ರಾಕಿಂಗ್ ಸ್ಟಾರ್ ರಾಕಿ ಭಾಯಿಗೆ 'ಕೆಜಿಎಫ್ ಚಾಪ್ಟರ್-2'ರಲ್ಲಿ ಏನಾಗುತ್ತದೆ?

•   Sat, Mar 09 2019 06:03:08 PM



• ಬೆಂಗಳೂರು,ಮಾ.09(AZM):ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ಅಭಿನಯಿಸಿದ್ದ ಕೆಜಿಎಫ್ ಸಿನಿಮಾ ಜನ ಮನಸ್ಸು ಗೆದ್ದುಕೊಂಡಿದ್ದು, ಇದೀಗ ಕೆಜಿ ಎಫ್ ಚಾಪ್ಟರ್-2ರಲ್ಲಿ ರಾಕಿ ಭಾಯಿಗೆ ಏನಾಗುತ್ತದೆ?. ಮೊದಲ ಭಾಗ ಕುತೂಹಲದಿಂದ ನೋಡಿದ್ದ ಪ್ರೇಕ್ಷಕರಲ್ಲಿ 2ನೇ ಭಾಗದಲ್ಲಿ ಏನಾಗಬಹುದು ಎನ್ನುವ ಅನುಮಾನಗಳು ಹುಟ್ಟಿಕೊಂಡಿದೆ.

  

  ಮೊದಲ ಭಾಗದಲ್ಲಿ ಇಡೀ ಕೆಜಿ ಎಫ್ ಅನ್ನು ತನ್ನ ವಶಕ್ಕೆ ತೆಗೆದುಕೊಂಡ ರಾಕಿ ದೇಶದ ಅತೀ ದೊಡ್ಡ ಡಾನ್ ಆಗುತ್ತಾನೆ ಎನ್ನುವ ಸುಳಿವು ನೀಡಲಾಗಿದೆ. ಇದೀಗ 2ನೇ ಭಾಗದಲ್ಲಿ ರಾಕಿಯ ಅಟ್ಟಹಾಸ ಜಾಸ್ತಿಯಾಗಿದ್ದು, ಕಥೆಯ ಕ್ಲೈಮ್ಯಾಕ್ಸ್ ನಲ್ಲಿ ರಾಕಿ ಸಾಯಲುಬಹುದು ಅನ್ನುವ ಅನುಮಾನಗಳು ಇವೆ.

  ಮೊದಲ ಭಾಗದಲ್ಲಿ ಹೀರೋ ಹೀರೋಯಿನ್ ಕಥೆ ಅರ್ಧದಲ್ಲಿ ನಿಂತಿದ್ದು, 2ನೇ ಭಾಗದಲ್ಲಿ ಇವರ ಕಥೆ ಮುಂದುವರಿಯುತ್ತಿದ್ದು, ರಾಕಿ ಮತ್ತು ರೀನಾರ ಮದುವೆ ಆಗುತ್ತಾ ಎಂಬ ಕುತೂಹಲ ಸಿನಿಮಾದಲ್ಲಿ ಕಾಡುತ್ತದೆ.

  
  ಸಿನಿಮಾದಲ್ಲಿ ರಾಕಿಯ ಅಮ್ಮನ ಆಸೆವೊಂದಿದ್ದು, ''ನೀನು ಹೇಗೆ ಬದುಕ್ತಿಯೋ ನನಗೆ ಗೊತ್ತಿಲ್ಲ. ಆದ್ರೆ, ಸಾಯುವಾಗ ಅತ್ಯಂತ ಪ್ರಬಲನಾಗಿ, ಶ್ರೀಮಂತನಾಗಿ ಸಾಯಿಬೇಕು'' ಎನ್ನುವುದು. ಈ ಆಸೆ ರಾಕಿ ಭಾಯ್ ಈಡೇರಿಸುವನಾ? ಎನ್ನುವುದು ಕಾದುನೋಡಬೇಕು.

  ಕೇವಲ ಸುಫಾರಿಗಾಗಿ ಕೊಲೆ ಮಾಡಲು ಬಂದಿದ್ದ ರಾಕಿ, ಕೆಜಿಎಫ್ ವಶಪಡಿಸಿಕೊಂಡು ಅಧಿಕಾರ ಮುಂದುವರಿಸ್ತಾನಾ ಹಾಗೂ ರಾಕಿ ಭಾಯ್ ಅನ್ನು ಕೆಲವು ಡಾನ್ ಗಳು ಏನು ಮಾಡಬಹುದು ಎಂದು ಸಿನಿಮಾದುದ್ದಕ್ಕೂ ಕಾದು ನೋಡಬೇಕಾಗಿದೆ.