ಬರ್ತ್‌ಡೇ ಪಾರ್ಟಿಯಲ್ಲಿ ಮಾಜಿ ಪ್ರೇಯಸಿಯ ಹಣೆಗೆ ಸಲ್ಮಾನ್ ಖಾನ್ ಸಿಹಿ ಮುತ್ತು

•   Tue, Dec 27 2022 04:57:12 PM



• ಮುಂಬೈ, ಡಿ 27 (DaijiworldNews/DB): ಬಾಲಿವುಡ್ ನಟ ಸಲ್ಮಾನ್ ಖಾನ್ ಡಿಸೆಂಬರ್ 26ರಂದು ಹುಟ್ಟುಹಬ್ಬ ಪಾರ್ಟಿಯನ್ನು ಅದ್ದೂರಿಯಾಗಿ ಮಾಡಿದ್ದರು. ಬಾಲಿವುಡ್‌ನ ಹಲವು ಸೆಲೆಬ್ರಿಟಿಗಳು ಪಾರ್ಟಿಯಲ್ಲಿ ಭಾಗವಹಿಸಿದ್ದರು.

  57ನೇ ವಸಂತಕ್ಕೆ ಕಾಲಿಟ್ಟಿರುವ ಸಲ್ಮಾನ್ ಖಾನ್‌ಗೆ ಅಭಿಮಾನಿಗಳು, ಸೆಲೆಬ್ರಿಟಿ ಸಹದ್ಯೋಗಿಗಳಿಂದ ವ್ಯಾಪಕ ಶುಭಾಶಯಗಳ ಸುರಿಮಳೆಯೇ ಹರಿದು ಬಂದಿತ್ತು. ಇನ್ನು ಹುಟ್ಟುಹಬ್ಬ ಪಾರ್ಟಿಯಲ್ಲಿ ವಿಶೇಷವಾದ ಪ್ರಸಂಗವೊಂದು ನಡೆದಿರುವ ಬಗ್ಗೆಯೂ ಫೋಟೋಗಳು ವೈರಲ್ ಆಗಿವೆ. ಅದೆಂದರೆ ಸಲ್ಮಾನ್ ತನ್ನ ಮಾಜಿ ಪ್ರೇಯಸಿಯ ಹಣೆಗೆ ಮುತ್ತಿಕ್ಕಿರುವುದು.

  80ರ ದಶಕದಲ್ಲಿ ಸಲ್ಮಾನ್ ಸಂಗೀತಾ ಬಿಜಲಾನಿ ಅವರೊಂದಿಗೆ ಪ್ರೀತಿಯಲ್ಲಿ ಬಿದ್ದಿದ್ದರು. ಸುಮಾರು ದಶಕಗಳ ಕಾಲ ಡೇಟಿಂಗ್ ಮಾಡಿದ ಅವರು ಮದುವೆಗೂ ಮುಂದಾಗಿದ್ದರು. ಆದರೆ ಅಷ್ಟರಲ್ಲಾಗಲೇ ಸಂಬಂಧ ಮುರಿದು ಬಿದ್ದಿತ್ತು.

  ಸಲ್ಮಾನ್ ತಮ್ಮ ಬರ್ತ್‌ಡೇ ಪಾರ್ಟಿಗೆ ಮಾಜಿ ಪ್ರೇಯಸಿ ಸಂಗೀತಾಗೂ ಆಹ್ವಾನ ನೀಡಿದ್ದರು. ಹೀಗಾಗಿ ಆಹ್ವಾನವನ್ನು ಮನ್ನಿಸಿ ಸಂಗೀತಾ ಪಾರ್ಟಿಗೆ ಆಗಮಿಸಿದ್ದಾರೆ. ಈ ವೇಳೆ ಸಲ್ಮಾನ್ ಸಂಗೀತಾ ಹಣೆಗೆ ಮುತ್ತಿಕ್ಕಿದ್ದು, ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗಿದೆ.

  ಸಲ್ಮಾನ್ ಸಂಗೀತಾ ಹಣೆಗೆ ಮುತ್ತಿಕ್ಜುತ್ತಿರುವ ಫೋಟೋಗೆ ಫ್ಯಾನ್ಸ್‌ ತರಹೇವಾರಿ ಕಮೆಂಟ್ ಮಾಡುತ್ತಿದ್ದಾರೆ. ಇಬ್ಬರೂ ಮದುವೆ ಆಗಬೇಕಿತ್ತು ಎಂದೂ ಫ್ಯಾನ್ಸ್ ಹೇಳಿದ್ದಾರೆ.