ಕಲೆಕ್ಷನ್​​ನಲ್ಲಿ ಕೆಜಿಎಫ್‌‌ನ್ನು ಹಿಂದಿಕ್ಕಲು ಮುಂದಾದ 'ಕಾಂತಾರ'

•   Wed, Oct 19 2022 04:46:22 PM



• ಬೆಂಗಳೂರು, ಅ 19 (DaijiworldNews/HR): ಕೆಲವು ದಿನಗಳಿಂದ ಸಿನಿಮಾ ಎಂದ ಕೂಡಲೇ ಎಲ್ಲರ ಬಾಯಿಯಲ್ಲೂ ಕೇಳುವ ಒಂದೇ ಪದ ರಿಷಬ್ ಶೆಟ್ಟಿ ನಿರ್ದೇಶಿಸಿ, ನಟಿಸಿರುವ ಕಾಂತರ. ಈ ಕಾಂತರ ಸಿನಿಮಾ ಇದೀಗ ಭರ್ಜರಿ ಕಲೆಕ್ಷನ್ ಮಾಡುತ್ತಿದ್ದು, ಕೆಜಿಎಫ್‌‌ನ್ನು ಹಿಂದಿಕ್ಕಲು ಮುಂದಾಗಿದೆ.

  ಪ್ರಶಾಂತ್ ನೀಲ್ ನಿರ್ದೇಶನದ ‘ಕೆಜಿಎಫ್’ ಸಿನಿಮಾ ಹಲವು ದಾಖಲೆಗಳನ್ನು ಸೃಷ್ಟಿ ಮಾಡಿದ್ದು, ಇದೇ ಚಿತ್ರ ನಿರ್ಮಾಣ ಮಾಡಿದ್ದ ವಿಜಯ್ ಕಿರಗಂದೂರು ಅವರ ಒಡೆತನದ ಹೊಂಬಾಳೆ ಫಿಲ್ಮ್ಸ್​ ಅಡಿಯಲ್ಲಿ ಕಾಂತಾರ ಸಿನಿಮಾ ಮೂಡಿ ಬಂದಿದೆ.

  ಇನ್ನು ಮೊದಲಿಗೆ ಕನ್ನಡದಲ್ಲಿ ತೆರೆಕಂಡ ಕಾಂತರ ಇದೀಗ ಹಿಂದಿ, ತೆಲುಗಿನಲ್ಲಿ ಬಿಡುಗಡೆಯಾಗಿದ್ದು, ತುಳುವಿನಲ್ಲಿ ಡಂಬಿಗ್ ನಡೆಯುತ್ತಿದೆ.

  ತಮಿಳುನಾಡಿನಲ್ಲಿ ಕೆಜಿಎಫ್ ದಾಖಲೆಯನ್ನು ಮುರಿಯಲು ಕಾಂತಾರ ಸಜ್ಜಾಗಿದ್ದು, ಆಂಧ್ರ ಹಾಗೂ ತೆಲಂಗಾಣ ಭಾಗದಲ್ಲಿ ಈ ಸಿನಿಮಾ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ.