ರಾಯನ್‌ ರಾಜ್‌ 2ನೇ ಬರ್ತ್‌ಡೇಗೆ ಕಾರು ಗಿಫ್ಟ್ ನೀಡಿದ ಮೇಘನಾ ರಾಜ್

•   Thu, Dec 29 2022 06:05:17 PM



• ಬೆಂಗಳೂರು, ಡಿ 29 (DaijiworldNews/DB): ಸ್ಯಾಂಡಲ್‌ವುಡ್ ಚೆಲುವೆ ಮೇಘನಾ ರಾಜ್ ತಮ್ಮ ಪುತ್ರ ರಾಯನ್ ರಾಜ್ ಸರ್ಜಾನ ಎರಡನೇ ವರ್ಷದ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿಕೊಂಡಿದ್ದಾರೆ. ವಿಶೇಷ ಎಂದ್ರೆ ಮುದ್ದಾದ ಮಗನಿಗೆ ಮೇಘನಾ ಕಾರು ಗಿಫ್ಟ್ ನೀಡಿದ್ದಾರೆ.

  ಅಬ್ಬಬ್ಬಾ ಎರಡನೇ ವರ್ಷಕ್ಕೆ ಕಾರ್‍ ಗಿಫ್ಟ್ ಎಂದು ಹುಬ್ಬೇರಿಸಬೇಡಿ. ಹೌದು ರಾಯನ್‌ಗೆ ಮೇಘನಾ ಕಾರು ಗಿಫ್ಟ್ ಮಾಡಿರುವುದಂತೂ ನಿಜ. ಆದರೆ ಇದು ಮಕ್ಕಳ ಕಾರು. ಈ ಕಾರಿನಲ್ಲಿ ಕುಳಿತುಕೊಂಡು ಡ್ರೈವ್ ಮಾಡುತ್ತಾ ಆನಂದಿಸಬಹುದು. ಮಕ್ಕಳಿಗೆ ಉತ್ತಮ ಟೈಂಪಾಸ್ ಆಗಲು ಬೆಸ್ಟ್ ಗಿಫ್ಟ್ ಇದು ಎಂದು ಫ್ಯಾನ್ಸ್ ಹೇಳಿದ್ದಾರೆ. ಕೆಂಪು ಮತ್ತು ಕಪ್ಪು ಬಣ್ಣವನ್ನು ಹೊಂದಿರುವ ಈ ಕಾರು ನೋಡಿ ರಾಯನ್ ತುಂಬಾ ಸಂತೋಷ ವ್ಯಕ್ತಪಡಿಸಿದ್ದಾನೆ.

  ಇನ್ನು ಮಗನ ಎರಡನೇ ವರ್ಷದ ಹುಟ್ಟುಹಬ್ಬ ಸೆಲೆಬ್ರೇಶನ್‌ ವೀಡಿಯೋವನ್ನು ಮೇಘನಾ ಹಂಚಿಕೊಂಡಿದ್ದು, ರಾಯನ್ ಬರ್ತಡೇ ನಮಗೆಲ್ಲಾ ದೊಡ್ಡ ಹಬ್ಬ ಎಂದು ಬರೆದುಕೊಂಡಿದ್ದಾರೆ. ಕುಟುಂಬಸ್ಥರು ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ಹುಟ್ಟುಹಬ್ಬ ಆಚರಣೆ ನಡೆಯಿತು.