ಹುಟ್ಟುಹಬ್ಬದ ಸಂಭ್ರಮದಲ್ಲಿ ಸ್ಯಾಂಡಲ್​​ವುಡ್​ ಸ್ವೀಟಿ

•   Sat, Nov 12 2022 01:24:19 PM



• ಬೆಂಗಳೂರು, ನ 12 (DaijiworldNews/MS): ಸ್ಯಾಂಡಲ್​​ವುಡ್​ ನಟಿ ರಾಧಿಕಾ ಕುಮಾರಸ್ವಾಮಿಗೆ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ .ರಾಧಿಕಾ ಈ ಬಾರಿ ಕುಟುಂಬದೊಂದಿಗೆ ಸರಳವಾಗಿ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ.

  1986ರಲ್ಲಿ ಮಂಗಳೂರಿನಲ್ಲಿ ಜನಿಸಿದ ಇವರು, 'ನೀಲ ಮೇಘ ಶಾಮ' ಮುಖೇನ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ವಿಜಯ್ ರಾಘವೇಂದ್ರ ಜೋಡಿಯಾಗಿ ನಟಿಸಿದ್ದ 'ನಿನಗಾಗಿ' ಚಿತ್ರ ಇವರಿಗೆ ಖ್ಯಾತಿ ತಂದುಕೊಟ್ಟಿತು. ಕೆಲ ಸಿನಿಮಾಗಳಿಗೆ ನಿರ್ಮಾಪಕಿ & ಚಿತ್ರ ವಿತರಕಿಯಾಗಿಯೂ ಕೆಲಸ ಮಾಡಿದ್ದಾರೆ. 2006ರಲ್ಲಿ ರಾಧಿಕಾ, ಮಾಜಿ ಸಿಎಂ ಕುಮಾರಸ್ವಾಮಿ ಅವರನ್ನು ವರಿಸಿದ್ದು, ದಂಪತಿಗೆ ಓರ್ವ ಪುತ್ರಿ ಇದ್ದಾಳೆ. ರಾಧಿಕಾ ಸದ್ಯ 'ಭೈರಾ ದೇವಿ' ಚಿತ್ರದಲ್ಲಿ ನಟಿಸಿದ್ದಾರೆ.

  ಅಭಿಮಾನಿಗಳಿಂದ 'ಸ್ಯಾಂಡಲ್​​ವುಡ್​ ಸ್ವೀಟಿ' ಎಂದೇ ಕರೆಯಲ್ಪಡುವ ರಾಧಿಕಾ ಅಭಿಮಾನಿಗಳು ಸೋಷಿಯಲ್ ಮೀಡಿಯಾ ಮೂಲಕ ಹುಟ್ಟುಹಬ್ಬದ ಶುಭಾಶಯ ಕೋರುತ್ತಿದ್ದಾರೆ.