ಮಾಲ್ಡೀವ್ಸ್‌ನಲ್ಲಿ ಬಿಕಿನಿಯಲ್ಲಿ ಜಾನ್ವಿ ಕಪೂರ್-ಇಎಂಐ ಕಟ್ಟೋಕೆ ಸಾಕೆಂದು ಕಾಲೆಳೆದ ನೆಟ್ಟಿಗರು

•   Sat, Dec 10 2022 03:54:27 PM



• ಮುಂಬೈ, ಡಿ 10 (DaijiworldNews/DB): ನಟಿ ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್ ಬಿಕಿನಿ ತೊಟ್ಟು ಮಾಲ್ಡೀವ್ಸ್‌ನಲ್ಲಿ ಸಮಯ ಕಳೆಯುತ್ತಿರುವ ಫೋಟೋ ಪೋಸ್ಟ್ ಮಾಡಿದ್ದಾರೆ. ಸಖತ್ ಹಾಟ್ ಆಗಿರುವ ಜಾನ್ವಿ ಫೋಟೋಗಳು ಸಖತ್ ವೈರಲ್ ಆಗುತ್ತಿವೆ.

  ಸೌತ್ ಸಿನಿಮಾಗಳತ್ತ ಜಾನ್ವಿ ಬರುತ್ತಿದ್ದಾರೆಂದೇ ಹೇಳಲಾಗುತ್ತಿದೆ. ತೆಲುಗು ಸಿನಿಮಾದಲ್ಲಿ ನಟಿಸುವ ಬಗ್ಗೆಯೂ ಸುದ್ದಿ ಹಬ್ಬುತ್ತಿದೆ. ಈ ಗುಸುಗುಸು ಸುದ್ದಿಗಳ ನಡುವೆಯೇ ಜಾನ್ವಿ ಮಾಲ್ಡೀವ್ಸ್‌ಗೆ ಹಾರಿದ್ದಾರೆ. ಕಡಲ ಕಿನಾರೆಯಲ್ಲಿ ಬಿಕಿನಿ ತೊಟ್ಟು ಫೋಟೋಗೆ ಪೋಸ್ ನೀಡಿರುವ ಜಾನ್ವಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟಿದ್ದಾರೆ. ಆದರೆ ಈ ಬಾರಿ ಜಾನ್ವಿ ಫೋಟೋಗಳಿಗೆ ನೆಟ್ಟಿಗರು ಮಾಡಿದ ಕಾಮೆಂಟ್ ಗಮನ ಸೆಳೆಯುತ್ತಿದೆ. ಈ ಬಾರಿ ಇಎಂಐ ಕಟ್ಟಲು ಸಾಕು ಎಂದು ನೆಟ್ಟಿಗರು ಜಾನ್ವಿಗೆ ಸಖತ್ ಕಾಲೆಳೆದಿದ್ದಾರೆ.

  ಅಷ್ಟಕ್ಕೂ ಈ ಕಾಮೆಂಟ್ ಬರಲು ಕಾರಣವಿದೆ. ಗ್ಲಾಮರಸ್ ಲುಕ್‌ನಿಂದ ಎಲ್ಲರೂ ಆಕರ್ಷಿತರಾದರೆ ನನ್ನ ಖಾತೆಗೆ ಮತ್ತಷ್ಟು ಬ್ರಾಂಡ್‌ಗಳು ಬರುತ್ತವೆ. ಆ ಮೂಲಕ ಮಾಡಲಾದ ಇನ್‌ವೆಸ್ಟ್‌ಮೆಂಟ್‌ನಿಂದ ಇಎಂಐ ಕಟ್ಟಬಹುದು ಎಂದಿದ್ದರು. ಆ ಮೂಲಕ ಇಎಂಐ ಕಟ್ಟಲು ಹಣ ಗಳಿಸುವ ಸಲುವಾಗಿ ಹಾಟ್ ಫೋಟೋಗಳನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಶೇರ್ ಮಾಡುತ್ತಿರುವ ಬಗ್ಗೆ ಪರೋಕ್ಷವಾಗಿ ಹೇಳಿದ್ದರು.

  ಜಾನ್ವಿಯ ಈ ಹೇಳಿಕೆಯನ್ನೇ ಗಟ್ಟಿಯಾಗಿ ಹಿಡಿದುಕೊಂಡಿರುವ ನೆಟ್ಟಿಗರು, ಆಕೆ ಹಾಟ್ ಫೋಟೋಗಳನ್ನು ಪೋಸ್ಟ್ ಮಾಡಿದಾಗಲೆಲ್ಲಾ ಇಎಂಐ ಕಟ್ಟಲು ಸಾಕು ಎಂಬುದಾಗಿ ಕಾಲೆಳೆಯುತ್ತಿರುತ್ತಾರೆ. ಇದಿಗ ಮಾಲ್ಡೀವ್ಸ್‌ನಲ್ಲಿ ತೆಗೆದಿರುವ ಹಾಟ್ ಫೋಟೋಗಳಿಗೂ ನೆಟ್ಟಿಗರು ಅದೇ ರೀತಿಯ ಕಾಮೆಂಟ್ ಮಾಡುತ್ತಿದ್ದಾರೆ.