ಮುಖ ಮುಚ್ಚಿಕೊಂಡೇ ಓಡಾಡಿದ ಸಾರಾ ಅಲಿಖಾನ್!-ಫ್ಯಾನ್ಸ್ ದಿಗಿಲು

•   Sat, Nov 26 2022 04:10:37 PM



• ಮುಂಬೈ, ನ 26 (DaijiworldNews/DB): ಸಾಮಾನ್ಯವಾಗಿ ನಟ-ನಟಿಯರು ಕಾಣಿಸಿಕೊಂಡಾಗ ಅವರೊಂದಿಗೆ ಮಾತನಾಡಲು, ಸೆಲ್ಪೀ ಕ್ಲಿಕ್ಕಿಸಿಕೊಳ್ಳಲು ಅಭಿಮಾನಿಗಳು ಮುಂದಾಗುವುದು ಸಾಮಾನ್ಯ. ಅಭಿಮಾನಿಗಳೊಂದಿಗೆ ಪ್ರೀತಿಯಿಂದ ಮಾತನಾಡಿಸುವಲ್ಲಿ ನಟಿ ಸಾರಾ ಅಲಿಖಾನ್ ಯಾವಾಗಲೂ ಒಂದೆಜ್ಜೆ ಮುಂದೆಯೇ. ಆದರೆ ಈ ಬಾರಿ ಮಾತ್ರ ಅವರು ಮುಖ ಮುಚ್ಚಿಕೊಂಡು ಓಡಾಡಿದ್ದು, ಅಭಿಮಾನಿಗಳಲ್ಲಿ ನೂರಾರು ಪ್ರಶ್ನೆಗಳು ಏಳಲು ಕಾರಣವಾಗಿದೆ.

  ಸಾರಾ ಅಲಿಖಾನ್ ತುಂಬಾ ಸೌಮ್ಯ ಸಭಾವದ ನಟಿ. ಯಾರೇ ಬಂದು ಮಾತನಾಡಿದರೂ, ಸೆಲ್ಫೀ ಕೇಳಿದರೂ ಇಲ್ಲ ಎನ್ನದೆ ಅವರೊಂದಿಗೆ ಸ್ಪಂದಿಸಿ ಮುಗುಳ್ನಗೆ ಬೀರಿ ಹೋಗುತ್ತಿದ್ದರು. ಈ ಕಾರಣಕ್ಕಾಗಿಯೇ ಅಭಿಮಾನಿಗಳಿಗೆ ಸಾರಾ ಅಚ್ಚುಮೆಚ್ಚು. ಆದರೆ ಈ ಬಾರಿ ಹಾಗಾಗಲಿಲ್ಲ. ಅಭಿಮಾನಿಗಳತ್ತ ತಿರುಗಿಯೂ ನೋಡದೆ ಸಾರಾ ಮುಖ ಮುಚ್ಚಿಕೊಂಡು ಸೀದಾ ಹೋಗಿದ್ದಾರೆ. ಹೀಗ್ಯಾಕಾಯ್ತೆಂಬ ಚಡಪಡಿಕೆ ಅಭಿಮಾನಿಗಳಲ್ಲಿ.

  ಹೌದು. ಮುಂಬೈನಲ್ಲಿ ಫಿಟ್‌ನೆಸ್ ಸೆಷನ್‌ಗೆ ತೆರಳಿದ ಸಾರಾ ಬರುವಿಕೆಗಾಗಿ ಅಭಿಮಾನಿಗಳು ಕಾದು ಕುಳಿತಿದ್ದರು. ಸ್ವಲ್ಪ ಸಮಯದ ಬಳಿಕ ವಾಪಸ್ಸಾದ ಸಾರಾ ಅಭಿಮಾನಿಗಳತ್ತ ತಿರುಗಿಯೂ ನೋಡಿಲ್ಲ. ಕ್ಯಾಮರಾ ಕಡೆಯೂ ಮುಖ ತಿರುಗಿಸದೆ ನೇರವಾಗಿ ಕಾರು ಏರಿ ಕುಳಿತಿದ್ದಾರೆ. ಸೆಷನ್‌ನಿಂದ ಹಿಂತಿರುಗುವಾದ ಮುಖ ಮುಚ್ಚಿಕೊಂಡೇ ಬಂದಿದ್ದರು. ಕಾರು ಏರಿದ ಮೇಲೆಯೂ ಮುಖ ಮುಚ್ಚಿಕೊಂಡೇ ಕುಳಿತಿದ್ದರು. ಸಾರಾ ಈ ರೀತಿ ಮಾಡಿದ್ದನ್ನು ನೋಡಿ ಅಭಿಮಾನಿಗಳು ದಿಗಿಲುಗೊಂಡಿದ್ದಾರೆ. ಸಾರಾ ಮುಖಕ್ಕೆ ಅಲರ್ಜಿ ಆಗಿದೆಯೇ ಎಂಬ ಸಂಶಯ ಅಭಿಮಾನಿಗಳನ್ನು ಇದೀಗ ಕಾಡುತ್ತಿದೆಯಂತೆ.