ಎಪ್ರಿಲ್ 19ಕ್ಕೆ ರಿಲೀಸ್ ಆಗಲಿದೆ ಗೋಲ್‌ಮಾಲ್‌

•   Fri, Feb 15 2019 05:19:00 PM



• ಮಂಗಳೂರು, ಫೆ 15(MSP): ಮಂಜುನಾಥ ನಾಯಕ್‌ ಕಾರ್ಕಳ ಮತ್ತು ಅಕ್ಷಯ ಪ್ರಭು ಅಜೆಕಾರ್‌ ನಿರ್ಮಾಣದಲ್ಲಿ ರಮಾನಂದ ನಾಯಕ್‌ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ 'ಗೋಲ್‌ಮಾಲ್‌' ಸಿನಿಮಾ ರಿಲೀಸ್ ಗೆ ಡೇಟ್ ಫಿಕ್ಸ್ ಆಗಿದೆ. ಚಿತ್ರ ಏಪ್ರಿಲ್ 19 ರಂದು ಬಿಡುಗಡೆಯಾಗಲಿದ್ದು ಈಗಾಗಲೇ ಸಿನಿಮಾಕ್ಕೆ ಸೆನ್ಸಾರ್‌ ಮಂಡಳಿ ಯು. ಎ. ಸರ್ಟಿಫಿಕೇಟ್‌ ನೀಡಿದೆ.

  

  'ಗೋಲ್‌ಮಾಲ್‌' ಸಿನೆಮಾಕ್ಕೆ ಮೂರು ಹಂತಗಳಲ್ಲಿ ಮಂಗಳೂರು, ಕಾರ್ಕಳ, ಉಡುಪಿ ಹಾಗೂ ಬೆಂಗಳೂರಿನಲ್ಲಿ ಚಿತ್ರೀಕರಣ ನಡೆದಿದ್ದು, ಸ್ಯಾಂಡಲ್‌ವುಡ್‌, ಟಾಲಿವುಡ್‌ನಲ್ಲಿ ಡೈಲಾಗ್‌ ಕಿಂಗ್‌ ಎಂದೇ ಗುರುತಿಸಿಕೊಂಡಿರುವ ಸಾಯಿಕುಮಾರ್‌ ಈ ಚಿತ್ರದ ಮೂಲಕ ಕೋಸ್ಟಲ್‌ವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ.

  ಸಸ್ಪೆನ್ಸ್‌ ಥ್ರಿಲ್ಲರ್‌ ಹಾಸ್ಯ ಕಥೆ ಹೊಂದಿರುವ ಗೋಲ್‌ಮಾಲ್‌ನಲ್ಲಿ ಶ್ರೇಯಾ ಅಂಚನ್‌ ನಾಯಕಿಯಾಗಿದ್ರೆ, ಪಿಲಿಬೈಲ್‌ ಯಮುನಕ್ಕ' ಖ್ಯಾತಿಯ ಪೃಥ್ವಿ ಅಂಬರ್ ಈ ಸಿನೆಮಾದಲ್ಲಿ ನಾಯಕ ನಟರಾಗಿದ್ದಾರೆ. ಉಳಿದಂತೆ ನವೀನ್‌ ಡಿ. ಪಡೀಲ್‌, ಅರವಿಂದ ಬೋಳಾರ್‌, ಸತೀಶ್‌ ಬಂದಲೆ, ಇಳಾ ವಿಟ್ಲ,ಸುನೀಲ್‌ ನೆಲ್ಲಿಗುಡ್ಡೆ, ಭೋಜರಾಜ ವಾಮಂಜೂರು, ಸುಂದರ ರೈ ಮಂದಾರ ಮುಂತಾದವರ ತಾರಾಬಳಗ ಚಿತ್ರಕ್ಕಿದೆ.

  ಸುನಾದ್‌ ಗೌತಮ್‌ ಸಂಗೀತದೊಂದಿಗೆ ಛಾಯಾಗ್ರಹಣದಲ್ಲಿ ಕೆಲಸಮಾಡಿದ್ದಾರೆ. ಶಂಕರ್‌ ನಾರಾಯಣ್‌ ಪೆರ್ಡೂರು ಸಂಕಲನ ಮಾಡಿದ್ದಾರೆ. ಶಿವು ಸಾಹಸ ದೃಶ್ಯ ಸಂಯೋಜಿಸಿದ್ದಾರೆ. ಕಲಾ ನಿರ್ದೇಶಕರಾಗಿ ದಿನೇಶ್‌ ಜೋಗಿ ದುಡಿದಿದ್ದಾರೆ.