ತೆರೆಕಾಣಲು ರೆಡಿಯಾಗಿದೆ ಕಟಪಾಡಿ ಕಟ್ಟಪ್ಪ

•   Tue, Mar 05 2019 05:59:44 PM



• ಮಂಗಳೂರು, ಮಾ 05(MSP):ತುಳುರಂಗ ಭೂಮಿಯ ದಿಗ್ಗಜರ ಅಭಿನಯದ 'ಕಟಪಾಡಿ ಕಟ್ಟಪ್ಪ' ಪ್ರೇಕ್ಷಕರ ಮುಂದೆ ಬರಲು ಸಿದ್ದತೆ ಮಾಡಿಕೊಂಡಿದೆ. ಚಿತ್ರದ ಬಗ್ಗೆ ಮೊದಲಿನಿಂದಲೂ ಸಾಕಷ್ಟು ಪ್ರಚಾರ ಮಾಡಿಕೊಂಡು ಬಂದಿದ್ದ ಚಿತ್ರತಂಡ ಕಟಪಾಡಿ ಕಟ್ಟಪ್ಪದಲ್ಲಿ ಕಟ್ಟಪ್ಪನ ಪಾತ್ರ ಯಾರು ಮಾಡಿರೋದು ಎನ್ನುವ ಗುಟ್ಟು ಇನ್ನು ಬಿಟ್ಟುಕೊಟ್ಟಿಲ್ಲ.

  

  ಬ್ರಹ್ಮಾ ವರ್‌ ಮೂವೀಸ್‌ ಲಾಂಛನದಲ್ಲಿ ಮೂಡಿಬಂದಿರುವ 'ಕಟಪಾಡಿ ಕಟ್ಟಪ್ಪ' ತುಳು ಚಿತ್ರದ ನಿರ್ಮಾಪಕರು ರಾಜೇಶ್‌ ಬ್ರಹ್ಮಾವರ್. ಯುವ ನಿರ್ದೇಶಕ ಜೆ.ಪಿ. ತೂಮಿನಾಡ್‌ ಅವರ ನಿರ್ದೇಶನದ ಚೊಚ್ಚಲ ಚಿತ್ರವಾಗಿದ್ದು, ಛಾಯಾಗ್ರಾಹಕರಾಗಿ ರುದ್ರಮುನಿ ಅವರು ಕೈಚಳಕ ತೋರಿಸಿದ್ದಾರೆ. ಎಡಿಟಿಂಗ ನಲ್ಲಿ ಗಣೇಶ್‌ ನೀರ್ಚಾಲ್ ಇದ್ದರೆ‌, ಸಂಗೀತವನ್ನು ಪ್ರಕಾಶ್‌ ನೀಡಿದ್ದಾರೆ.

  ಚಿತ್ರದಲ್ಲಿ ನಾಯಕರಾಗಿ ಬಿರುವೆರ್ ಕುಡ್ಲದ ಉದಯ ಪೂಜಾರಿ ಬಳ್ಳಾಲ್‌ಬಾಗ್‌ ನಾಯಕ ನಟರಾಗಿ ಕಾಣಿಸಿಕೊಂಡಿದ್ದು, ಚರೀಶ್ಮಾ ಆಮೀನ್‌ ಪರಂಗಿಪೇಟೆ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಇವರಲ್ಲದೆ ಯಜ್ಞೇಶ್ವರ್‌ ಬರ್ಕೆ, ವಿಜಯ್‌ ಕುಮಾರ್‌ ಕೊಡಿಯಾಲ್‌ಬೈಲ್‌, ಪಮ್ಮಿ ಕೊಡಿಯಾಲ್‌ಬೈಲ್‌, ಅರವಿಂದ್‌ ಬೋಳಾರ್‌, ಭೋಜರಾಜ್‌ ವಾಮಂಜೂರ್‌, ದೀಪಕ್‌ ರೈ ಪಾಣಾಜೆ, 'ಕಾಮಿಡಿ ಕಿಲಾಡಿಗಳು' ಖ್ಯಾತಿಯ ಸೂರಜ್‌ ಪಾಂಡೇಶ್ವರ, ಧೀರಜ್‌ ನೀರುಮಾರ್ಗ, ಪ್ರಶಾಂತ್‌ ಅಂಚನ್‌ ಸಹಿತ ಇನ್ನು ಹಲವು ಕಲಾವಿದರು ಸಿನೆಮಾದಲ್ಲಿ ಅಭಿನಯಿಸಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದ್ರೆ ಈ ತಿಂಗಳ ಕೊನೆ ಅಥವಾ ಮುಂದಿನ ತಿಂಗಳ ಮೊದಲ ವಾರದಲ್ಲಿ ಚಿತ್ರ ತೆರೆಗೆ ಬರಲಿದೆ.