‘ಉರಿ’ ಬಂದರೂ ‘ಕೆಜಿಎಫ್’ ನಂ.1 ..! - ಮುಂದಿನ ಚಾಪ್ಟರ್ ನಲ್ಲಿ ಸಂಜಯ್ ದತ್

•   Mon, Feb 11 2019 04:26:46 PM



• ಬೆಂಗಳೂರು, ಫೆ 11(MSP): ಪ್ರಶಾಂತ್‌ ನೀಲ್‌ ನಿರ್ದೇಶನದ, ರಾಕಿಂಗ್ ಸ್ಟಾರ್ ಯಶ್ ಅಭಿಯಾನದ ಕೆಜಿಎಫ್ ಸಿನಿಮಾ ಬಿಡುಗಡೆಯಾಗಿ ಭಾರತದಲ್ಲಿ ಮಾತ್ರವಲ್ಲದೇ ದೇಶ ವಿದೇಶದಲ್ಲೂ ಹಲವು ದಾಖಲೆಗಳನ್ನು ನಿರ್ಮಿಸಿದೆ. ಇದೀಗ 'ಕೆಜಿಎಫ್'​ ಸಿನಿಮಾ ರಿಲೀಸ್ ಆಗಿ 50 ದಿನಗಳೇ ಕಳೆದ್ರೂ ಸಿನಿಮಾ ತನ್ನ ಹವಾ ವನ್ನು ಈ ಹಿಂದಿನಂತೆ ಕಾಯ್ದುಕೊಂಡಿದೆ. ಯಾಕೆಂದರೆ 'ಐಎಂಡಿಬಿ' ರೇಟಿಂಗ್​ನಲ್ಲಿ ಕೆಜಿಎಫ್​ ಇವತ್ತಿಗೂ ನಂ.1 ಸ್ಥಾನದಲ್ಲಿಯೇ ಮಿಂಚುತ್ತಿದೆಈ ನಡುವೆ ಸರ್ಜಿಕಲ್​ ಸ್ಟ್ರೈಕ್ ಕುರಿತು ನಿರ್ಮಾಣವಾಗಿರುವ 'ಉರಿ' ಬಿಡುಗಡೆಯಾಗಿ ಮುನ್ನುಗ್ಗುತ್ತಿದ್ದರೂ ಕೆಜಿಎಫ್ ಸಿನಿಮಾವನ್ನು ಮಾತ್ರ ಬೀಟ್ ಮಾಡಲಾಗಲಿಲ್ಲ.

  

  ಈ ನಡುವೆ ಕೆಜಿಎಫ್ ಚಾಪ್ಟರ್ -2 ನಲ್ಲಿ ಬಾಲಿವುಡ್ ಮುನ್ನಾ ಭಾಯ್ ಸಂಜಯ್ ದತ್ ಕಾಣಿಸಿಕೊಳ್ಳುವ ಸುದ್ದಿ ಬಹುತೇಕ ಪಕ್ಕಾ ಆಗಿದೆ. ಇದಕ್ಕೆ ಪೂರಕವೆಂಬಂತೆ ಸಂಜಯ್ ದತ್ತ್ ತಮ್ಮ ಗಡ್ಡಕ್ಕೆ ಕತ್ತರಿ ಹಾಕಿಲ್ಲ. ಸಿನಿಮಾದಲ್ಲಿ 90ರ ದಶಕಕ್ಕನುಗುಣವಾಗಿರುವ ಕಥೆ ಇರೋದ್ರಿಂದ ಆ ಚಿತ್ರದ ಪಾತ್ರಕ್ಕಾಗಿ ಅಣಿಯಾಗುತ್ತಿದ್ದಾರೆ. ಎಲ್ಲಾ ಅಂದುಕೊಂಡಂತೆ ಆದರೆ ಮುಂದಿನ ತಿಂಗಳು ಭಾಗ-2 ಸಿನಿಮಾ ಸೆಟ್ಟೇರಲಿದೆ.