ಆರ್ಯನ್ ಖಾನ್ ಜೊತೆ ನೋರಾ ಫತೇಹಿ ಡೇಟಿಂಗ್?

•   Wed, Jan 04 2023 04:39:26 PM



• ಮುಂಬೈ, ಜ 04 (DaijiworldNews/DB): ನಟ ಶಾರೂಖ್ ಖಾನ್ ಪುತ್ರ ಆರ್ಯನ್ ಖಾನ್ ಮತ್ತು ಡ್ಯಾನ್ಸರ್ ಕಮ್ ನಟಿ ನೋರಾ ಫತೇಹಿ ಪ್ರೀತಿಯಲ್ಲಿದ್ದಾರೆಯೇ? ಹೀಗೊಂದು ಗುಸುಗುಸು ಹರಿದಾಡುತ್ತಿದೆ. ಇವರಿಬ್ಬರೂ ಡೇಟಿಂಗ್ ಮಾಡುತ್ತಿದ್ದಾರೆಂಬುದು ಅಂತೆಕಂತೆಗಳೂ ಕೇಳಿ ಬರುತ್ತಿವೆ.

  ಅಷ್ಟಕ್ಕೂ ಆರ್ಯನ್ ಖಾನ್‌ ಅವರಿಗಿಂತ ಐದು ವರ್ಷ ದೊಡ್ಡವರಾಗಿರುವ ನೋರಾ ಫತೇಹಿ ಅವರಿಗೆ ಈಗ 30 ವರ್ಷ ವಯಸ್ಸು. 25ರ ಹರೆಯದ ಆರ್ಯನ್​ ಖಾನ್​ ಜೊತೆ ನೋರಾ ಫತೇಹಿ ಅವರಿಗೆ ಲವ್ವಾಗಿದೆಯೇ ಎಂಬ ಗುಸು ಗುಸು ಬಾಲಿವುಡ್ ಅಂಗಳದಲ್ಲಿ ಕೇಳಿ ಬರುತ್ತಿದೆ.

  ಅಷ್ಟಕ್ಕೂ ಆರ್ಯನ್ ಖಾನ್ ಮತ್ತು ಫತೇಹಿ ನಡುವೆ ಪ್ರೀತಿ ಚಿಗುರಿದೆ ಎಂಬ ಅನುಮಾನಕ್ಕೆ ಕಾರಣವಾಗಿದ್ದು ಹೊಸ ವರ್ಷ ಪಾರ್ಟಿಯ ಫೋಟೋಗಳೂ. ಆರ್ಯನ್ ಖಾನ್ ದುಬೈನಲ್ಲಿ ಸ್ನೇಹಿತರೊಂದಿಗೆ ಸೇರಿ ಹೊಸ ವರ್ಷದ ಅದ್ದೂರಿ ಪಾರ್ಟಿ ಮಾಡಿದ್ದಾರೆ. ಈ ಫೋಟೋಗಳನ್ನು ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಫತೇಹಿ ಅವರೂ ದುಬೈನಲ್ಲಿ ಹೊಸ ವರ್ಷವನ್ನು ಸ್ವಾಗತಿಸಿರುವ ಫೋಟೋ ಹಂಚಿಕೊಂಡಿದ್ದು, ಆರ್ಯನ್ ಪೋಸ್ಟ್ ಮಾಡಿದ ಫೋಟೋ ಬ್ಯಾಗ್ರೌಂಡ್‌ ಫತೇಹಿ ಫೋಟೋದಲ್ಲಿಯೂ ಇದೆ. ಇದೇ ಕಾರಣದಿಂದ ಇವರಿಬ್ಬರ ಡೇಟಿಂಗ್ ಬಗ್ಗೆ ಅನುಮಾನ ಮೂಡಿದೆ.