ಕೇಸರಿ ಬಿಕಿನಿಯಲ್ಲಿ ದೀಪಿಕಾ ಪಡುಕೋಣೆ-ಪಠಾಣ್ ಚಿತ್ರ ವಿರುದ್ದ ಬಾಯ್ಕಾಟ್‌ ಕೂಗು

•   Wed, Dec 14 2022 04:31:44 PM



• ಮುಂಬೈ, ಡಿ 14 (DaijiworldNews/DB): ಶಾರುಖ್ ಖಾನ್-ದೀಪಿಕಾ ಪಡುಕೊಣೆ ನಟನೆಯ ಪಠಾಣ್ ಸಿನಿಮಾ ವಿರುದ್ದ ಇದೀಗ ಬಾಯ್ಕಾಟ್ ಕೂಗು ಜೋರಾಗಿದೆ. ಸಿನಿಮಾದಲ್ಲಿರುವ ಬೇಷರಂ ರಂಗ್ ಹಾಡಿನ ಕೊನೆಯಲ್ಲಿ ದೀಪಿಕಾ ಪಡುಕೋಣೆ ಕೇಸರಿ ಬಣ್ಣದ ಬಿಕಿನಿ ತೊಟ್ಟಿರುವುದೇ ಇದಕ್ಕೆ ಕಾರಣ.

  ಬಹುನಿರೀಕ್ಷಿತ ಪಠಾಣ್ ಸಿನಿಮಾದ ಬೇಷರಂ ರಂಗ್ ಸಾಂಗ್ ಇತ್ತೀಚೆಗಷ್ಟೇ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾಗಿದ್ದು, ಹಿಟ್ ಆಗಿದೆ. ಆದರೆ ಈ ಹಾಡಿನುದ್ದಕ್ಕೂ ದೀಪಿಕಾ ಬಿಕಿನಿಯಲ್ಲಿ ಕಾಣಿಸಿಕೊಂಡಿದ್ದು, ಹಾಡಿನ ಕೊನೆಯಲ್ಲಿ ಕೇಸರಿ ಬಿಕಿನಿ ತೊಟ್ಟು ಸೊಂಟ ಬಳುಕಿಸಿದ್ದಾರೆ. ಕೇಸರಿ ಬಿಕಿನಿ ತೊಟ್ಟಿದ್ದಕ್ಕೆ ನೆಟ್ಟಿಗರು ಕೆಂಡಾಮಂಡಲವಾಗಿದ್ದು, ಈ ಹಾಡು ಬಹಳ ಅಶ್ಲೀಲತೆಯಿಂದ ಕೂಡಿದೆ ಎಂದು ಆಕ್ರೋಶ ಹೊರ ಹಾಕಿದ್ದಾರೆ.

  ಜನವರಿ 25 ರಂದು ಪಠಾಣ್‌ ಸಿನಿಮಾ ವಿಶ್ವಾದ್ಯಂತ ಬಿಡುಗಡೆಗೊಳ್ಳಲಿದೆ. ಸಿನಿಮಾ ಬಿಡುಗಡೆಗೆ ಕೆಲವೇ ದಿನಗಳು ಬಾಕಿ ಇರುವಾಗ ಟ್ವಿಟರ್‍ ಸೇರಿದಂತೆ ವಿವಿಧ ಸಾಮಾಜಿಕ ಮಾಧ್ಯಮಗಳಲ್ಲಿ ಬಾಯ್ಕಾಟ್ ಕೂಗು ಕೇಳಿ ಬರುತ್ತಿದೆ. ಚಿತ್ರಕ್ಕೆ ಸಿದ್ದಾರ್ಥ್‌ ಆನಂದ್‌ ಆಕ್ಷನ್‌ ಕಟ್‌ ಹೇಳಿದ್ದಾರೆ.