ನಶಿಸುತ್ತಿರುವ ತುಳುನಾಡಿನ ಸಂಸ್ಕೃತಿಯ ಬಗ್ಗೆ ಇಲ್ಲ್ ಒಕ್ಕೆಲ್ ಸಿನಿಮಾದಲ್ಲಿದೆ ಚೆಂದದ ಹಾಡು

•   Fri, Mar 08 2019 06:22:40 PM



• ಮಂಗಳೂರು,ಮಾ 08 (MSP): ತುಳುನಾಡು ಎನ್ನುವುದು ಸಂಸ್ಕೃತಿ, ಆಚಾರ ಮತ್ತು ಕಲೆಗಳ ಬಿಡು. ಆದರೆ ಈಗ ಅನೇಕ ಸಂಪ್ರದಾಯಗಳು ಮತ್ತು ವಸ್ತುಗಳು ನಶಿಸಿಹೋಗುತ್ತಿದೆ. ಇದೇ ವಿಚಾರವನ್ನು ಗಮನದಲ್ಲಿಟ್ಟುಕೊಂಡು ಇಲ್ಲೊಕ್ಕೆಲ್ ತುಳುಚಿತ್ರತಂಡ ನಶಿಸಿ ಹೋಗುತ್ತಿರುವ ತುಳುವರ ಸಂಪ್ರದಾಯ, ವಸ್ತುಗಳ ಬಗ್ಗೆ ಮನಮುಟ್ಟುವಂತೆ ಅದ್ಬುತ ಸಾಹಿತ್ಯ ಮತ್ತು ಸಂಗೀತದೊಂದಿಗೆ ಹಾಡೊಂದು ರಚಿಸಿದೆ.

  

  ಕೇಳುಗರನ್ನು ತನ್ನತ್ತ ಸೆಳೆಯುತ್ತಿರುವ ಇಲ್ಲ್ ಒಕ್ಕೆಲ್ ತುಳು ಸಿನಿಮಾದ "ಮುರ್ಕುದು ಪೋಪುಂಡುಯೇ ಮತಾ ಹಾಡು. ಡಾ. ಸುರೇಶ್ ಚಿತ್ರಾಪು ಇವರ ಮನಮುಟ್ಟುವಂತಹ ಸಾಹಿತ್ಯ, ಮನಸ್ಸಿಗೆ ಮುದ ನೀಡುವ ರಾಜ್ ಷಾ ಅವರ ಅದ್ಬುತ ಸಂಗೀತ ಮತ್ತು ಮೈಮ್ ರಾಮ್ ದಾಸ್, ಡಾ. ಸುರೇಶ್ ಚಿತ್ರಾಪು, ರಾಜ್ ಷಾ ಹಾಗೂ ವೇಲು ಅವರ ಸಿರಿಕಂಠದಲ್ಲಿ ಮೂಡಿಬಂದ ಈ ಹಾಡು ಕೇಳುಗರನ್ನು ತನ್ನತ್ತ ಸೆಳೆಯುತ್ತಿದೆ.

  ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ಬಿಡುಗಡೆಯಾಗಿ ಎಲ್ಲಡೆಯಿಂದಲ್ಲೂ ಉತ್ತಮ ಪ್ರತಿಕ್ರಿಯೆ ಕೇಳಿಬರುತ್ತಿದೆ. ತುಳುನಾಡಿನ ಪ್ರತಿಯೊಬ್ಬರು ಕೇಳಲೇಬೇಕು ಈ ಹಾಡನ್ನು ಅಷ್ಟು ಸುಂದರವಾಗಿ ತುಳುನಾಡಿನ ಪುರಾತನ ವಸ್ತು, ಸಂಪ್ರದಾಯಗಳ ಬಗ್ಗೆ ಈ ತಲೆಮಾರಿನ ಜನತೆಗೆ ತಿಳಿಸುತ್ತದೆ.

