ಒಂದು ಕಥೆ ಹೇಳ್ಲಾ-ಐತಲಾಜಿ ಹಾರರ್ ಸಿನಿಮಾ ಮಾ.08ರಂದು ಬಿಡುಗಡೆ

•   Fri, Mar 08 2019 12:30:46 AM



• ಬೆಂಗಳೂರು,ಮಾ.08(AZM):ಒಂದು ಕಥೆ ಹೇಳ್ಲಾ ಎನ್ನುವ ಹಾರರ್ ಐತಲಾಜಿ ಚಿತ್ರ ಮಾ.08ರಂದು ರಾಜ್ಯಾದ್ಯಂತ ಬಿಡುಗಡೆಗೊಳ್ಳಲಿದೆ.

  

  ಈ ಸಿನಿಮಾ ತನ್ನ ವಿಭಿನ್ನತೆಯಿಂದ ಗಮನ ಸೆಳೆಯುತ್ತಿದ್ದು, ಈಗಾಗಲೇ ಸಿನಿಮಾದ ಟ್ರೇಲರ್ ಹಿಟ್ ಆಗಿದೆ. ಹಾಗೂ ಸಿನಿಮಾ ಕೂಡ ಯಶಸ್ವಿಯಾಗುತ್ತದೆ ಎನ್ನುವ ಆತ್ಮವಿಶ್ವಾಸದಲ್ಲಿ ಚಿತ್ರತಂಡ ಇದೆ.

  'ಒಂದು ಕಥೆ ಕೇಳ್ಲಾ' ಸೌತ್ ಇಂಡಿಯಾದ ಮೊದಲ ಹಾರರ್ ಐತಾಲಾಜಿ ಚಿತ್ರವಾಗಿದೆ. ಸಿನಿಮಾದಲ್ಲಿ ಒಂದು ಮುಖ್ಯ ಅಧ್ಯಾಯ ಇದ್ದು, ಐದು ಉಪಕಥೆಗಳು ಬರುತ್ತದೆ.

  ಸಿನಿಮಾದ ಉಪಕಥೆಗಳಲ್ಲಿ ರಿಯಲ್ ಆಗಿ ನಡೆದ ಘಟನೆಗಳನ್ನು ಸೇರಿಸಲಾಗಿದೆ. ಸಿನಿಮಾದಲ್ಲಿ ಬರುವ ನರಸಿಂಹಸ್ವಾಮಿ ಎಪಿಸೋಡ್ ಹೈಲೆಟ್ ಆಗಿದೆಯಂತೆ. ಈ ಪಾತ್ರದಲ್ಲಿ ನಿರ್ದೇಶಕ ಗಿರೀಶ್ ಅವರೇ ಕಾಣಿಸಿಕೊಂಡಿದ್ದಾರೆ. 'ಜೋಡಿ ಹಕ್ಕಿ' ಧಾರಾವಾಹಿ ಖ್ಯಾತಿಯ ತಾಂಡವ್ ರಾಮ್ ಸೇರಿದಂತೆ ಐದು ಪಾತ್ರಗಳು ಮುಖ್ಯವಾಗಿರುತ್ತದೆ.