾಮೆರಾವನ್ನು ಹಿಡಿದಿರುವುದನ್ನು ನೋಡಿದೆ. ಇದು ಯಾವ ರೀತಿಯಲ್ಲಿ ಸರಿಯಾದ ಹೆಜ್ಜೆಯೇ? ಖಾಸಗಿ ತನಕ್ಕೆ ತಂದ ಧಕ್ಕೆಯಲ್ಲವೇ? ಎಂದಿದ್ದಾರೆ. ಇದಲ್ಲದೆ ಮುಂಬೈ ಪೊಲೀಸರನ್ನು ಟ್ಯಾಗ್‌ ಮಾಡಿದ್ದಾರೆ.

  ಆಲಿಯಾ ಅವರ ಪೋಸ್ಟ್ ನ್ನು ಹಲವು ನಟ ನಟಿಯರು ಪೋಸ್ಟ್ ಅನ್ನು ಮರು-ಹಂಚಿಕೊಂಡಿದ್ದಾನೆ, ಇದು ವ್ಯಕ್ತಿ ಗೌಪ್ಯತೆಯ ಮೇಲೆ ನಡೆದ ಸಂಪೂರ್ಣ ಆಕ್ರಮಣವಾಗಿದೆ. ಎಲ್ಲಾ ಮಿತಿಗಳನ್ನು ಮೀರಲಾಗಿದೆ ತಮಗೂ ಇದೇ ರೀತಿ ಅನುಭವವಾಗಿರುವುದರ ಕುರಿತು ಅನುಷ್ಕಾ ಶರ್ಮಾ, ಕರಣ್‌ ಜೋಹರ್‌, ಜಾನ್ವಿ ಕಪೂರ್‌ ಪ್ರತಿಕ್ರಿಯಿಸಿದ್ದಾರೆ