   ಕೋಸ್ಟಲ್ ವುಡ್ ನ ಬಹುನಿರೀಕ್ಷಿತ ಇಲ್ಲ್ ಒಕ್ಕೆಲ್ ಸಿನಿಮಾದ ಜಾನಪದ ಶೈಲಿಯಲ್ಲಿ ಮೂಡಿಬಂದ ಮುರ್ಕುದು ಪೋಪುಂಡುಯೇ ಹಾಡಿಗೆ ಡಾ. ಸುರೇಶ್ ಚಿತ್ರಾಪು ಅವರ ಸಾಹಿತ್ಯ, ರಾಜ್ ಷಾ ಅವರು ಸಂಗೀತ ನೀಡಿದ್ದು, ಮೈಮ್ ರಾಮದಾಸ್, ಡಾ. ಸುರೇಶ್ ಚಿತ್ರಾಪು, ವೇಲು ಮತ್ತು ರಾಜ್ ಷಾ ಅವರ ಕಂಠದಲ್ಲಿ ಈ ಹಾಡು ಮೂಡಿಬಂದಿದೆ. ಈ ಹಾಡಿಗೆ ಶಾನಾಯಿಯಲ್ಲಿ ಬಾಲೇಶ್, ಟೇಪ್ ಮತ್ತು ಪೆರ್ಕಶನ್ನಲ್ಲಿ ಡಿ ವಿಕ್ಕಿ ಮತ್ತು ನವೀನ್ ರಾವ್, ಮ್ಯಾಂಡೊಲಿನ್ ನಲ್ಲಿ ಸೀನು, ಕೀಬೋರ್ಡ್ನಲ್ಲಿ ರಾಜ್ ಷಾ.

  ಈ ಸಿನಿಮಾದಲ್ಲಿ ಕೋಸ್ಟಲ್ ವುಡ್ನ ಅಗ್ರಮಾನ್ಯ ಕಲಾವಿದರಾದ ಕುಸಲ್ದರಸೆ ನವೀನ್.ಡಿ.ಪಡೀಲ್, ತುಳುನಾಡ ಮಾಣಿಕ್ಯ ಅರವಿಂದ್ ಬೋಳಾರ್, ನವರಸ ರಾಜೆ ಭೋಜರಾಜ್ ವಾಮಂಜೂರ್, ಸ್ಯಾಂಡಲ್ ವುಡ್ ನ ಅದ್ವಿತಿ ಶೆಟ್ಟಿ ಪ್ರಪ್ರಥಮವಾಗಿ ತಮ್ಮ ಮಾತೃಭಾಷೆಯಾದ ತುಳುವಿನಲ್ಲಿ ಅಭಿನಯಿಸುತ್ತಿದ್ದಾರೆ, ಅಪ್ಪೆ ಟೀಚರ್ ಖ್ಯಾತಿಯ ನಿರೀಕ್ಷ ಶೆಟ್ಟಿ, ಭವ್ಯ ಗೌಡ, ವಿಸ್ಮಯ ವಿನಾಯಕ್, ವಿಜೆ ವಿನೀತ್, ಪಿಲಿಬೈಲು ಯಮುನಕ್ಕ ಖ್ಯಾತಿಯ ಚಂದ್ರಕಲಾ ಮೋಹನ್, ಸೀತರಾಮ್ ಕಟೀಲು ಮತ್ತು ಇನ್ನು ಅನೇಕ ಖ್ಯಾತ ಕಲಾವಿದರು ನಟಿಸಿದ್ದಾರೆ. ವಿಶಿಷ್ಟ ಪಾತ್ರದಲ್ಲಿ ಸ್ಯಾಂಡಲ್ ವುಡ್ನ ಹಾಸ್ಯ ಕಲಾವಿದರಾದ ಕುರಿಬಾಂಡ್ ರಂಗ ಅಭಿನಯಿಸಿದ್ದು ಇವರು ಪ್ರಥಮ ಬಾರಿಗೆ ಕೋಸ್ಟಲ್ ವುಡ್ ಗೆ ಕಾಲಿಡುತ್ತಿದ್ದಾರೆ. ಈ ಸಿನೆಮಾವು ಶ್ರೀ ಗಜನಿ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ತಯಾರಾಗುತ್ತಿದೆ, ಇಲ್ಲ್ ಒಕ್ಕೆಲ್ ಗೆ ಡಾ.ಸುರೇಶ್ ಯಸ್ ಕೋಟ್ಯಾನ್ ಚಿತ್ರಾಪು ಅವರ ನಿರ್ದೇಶನವಿದ್ದು, ವಾಸುದೇವ ಯಸ್ ಚಿತ್ರಾಪು ಮತ್ತು ಡಿ. ಯಂ ಶೆಟ್ಟಿ ಇವರು  ನಿರ್ಮಾಪಕರಾಗಿದ್ದಾರೆ. ಚಿತ್ರ ಶೀಘ್ರದಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ.