‘ಲೆಟ್ಸ್ ಗೆಟ್ ಮ್ಯಾರೀಡ್​’ ಎಂದ ಧೋನಿ

•   Fri, Jan 27 2023 04:31:49 PM



• ಚೆನ್ನೈ, ಜ 27 (DaijiworldNews/DB): ಕ್ರಿಕೆಟಿಗ ಎಂ.ಎಸ್. ಧೋನಿ ಅವರ ನಿರ್ಮಾಣದ ಚಿತ್ರದ ಟೈಟಲ್ ಕೊನೆಗೂ ಹೊರ ಬಿದ್ದಿದೆ. ಆ ಮೂಲಕ ಮೈದಾನದಲ್ಲಷ್ಟೇ ಅಲ್ಲದೆ, ಮನರಂಜನಾ ಕ್ಷೇತ್ರದಲ್ಲಿಯೂ ಧೋನಿ ಕೈಯಾಡಿಸುವುದು ದೃಢಪಟ್ಟಿದೆ.

  ಹೌದು. ಎಂ.ಎಸ್. ಧೋನಿ ಅವರು ನಿರ್ಮಾಣ ಮಾಡಲಿರುವ ಚಿತ್ರದ ಹೆಸರು ‘ಲೆಟ್ಸ್ ಗೆಟ್ ಮ್ಯಾರೀಡ್​’ (ಎಲ್‌ಜಿಎಂ). ಧೋನಿ ಎಂಟರ್​ಟೇನ್​ಮೆಂಟ್ ಕಡೆಯಿಂದ ಚಿತ್ರದ ಟೈಟಲ್ ಘೋಷಣೆಯಾಗಿದೆ. ಅರಣ್ಯದ ನಡುವಿನ ರಸ್ತೆಯಲ್ಲಿ ವ್ಯಾನ್‌ ಸಾಗುವ ರೀತಿಯಲ್ಲಿ ಚಿತರ್‍ದ ಗ್ರಾಫಿಕ್ಸ್ ಮಾಡಲಾಗಿದ್ದು, ಚಿತ್ರದ ಕಥೆಯೇ ಈ ಗ್ರಾಫಿಕ್ಸ್ ಆಧಾರಿತವಾಗಿ ಸಾಗಲಿದೆ ಎನ್ನಲಾಗುತ್ತಿದೆ.

  ಇನ್ನು ಐಪಿಎಲ್ ಬಳಿಕ ತಮಿಳುನಾಡಿನಲ್ಲಿ ಧೋನಿಗೆ ದೊಡ್ಡ ಅಭಿಮಾನಿ ಬಳಗವೇ ಇರುವುದರಿಂದ ತಮಿಳಿನಲ್ಲಿಯೇ ತಮ್ಮ ಮೊದಲ ಚಿತ್ರವನ್ನು ನಿರ್ಮಾಣ ಮಾಡುತ್ತಿರುವುದು ವಿಶೇಷ. ರಮೇಶ್ ತಮಿಳ್‌ಮಣಿ ಅವರ ನಿರ್ದೇಶನ ಚಿತ್ರಕ್ಕಿದೆ. ಪತ್ನಿ ಹೇಳಿದ ಕಥೆಯನ್ನೇ ಆಧರಿಸಿ ಧೋನಿ ಚಿತ್ರ ನಿರ್ಮಾಣಕ್ಕೆ ಇಳಿದಿದ್ದಾರೆ ಎನ್ನಲಾಗುತ್ತಿದೆ.

  ಕ್ರಿಕೆಟ್‌ನಿಂದ ನಿವೃತ್ತಿ ಪಡೆದುಕೊಂಡ ಬಳಿಕ ಇದೀಗ ಧೋನಿ ಚಿತ್ರ ನಿರ್ಮಾಣಕ್ಕಿಳಿದಿದ್ದು, ಇದರೊಂದಿಗೆ ವೆಬ್ ಸೀರೀಸ್‌ಗಳನ್ನೂ ಮಾಡುವತ್ತ ಗಮನ ಹರಿಸುತ್ತಿದ್ದಾರೆ. ಫ್ಯಾಮಿಲಿ ಎಂಟರ್‍ ಟೈನ್‌ಮೆಂಟ್ ಸಿನಿಮಾ ಇದಾಗಿದೆ.