ಪ್ರಭಾಸ್, ಕೃತಿ ಮದುವೆ ಸುದ್ದಿ-ಕೊನೆಗೂ ಮೌನ ಮುರಿದ ನಟಿ

•   Wed, Nov 30 2022 03:36:41 PM



• ಮುಂಬೈ, ನ 30 (DaijiworldNews/DB): ನಟ ಪ್ರಭಾಸ್ ಮತ್ತು ನಟಿ ಕೃತಿ ಸನನ್ ಅವರ ವಿವಾಹದ ಕುರಿತ ಸುದ್ದಿಗಳು ಅಲ್ಲಲ್ಲಿ ಹರಿದಾಡುತ್ತಿವೆ. ಈ ವರ್ಷಾಂತ್ಯಕ್ಕೆ ಈ ಸ್ಟಾರ್ ಜೋಡಿ ಎಂಗೇಜ್ಮೆಂಟ್ ಮಾಡಿಕೊಳ್ಳಲಿದ್ದಾರೆಂಬ ಸುದ್ದಿ ಹಬ್ಬಿದೆ. ಆದರೆ ಈ ಎಲ್ಲಾ ಊಹಾಪೋಹಗಳಿಗೆ ನಟಿ ಕೃತಿ ಸನನ್ ಇದೀಗ ಎಳೆದಿದ್ದಾರೆ.

  ಆದಿಪುರುಷ ಸಿನೆಮಾದಲ್ಲಿ ಪ್ರಭಾಸ್-ಕೃತಿ ಜತೆಯಾಗಿ ನಟಸಿಸಿದ್ದು, ಸೆಟ್‌ನಲ್ಲಿ ಕೃತಿಗೆ ಪ್ರಭಾಸ್ ಪ್ರೇಮ ನಿವೇದನೆ ಮಾಡಿದ್ದರು ಎಂಬ ಸುದ್ದಿ ಹರಿದಾಡಿತ್ತು. ಆದರೆ ಈಗ ಹರಡುತ್ತಿರುವ ವದಂತಿಗಳು ಆಧಾರರಹಿತ. ಮದುವೆ ದಿನಾಂಕ ಪ್ರಕಟಿಸುವ ಮೊದಲು ನಿಮ್ಮ ಉತ್ಸಾಹದ ಗುಳ್ಳೆಯನ್ನು ಒಡೆಯುತ್ತೇನೆ ಎಂದು ಕೃತಿ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.

  ಇದು ಪ್ಯಾರ್ ಅಥವಾ ಪಿಆರ್ ಅಲ್ಲ. ಭೇಡಿಯಾ ರಿಯಾಲಿಟಿ ಶೋನಲ್ಲಿ ಹೆಚ್ಚು ಕಾಡಿದರು. ಈ ಹಾಸ್ಯವೇ ವದಂತಿಗೆ ಕಾರಣವಾಗಿತ್ತು. ವರುಣ್ ಧವನ್‌ ಮತ್ತು ಕೃತಿ ಇತ್ತೀಚೆಗೆ ತಮ್ಮ ಭೇಡಿಯಾ ಚಿತ್ರದ ಪ್ರಚಾರದ ಸಲುವಾಗಿ ಕರಣ್ ಜೋಹರ್ ಅವರೊಂದಿಗೆ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದರು. ಈ ವೇಳೆ ದೀಪಿಕಾ ಜೊತೆ ಶೂಟಿಂಗ್‌ನಲ್ಲಿರುವ ಒಬ್ಬರ ಹೃದಯದಲ್ಲಿ ಕೃತಿ ಹೆಸರಿದೆ ಎಂದು ವರುಣ್ ಕಾಲೆಳೆದಿದ್ದರು. ಇದರಿಂದ ಈ ಊಹಾಪೋಹ ಆರಂಭವಾಗಿತ್ತು ಎನ್ನಲಾಗಿದೆ.