ಮಂಗಳೂರು: ‘ಪೋಸ್ಟರ್’ ತುಳು ಸಿನಿಮಾದ ಟೈಟಲ್ ಬಿಡುಗಡೆ

•   Thu, Oct 20 2022 09:03:39 PM



• ಮಂಗಳೂರು, ಅ 20 (DaijiworldNews/SM): ಪೋಸ್ಟರ್ ತುಳು ಚಿತ್ರದ ಟೈಟಲ್ ಲಾಂಚ್ ಕಾರ್ಯಕ್ರಮ ಮಂಗಳೂರಿನ ಖಾಸಗಿ ಹೋಟೆಲ್‌ನಲ್ಲಿ ನಡೆಯಿತು. ಮಾಜಿ ಎಂಎಲ್‌ಸಿ ಐವನ್ ಡಿ ಸೋಜ, ಚಲನಚಿತ್ರ ನಿರ್ಮಾಪಕ ಪ್ರಕಾಶ್ ಪಾಂಡೇಶ್ವರ ಟೈಟಲ್ ಲಾಂಚ್ ಮಾಡಿದ್ರು.

  
  ಕಾರ್ಯಕ್ರಮದಲ್ಲಿ ತುಳು ಚಿತ್ರ ರಂಗದ ನಟರಾದ ಅರ್ಜುನ್ ಕಾಪಿಕಾಡ್, ವಿನೀತ್, ಅನೂಪ್ ಸಾಗರ್, ಆಸ್ತಿಕ್ ಶೆಟ್ಟಿ, ಬಾಳ ಜಗನ್ನಾಥ ಶೆಟ್ಟಿ, ಮೋಹನ್ ಕೊಪ್ಪಲ, ಮಂಜು ರೈ ಉಪಸ್ಥಿತರಿದ್ದರು.

  ಕಾಂತಾರ ಚಿತ್ರದ ಮೂಲಕ ಸಿನಿ ರಸಿಕರ ಮನ ಗೆದ್ದ ಕರಾವಳಿ ಮೂಲದ ನಟರಾದ ಪ್ರಕಾಶ್ ತೂಮಿನಾಡು, ಶನಿಲ್ ಗುರು ಪೋಸ್ಟರ್ ತುಳು ಚಿತ್ರಕ್ಕೆ ಶುಭ ಹಾರೈಸಿದ್ರು. ಇನ್ನು ಪೋಸ್ಟರ್ ಚಿತ್ರದ ವಿಶೇಷತೆ ಅಂದ್ರೆ ಉದ್ಯಮಿ ರಾಕೇಶ್ ಶೆಟ್ಟಿ ಅವರ ಸುಪುತ್ರ ರಾಜನ್ ರಾಕೇಶ್ ಶೆಟ್ಟಿ ಚಿತ್ರದ ನಿರ್ಮಾಪಕರಾಗಿದ್ದು ಯಂಗೆಸ್ಟ್ ಪ್ರೊಡ್ಯೂಸರ್ ಆಫ್ ತುಳುನಾಡು ಎನ್ನುವ ಕೀರ್ತಿಗೆ ಪಾತ್ರರಾಗಲಿದ್ದಾರೆ.

  ಇನ್ನು ಪೋಸ್ಟರ್ ಚಿತ್ರಕ್ಕೆ ಅಶ್ವಿನಿ ಪ್ರಕಾಶ್ ಶೆಟ್ಟಿ ನಿರ್ದೇಶನ, ಡಿಬಿಸಿ ಶೇಖರ್ ಸಾಹಿತ್ಯ, ಉದಯ್ ಬಳ್ಳಾಲ್ ಛಾಯಾಗ್ರಹಣ ಇರಲಿದೆ. ಉದ್ಯಮಿ ರಾಕೇಶ್ ಶೆಟ್ಟಿ ಅವರು ತುಳುನಾಡು ಮೂಲದ ಉದ್ಯಮಿಯಾಗಿದ್ದು ಈ ಹಿಂದೆ ಬಾಲಿವುಡ್ ಚಿತ್ರಗಳನ್ನು ನಿರ್ಮಾಣ ಮಾಡಿದ್ದರು, ಇದೀಗ ತುಳು ಭಾಷೆಯ ಮೇಲಿನ ಪ್ರೀತಿಯಿಂದ ಹೊಚ್ಚ ಹೊಸ ತುಳು ಸಿನೆಮಾ ನಿರ್ಮಾಣ ಮಾಡುತ್ತಿದ್ದಾರೆ.